1999: Рӧмпӧштан. 4 юрпас

НЁЛЬӦД ЮРПАС

Удж. Уджалан лун. Работа. Рабочий день

Местный, вступительный и исходный падежи. Послелоги вылӧ, вылысь. Спряжение глаголов в первом прошедшем времени.

Сёрни - Диалог

— Некыдз эг виччысь, мый ми тані паныдасям. Тэ нӧ кытчӧ мӧдін?

— Ме тэрмася. Талун лэбзя Ухтаӧ, командировкаӧ. Ӧні муна удж вылӧ.

— Кымын часын самолётыд лэбзьӧ?

— Нёль час гӧгӧр.

— Но сідзкӧ водз на, удитан. Ӧні сӧмын дас час да джын.

— Ме верма нуны тэнӧ удж вылад машинаӧн.

— Тэнад машина эм?!

— Ньӧби неважӧн.

— Кутшӧм марка?

— “Волга”. Со тані сулалӧ: ӧкмыссё ӧкмысдас. А тэнад кӧні машинаыд?

— Менам? Заводын на...

— Никак не ожидал, что мы здесь встретимся. Ты куда сейчас?

— Я спешу. Сегодня лечу в Ухту, в командировку. Сейчас иду на работу.

— Во сколько самолёт летит?

— Около четырёх часов.

— Ну тогда ещё успеешь. Сейчас только половина одиннадцатого.

— Я могу тебя подвезти на машине.

— У тебя есть машина?!

— Купил недавно.

— Какой марки?

— "Волга”. Вот здесь стоит: девятьсот девяносто. А где твоя машина?

— Моя? На заводе ещё...

Вступительный, местный и исходный падежи

-ӧ — показатель вступительного падежа, отвечающего на вопрос Кытчӧ? Куда?

-ын — показатель местного падежа, отвечающего на вопрос Кӧні? Где?

-ысь — показатель исходного падежа, отвечающего на вопрос Кытысь? Откуда?

театрӧ в театр

вӧрӧ в лес

театрын в театре

вӧрын в лесу

театрысь из театра

вӧрысь из леса

Прочитайте диалоги:

— Кытчӧ тэ мунан?

— Библиотекаӧ муна.

— Кӧні тэ олан?

— Ме ола Печораын.

— Кытысь тэ ачыд?

— Ме Важгортысь.

Пространственные послелоги вылӧ, вылысь

удж вылӧ на работу

удж вылын на работе

удж вылысь с работы

Запомните выражения:

ветлыны удж вылӧ сходить на работу

лоны удж вылын быть на работе

локны удж вылысь прийти с работы

Спряжение глаголов в первом прошедшем времени

ме нуи (-і)

тэ нуин (-ін)

сійӧ нуис (-іс)

ми нуим (-ім)

ті нуинныд (-інныд)

найӧ нуисны (-існы)

                                  локны - приходить, прибыть

ме локті я пришел, пришла                  ми локтім мы пришли

тэ локтін ты пришёл, пришла              ті локтінныд вы пришли

сійӧ локтіс он пришел, пришла           найӧ локтісны они пришли

Проспрягайте по образцу:

мунны идти, ехать

мунны удж вылӧ идти на работу

ме ...................

тэ ...................

сійӧ..................

ми....................

ті....................

найӧ..................

Прочитайте диалоги и отвечайте по образцу:

— Сійӧ локтіс Ухтаысь?

— Да, сійӧ локтіс Ухтаысь.

1) — Батьыд локтіс удж вылысь?

— Да, батьӧй..................

2) — Вокыд муніс командировкаӧ?

— Да, вокӧй...................

3) — Чойыд ветліс вузасянінӧ?

— Да, чойӧй...................

4) — Мамыд гортын нин?

— Да, мамӧй...................

войдӧрлун позавчера

тӧрыт вчера

талун сегодня

аски завтра

аскомысь послезавтра

Прочитайте предложения:

Тӧрыт вӧлі выльлун.

Талун воторник.

Аски лоӧ середа.

Шмонь

— Талун ме муна пажнайтны гортӧ.

— Мый нӧ лои?

— Тӧрыт гӧтыр чӧскыдторъяс пуис. Тьӧща кӧсйис волыны да ӧні звӧнитліс, аскомысь пӧ локта.

1. ывлаӧ петны

ывла вылӧ петны

выйти на улицу, на двор

2. ывлаысь пырны

ывла вылысь пырны

зайти с улицы

3. Ывлаын тӧрыт вӧлі кӧдзыд.

На улице вчера было холодно.

Ывла вылын аски лоӧ шоныд.

На улице завтра будет тепло.

Ответьте на вопросы по образцу:

— Кымын градус талун ывлаын? (-13 °).

— Талун ывлаын дас куим градус кӧдзыд.

1. Кымын градус тӧрыт вӧлі Вӧркутаын? (-42°)

2. Кымын градус талун Печораын? (-28°)

3. Кымын градус аски лоӧ Усинскын? ( -З1°)

Сочетания числительных с существительными

Стӧч кад - Точное время

Уна-ӧ кадыс? Мыйта кадыс? — Сколько времени?

Приблизительное время

Кымынӧд час? — Который час?

ӧкмысӧд час

ӧкмыс час кымын

ӧкмыс час гӧгӧр

гӧгӧр около, примерно

кымын около, примерно

Телефон пыр сёрни

— Тайӧ приёмнӧй? Секретар?

— Да. Ме кывза.

— Менам ним-вичӧй Александр Григорьевич. Висьталӧй, пӧжалуйста, Андрей Викторовичлӧн уджвывса телефоныс нелямын сизим комын кык ветымын нёль?

— Абу. Сылӧн телефоныс нелямын сизим кызь куим нелямын вит.

— Позьӧ-ӧ волыны приём вылӧ?

— Позьӧ. Волӧй. Но ӧні Андрей Викторович сӧвещание вылын. Локтӧй дас кык час гӧгӧр.

— Кымын часын?

— Дас кык часын. Гӧгӧрвоинныд?

— Да. Аттьӧ. Аддзысьлытӧдз.

Прочитайте предложения:

1. Оленёва Снежана локтӧ удж вылӧ век ӧкмыс часын.

— Талун сійӧ локтіс ӧкмыс часын жӧ?

2. Кротов Павел мунӧ удж вылысь дас кӧкъямыс часын.

— Но талун сійӧ муніс нёль час да джынйын коми кыв курс вылӧ.

3. Кузькокова Анна сизим часын ветлӧ лавкаӧ.

— Но талун сійӧ ветліс филармонияӧ концерт вылӧ.

Образуйте фразы и слова по образцу

асыв утро

бур асыв доброе утро

асывнас утром

1) лун день........................

2) рыт вечер.......................

3) вой ночь........................

Преобразуйте слова по образцу

выльлун                         Кор? Когда? выльлунӧ в понедельник

воторник

середа

четверг

пекнича

субӧта

вежалун

Шмонь

— Ті век на машина вылӧ сьӧмтӧ чукӧртанныд?

— Дугдім нин. Кольӧм субӧтаӧ верӧсӧй лыддис да тырмис сӧмын лямпа гоз вылӧ.

Подберите по смыслу глаголы. Поставьте их по образцу в первом прошедшем времени.

Войнас ме (узьны) диван вылын.

Войнас ме узи диван вылын.

1. Асывнас сійӧ........ удж вылӧ. мунны

2. Луннас тэ .............университетын. велӧдчыны

3. Рытнас ми.......... удж вылысь. локны

4. Воторникӧ да четвергӧ найӧ .....курс вылӧ. ветлыны

5. Выльлунӧ ті......... удж вылын. вӧвны

Прочитайте текст. Замените глаголы настоящего времени глаголами первого прошедшего времени.

Менам уджалан лунӧй

Асывнас
Быд лун ме чечча квайт час да джынйын. Вӧча гимнастика, мысся, весала пинь, сынася. Сёя да юа. Пасьтася да кӧмася. Кӧкъямыс часын пета гортысь. Муна удж вылӧ комын вит минут.

Луннас

Ме уджала министерствоын. Удж вылын ме лыддя уна кабала. Дас куим часын пажнайта. Удж вылысь муна дас сизим часын.

Рытнас

Ветла вузасянінӧ. Сэсся муна гортӧ. Гортын пӧрччыся, сёя, юа. Лыддя газетъяс да журналъяс. Видзӧда телевизор. Кывза музыка.

Войнас

Дас ӧти часын ме вода узьны диван вылӧ.

Шмонь

— Дона оз тусьӧй, — гусьӧн висьталіс том гӧтырыслы свадьба вылын верӧсыс, — тэныд сэсся нэм чӧжыд ковмас видзӧдны менам мисьтӧм чужӧм вылӧ.

— Нэм чӧж? Ха! Луннас тэ лоан удж вылын, а войнас — пемыд.

Составьте предложения

ЛЫДДЯНТОРЪЯС ТЕКСТЫ

Асывнас окота на узьны, но колӧ чеччыны, мыссьыны, сынасьны, пасьтасьны, кӧмасьны, сёйны да юны. Колӧ мунны удж вылӧ кӧкъямыс час гӧгӧр.

Луннас удж вылын позьӧ гижны, сёрнитны телефон пыр, лыддьыны кабалаяс.

Рытнас дыш уджавны, велӧдчыны. Окота лыддьыны газетъяс, видзӧдны телевизор, кывзыны музыка, вӧчны гортса удж.

Войнас быть колӧ узьны.

Оленева Снежаналӧн уджалан лун

Снежана чеччис асывнас водз, квайт часын. Окота на вӧлі узьны, но быть колӧ чеччыны. Снежана мыссис, весаліс пинь, сынасис, пасьтасис. Марина нылыс узис на. Снежана юис копей. Сэсся шуис нылыслы:

— Марина, оз тусьӧй, чеччы, мыссьы да пасьтась. Колӧ детсадӧ мунны.

Сизим час да джынйын Снежана да Марина петісны дас витӧд номера автобус вылӧ. Найӧ олісны Орбитаын Петрозаводскӧй улича вылын.

Удж вылӧ Снежана воис ӧкмыс часын. Луннас сійӧ уджаліс выль программа вылын. Министр сетіс сылы лыддьыны документъяс. Снежаналы ковмис звӧнитлыны уна местаӧ: библиотекаӧ, музейӧ, небӧг лэдзанінӧ. Сійӧ висьталіс, мый чукӧртӧ выль программа вылӧ материал. Дас кык час гӧгӧр Снежана пажнайтіс “Пелысь”кафеын.

Кык часын Снежана ветліс редакцияӧ. Сэні сійӧ сёрнитіс, юис тшай. Культура министерствоӧ сійӧ воис нёльӧд часын нин. Министерствоын вӧлі совещание, кытчӧ чукӧртчисны театръясын уджалысьяс. Снежана пырис витсё кызь коймӧд кабинетӧ, сэні уджалісны сылӧн нывъёртъясыс. Найӧ сёрнитісны, удж вылын пыр эмӧсь выльторъяс.

Квайт часын Снежана петіс нин министерствоысь. Ветліс детсадйӧ. Марина нылыслы вӧлі зэв нимкодь:

— Ме тэнӧ радейта, мамук. Видзӧдлы, мый ме рисуйті тэныд. Босьт.

— Аттьӧ, донаӧй. Мунам гортӧ. Пасьтась да кӧмась ачыд.

Рытнас Снежана да Марина видзӧдісны телевизор, лыддисны выль небӧг, ужнайтісны. Дас час гӧгӧр водісны узьны.

Аски Снежаналы колӧ мунны Кӧрткерӧсӧ командировкаӧ ӧти лун кежлӧ. Сылы колӧ чукӧртны материал выль программа вылӧ.

УДЖЪЯС УПРАЖНЕНИЯ

1 удж. Придумайте предложения по образцу. Глаголы поставьте в первом прошедшем времени.

выльлунӧ ме ветлі редакцияӧ

ме

тэ

сійӧ

ми

ті

найӧ

библиотека

банк

небӧг лэдзанінӧмузей

бурдӧдчанін

милиция

2 удж. Составьте предложения по образцу (глаголы в первом прошедшем времени).

парк — Сійӧ локтіс паркысь.

1) институт — ...............

2) горт — ...................

3) министерство — ...........

4) вузасянін — ...............

5) варччанін — ...............

3 удж. Составьте предложения по образцу.

удж — Сійӧ ветліс удж вылӧ....

1) курс — ....................

2) стадион — ................

3) концерт — ................

4) кино — ....................

4 удж. Составьте рассказ о своём рабочем дне, опираясь на текст «Оленёва Снежаналӧн уджалан лун», используя глаголы в первом прошедшем времени.

5 удж. Образуйте от инфинитивов формы повелительного наклонения:

кывзыны кывзы кывзӧй

мыссьыны

лыддьыны

сёрнитны

мунны

ветлыны

локны

пырны

петны

6 удж. Составьте предложения по схеме:

Коді? Мый вӧчис? Кодлы? Мый?

Мам гижис нывлы письмӧ

рисуйтіс

сетіс

висьталіс

козьналіс

7 удж. Переведите на коми язык.

Сегодня суббота. А вчера была пятница, рабочий день Ани.

Утром в пятницу Анна встала, умылась, расчесала волосы, позавтракала, оделась и обулась.

Вышла из дома ровно в восемь часов. На улице было холодно: около 25 градусов. Она спешила на работу, села на автобус № 5.

На работу пришла в 8 часов 45 минут. Днём много работала: писала, читала документы, говорила по телефону, звонила в редакцию газеты “Коми му”, обедала в ресторане “Националь”, сходила в Министерство культуры.

Ушла с работы в 16.30. В магазине “Книги” купила новую книгу Владимира Тимина “Мича ёма”.

В 18 часов 10 минут была уже дома. Разделась, поужинала, посмотрела телевизор, послушала радио. Около 11 часов легла спать на диван.

Утром в субботу Анне вставать было лень, но пришлось: зазвонил телефон. Звонила её мать из Визинги, спросила, что делала Анна вчера, позавчера. Анна рассказала. Потом ей позвонила сестра из Усинска. В 12 часов пришли подруги. Они выпили чаю, съели торт, поговорили.

КЫВВОР

аски завтра

аскомысь послезавтра

асыв утро

асывнас утром

аттьӧ спасибо

бур хороший, добрый

быд каждый

быть колӧ обязательно надо

век всегда

вермыны мочь

весавны чистить

видзӧдны смотреть

виччысьны ожидать

водны ложиться

войдӧрлун позавчера

войнас ночью

водз рано

вой ночь

вӧвны быть

выль новый

гоз пара

горт дом, жилище

гӧгӧрвоны понять

гусьӧн тихо

дона дорогой

дугдыны перестать, прекратить

дыш лень

ёма ведьма

кад время

кежлӧ к, на

козьнавны подарить

колӧ надо,необходимо

кольны остаться

кольӧм прошедший, прошлый

кор когда

кӧдзыд холодно, холодный

кӧмасьны обуться

кӧсйыны хотеть

кывзыны слушать

кытчӧ куда

кытысь откуда

лоны быть

луннас днём

лыддьыны считать, читать

лэбзьыны улететь

лямпа лыжи (короткие и широкие)

мисьтӧм некрасивый

мӧдны отправиться

мыйта сколько

небӧг лэдзанін издательство

неважӧн недавно

некыдз никак

нимкодь приятно, радостно

ньӧбны купить

нэм век

оз тусьӧй моя ягодка (обращение)

окота хочется

паныдасьны встретиться

пасьтасьны одеться

пемыд темно, тёмный

петны выйти

пинь зуб

пӧ мол

пӧрччысьны раздеться

пуны варить

пырны войти

рытнас вечером

сетны дать

сёрни разговор

сёрнитны говорить

сідзкӧ тогда

сӧмын только

стӧч точно, точный

сьӧм деньги

тӧрыт вчера

тырмыны хватать, хватить

тьӧща тёща

тэнӧ тебя

тэрмасьны спешить

уджалан рабочий

удитны успеть

узьны спать

уна-ӧ сколько

чӧж в течение

чӧскыдтор сладости

чужӧм лицо

чукӧртны собирать

шмонитны шутить

шоныд тёплый

ывла улица, двор

юны пить