ДАСӦД ЮРПАС
Коми Республика: йӧз, овмӧс, веськӧдланног. Канму пасъяс - Коми Республика: население, экономика, управление. Государственная символика
Словообразовательные отглагольные суффиксы существительных -ысь, -ӧм, -лун, их значения. Глагольные суффиксы, выражающие способ действия -ышт, -лывл(ы), -ывл, -л(ы), -в. Отглагольные существительные, обозначающие профессию, род деятельности людей, занятия, имена действия, абстрактные существительные.
Сёрни
— Чолӧм, Петыр, кыдзи олан?
— Видза олан, Микола! Аттьӧ, бура ола. Чолӧмала тэнӧ вӧр лэдзысь лунӧн! Тэ ӧд том дырйиыд пӧ вӧлӧмыд вӧр пӧрӧдысьӧн. Сідзи абу?
— Да, сідзи. Уджалі да вӧр институтӧдз олі Кузьёльын, Койгорт районын. А тэ ачыд абу ӧмӧй Интаысь?
— Абу, Воркутаысь ме. Батьӧй вӧлі из шом перйысь, мамӧй артасьысь. Ме тшӧтш неуна уджалышті шахтаын, армияӧдз вӧлі дзоньталысьӧн. Кывзы, а кӧні уджавлӧма Кротов Павел?
— Стӧча ог тӧд. Висьталӧны, сійӧ пӧ ичӧт дырйиыс бать-мамыскӧд овлӧма Мандач посёлокын, батьыс пӧ вӧвлӧма вӧралысь, а мамыс пусьысь. То, сійӧ ачыс татчӧ локтӧ. Юасьыштам сылысь!
— Привет, Пётр, как поживаешь?
— Здравствуй, Микола! Спасибо, хорошо живу. Поздравляю тебя с днём лесозаготовителя! Ты ведь в молодости, говорят, был лесорубом. Так или нет?
— Да, так. Работал и жил до лесного института в посёлке Кузъёль, в Койгородском районе. А ты разве сам не из Инты?
— Нет, из Воркуты я. Отец был шахтёром, мать бухгалтером. Я тоже немного поработал в шахте, до армии был ремонтником. Слушай, а где работал Кротов Павел?
— Точно не знаю. Говорят, что он с родителями в детстве жил в посёлке Мандач, что отец его был охотник, а мать повар. Вот он сам сюда идёт. Немного расспросим его!
В коми языке важное значение имеют суффиксы существительных, образующихся от глаголов.
-ысь — обозначает названия профессий, занятий людей, а также просто действователя в данный момент. Например:
велӧдны учить
велӧдысь учитель, учительница
велӧдчыны учиться
велӧдчысь ученик, учащийся
юравны руководить
юралысь глава, руководитель, вожак
веськӧдлыны управлять
веськӧдлысь руководитель, начальник
гижны писать
гижысь писатель
бурдӧдны лечить
бурдӧдысь врач
висьны болеть
висьысь больной, больная
сьывны петь
сьылысь певец, певица
вӧравны охотничать
вӧралысь охотник
пусьыны варить
пусьысь повар
вузасьны продавать
вузасьысь продавец
ньӧбасьны покупать
ньӧбасьысь покупатель
Велӧдысьяс велӧдӧны челядьӧс, велӧдчысьяс ветлӧны школаясӧ.
Висьысьяс куйлӧны бурдӧдчанінъясын, бурдӧдысьяс бурдӧдӧны найӧс.
Коми Республикаса Юралысь тшӧкыда сёрнитӧ каръясса да районъясса веськӧдлысьяс водзын.
Многие существительные образуются от глаголов с зависимым существительным, они обозначают единое понятие. Например, му вӧдитны — обрабатывать землю, му вӧдитысь — земледелец, крестьянин. Особенно часто так образуются существительные со значением человек определённого рода занятий, профессии.
Примеры:
чери кыйны ловить рыбу
чери кыйысь рыбак
скӧт видзны содержать скот
скӧт видзысь животновод
кӧр видзны держать оленей
кӧр видзысь оленевод
вӧр лэдзны заготавливать лес
вӧр лэдзысь лесозаготовитель
из шом перйыны добывать уголь
из шом перйысь шахтёр
мусир перйыны добывать нефть
мусир перйысь нефтяник
биару перйыны добывать газ
биару перйысь газовик
кабала вӧчны делать бумагу
кабала вӧчысь бумажник
министрӧс вежысь зам. министра
веськӧдлысьӧс вежысь зам. начальника
-ӧм — образует от любого глагола существительные, обозначающие наименования действия, процесса, а также абстрактные имена, связанные с действием глагола.
Например, велӧдчыны — учиться, велӧдчӧм — учёба.
Примеры:
велӧдны учить
велӧдӧм обучение
овны жить
олӧм жизнь
висьны болеть
висьӧм болезнь
бурдӧдны лечить
бурдӧдӧм лечение
сьывны петь
сьылӧм пение
веськӧдлыны управлять
веськӧдлӧм управление
шойччыны отдыхать
шойччӧм отдых
вӧравны охотничать
вӧралӧм охота
кувны умирать
кулӧм смерть
От глаголов с зависимым существительным (прямым объектом) также образуются имена действия, называющие занятия, виды деятельности людей, например:
чери кыйны ловить рыбу
чери кыйӧм рыболовство
му вӧдитны обрабатывать землю
му вӧдитӧм земледелие
скӧт видзны держать скот
скӧт видзӧм скотоводство
кӧр видзны держать оленей
кӧр видзӧм оленеводство
вӧр лэдзны
вӧр лэдзӧм лесозаготовка
из шом перйыны
из шом перйӧм добыча угля
мусир перйыны
мусир перйӧм добыча нефти
биару перйыны
биару перйӧм добыча газа
Коми йӧз радейтӧны чери кыйӧм, вӧралӧм, му вӧдитӧм.
Вӧр лэдзысьяс уджалӧны вӧрын, олӧны посёлокъясын.
Вӧркутаын да Интаын уджалӧны из шом перйысьяс.
Биару перйысьяс олӧны Вуктылын, а Усинскын — мусир перйысьяс.
Кӧр видзысьяс гожӧмнас олӧны Вой саридз дорын, тӧвнас найӧ чужан сиктъяс дорын кӧръяссӧ видзӧны.
Сиктъясын олӧны скӧт видзысьяс, му вӧдитысьяс да чери кыйысьяс.
Коми Республикаса войвылын бура сӧвмӧма мусир перйӧм, биару перйӧм, да из шом перйӧм, сэтчӧс сиктъясын — кӧр видзӧм.
Лунвылын сӧвмӧма вӧр лэдзӧм, му вӧдитӧм, скӧт видзӧм.
Кроме суффиксов существительных, к глаголам в коми языке часто присоединяются суффиксы способов глагольного действия, выражающие характер протекания процесса.
-ышт — обозначает маломерное действие, протекающее недолго, непродолжительно или имеющее незначительный результат
овны жить
олыштны пожить, недолго жить где-либо
велӧдчыны учиться
велӧдчыштны поучиться (недолго)
уджавны работать
уджалыштны поработать
висьтавны рассказывать
висьталыштны рассказать немного
тӧдны знать
тӧдыштны знать немного и т.д.
-лывл, -ывл — обозначают действие регулярное, происходящее периодически, время от времени, неоднократно.
ветлыны ветлывлыны ходить, хаживать
сьывны сьывлывлыны петь иногда
ворсны ворслывлыны играть иногда
пывсьыны пывсьывлыны париться время от времени в бане
-л(ы), -в — суффикс, присоединяясь к основе глагола, придает ему два значения: 1) однократное с глаголами в прошедших и будущих временах; 2) регулярное, периодически многократное с глаголами в настоящем времени.
1) Петыр уджавліс армияӧдзыс вӧр заводын. Петр работал (какое-то время) до армии на лесозаводе.
Валя лэбзьылас регыд Сочиӧ. Валя скоро слетает в Сочи.
2) Челядь ворслӧны тӧвнас хоккейӧн. Дети играют (обычно) зимой в хоккей.
Сыктывкарсаяс гожӧмнас унаысь овлӧны дачаясын, вотлӧны вӧрысь тшак, вотӧс. Сыктывкарцы летом много раз бывают на дачах, собирают в лесу грибы, ягоды.
-лун — образует существительные с абстрактным значением “наименование качества, признака, свойства”, от прилагательных и существительных. Например: бур - хороший, бурлун - доброта. Не путать бурлун - доброта и бур лун - хороший день.
озыр богатый
озырлун богатство
гӧль бедный
гӧльлун бедность
зіль усердный
зільлун усердие, старание
дыш ленивый
дышлун лень
дзоньвидза здоровый
дзоньвидзалун здоровье
асшӧр самостоятельный
асшӧрлун независимость
тӧдчана важный
тӧдчанлун важность, значение
повтӧм смелый
повтӧмлун смелость, отвага
Олӧмын меддонаыс — дзоньвидзалун, сійӧс сьӧм вылӧ он ньӧб.
Вӧр республикаын кутӧ ыджыд тӧдчанлун.
Войвылын он ов дышлунӧн, тані колӧ зільлун да повтӧмлун.
Республикаса медтӧдчана озырлуныс — йӧз.
Гӧльлун да озырлун век орччӧн мунӧны.
Послелоги, обозначающие время
дырйи в течение
ичӧт дырйи в детстве
чӧж в продолжение
олӧм чӧж в течение жизни, всю жизнь
том дырйи в молодости
водзын до
Институт водзын ме велӧдчылі школаын.
кежлӧ к
Депутатъяс дасьтысьӧны сессия кежлӧ.
бӧрын после
Сессия бӧрын найӧ мунлӧны гортъясӧ.
мысти через, спустя
Вежон мысти Лида шойччыштас Серёговын.
сайын назад
Уна нэм сайын комияс волісны войвылӧ.
Рӧм нимъяс - Обозначения цветов
сьӧд чёрный
Муыс сьӧд.
еджыд белый
Лымйыс еджыд.
лӧз синий
Гижысь Егор Рочев гижис "Лӧз тундра" небӧг.
турунвиж зелёный
Гожӧмнас пуясыс турунвижӧсь.
гӧрд красный
Май ӧкмысӧд лун гӧрд лун, Вермӧм лун.
алӧй алый
Ми лыддим «Алӧй лента» роман.
виж, кольквиж жёлтый
Россияса дӧрапас абу виж.
виж, кольквиж жёлтый
Россияса дӧрапас абу виж.
Коми республикалӧн дӧрапас
Сыктывкарын, Коми Республикаса уна карын да сиктын дӧлалӧ куим рӧма дӧрапас (флаг). Дӧрапас вылын куим рӧм: лӧз, турунвиж да еджыд. Лӧз рӧмыс — Коми мулӧн енэжыс, турунвиж рӧмыс — мича парма-вӧр, еджыд рӧмыс — лым да Коми Республикаса йӧзлӧн сӧстӧм мӧвпъясыс. А кутшӧм рӧма Россиялӧн дӧрапасыс?
Тайӧ миян республикаса канпас,
сійӧ мича, гӧрд да зарни рӧма. Канпас шӧрын варыш, сылӧн морӧсын — аньлӧн чужӧм, чужӧм гӧгӧрын квайт йӧра юр. Канпасын эм уна тор важ коми мифологияысь.
КЫВВОР
канпас — государственный герб
зарни — золото; золотой
шӧрын — в центре
варыш — ястреб
морӧс — грудь
ань — женщина
чужӧм — лицо
гӧгӧр — в обрамлении, вокруг
йӧра — лось
юр — голова
унатор — многое
ЛЫДДЯНТОРЪЯС
Коми Республика — Коми му
Коми Республика — асшӧр канму Россияса Федерация пытшкын, сюрс ӧкмыссё ӧкмысдасӧд воӧдз вӧлі Автономнӧй республика. Коми йӧз сёрниын эм важ ним — Коми му. Юркарыс сылӧн — Сыктывкар. Сёрнитыштам республиканым йылысь.
Пасьтаыс — нёльсё дас вит сюрс квадрата километр.
Олысь лыдыс — ӧти миллион сё сизимдас куим сюрс квайтсё морт (1997 воын).
Вӧрыс — босьтӧ став му пасьтаысь квайтымын ӧкмыс прӧчент.
Чужан луныс — сюрс ӧкмыссё кызь ӧтиӧд вося моз тӧлысь кызь кыкӧд лунӧ.
Канмуса Юралысь — Канмуӧн веськӧдлӧ Юралысь.
Канмулӧн пасъяс: канпас, дӧрапас да кып.
Кып — “Варыш поз” сьыланкыв, кывъясыс да шыладыс (музыкаыс) Нёбдінса Витторлӧн. Сьыланкывсӧ позьӧ лыддьыны 120 лист бок вылысь (см. хрестоматию в данной публикации на с. 120).
Каналан кывъяс — коми да роч.
Канмуӧн веськӧдлӧны Республикаса Юралысь, Каналан Сӧвет да Ёрд.
Республикаын олысьяс бӧрйӧны Юралысьӧс нёль во кежлӧ, Каналан Сӧветӧ депутатъясӧс тшӧтш нёль во кежлӧ. Ветымын морта Каналан Сӧвет дасьтӧ да вынсьӧдӧ оланпасъяс, правительство пӧртӧ найӧс олӧмӧ. Юралысь да Каналан Сӧвет уджалӧны Коми Республикаса Оланподув серти. Сійӧс дорйӧ Оланподув Ёрд да республикаын медвылыс ёрд. Канмуӧн веськӧдлӧмыс век вежсьӧ и сӧвмӧ.
Коми му — озыр му, став сылӧн овмӧсыс йитчӧма мувывса да мупытшса озырлунъяскӧд. Из шом, мусир, биару, зарни, кӧрт руда, бокситъяс, дона изъяс — ставыс тайӧ эм му пытшкын. Та вӧсна овмӧсын кызвынсӧ сӧвмӧма сыръё перъян индустрия. Сідз, Вӧркутаын, Интаын олӧны из шом перйысьяс, Усинскын да Ухтаын уджалӧны мусир перйысьяс, Вуктылын — биару перйысьяс.
Мувывса озырлунысь медтӧдчанаыс — вӧр, коми парма. Уна посёлокын олӧны, уджалӧны вӧр лэдзысьяс, пӧрӧдчысьяс, трактористъяс, пусьысьяс. Вӧрсӧ вайӧны Эжваӧ, сэні вӧчӧны сыысь кабала да целлюлоза. Позьӧ шуны, Эжва — кабала вӧчысьяслӧн оланін. Республикаса лунвылын бура сӧвмӧма видз-му овмӧс, войвылын — кӧр видзӧм. Сиктъясын олӧны му вӧдитысьяс, скӧт видзысьяс, чери кыйысьяс да вӧралысьяс.
Меддона озырлунным — республикаын олысь йӧзным. Медым овны войвылын, колӧ зільлун, повтӧмлун, бур дзоньвидзалун. Дышлунӧн овны он вермы. Коми мулӧн вужвойтырыс — комияс, найӧ уна нэм сайын волісны татчӧ Кама-Волга юяс дорысь. Найӧ век вӧравлісны, чери кыйлывлісны, видз-му вӧдитлывлісны. Налӧн ним серти нимтӧма республиканымӧс да чужанінӧс — Коми му.
КАНМУ ТЭЧАС
Каналан сӧвет
Бӧрйӧмаяс комитетъяс
Юралысь
Министерствояс
Каръясса, районъясса администрацияяс
Сиктъясса, посёлокъясса администрацияяс
ЁРД СИСТЕМА
Оланподув ёрд
Медвылыс ёрд
Арбитраж ёрд
Районъясса, каръясса ёрдъяс
Сёрнитыштам, коді кӧні овліс
— Павел, висьталышт ас йывсьыд, кӧні тэ овлін, уджавлін? — корӧ Микола Швец.
— Ачым ме Мандачын чужлі. Ичӧт дырйи сэні и овлім ай-мам, чоя-вока. Мандачса школаын велӧдчышті кык во, сэсся семьяным муніс овны юрсиктӧ, Выльгортӧ. А мыйла ті та йылысь юасянныд, ёртъяс?
— Кӧсъям кывзыштны тэнӧ. Висьтав, а мый вӧчлывлін ичӧт дырйиыд, ветлывлін эн батьыдкӧд вӧрӧ? — юасьӧ Петыр.
— Дерт, ветлывлі вӧрӧ, батьӧй ӧд сэки вӧравлывліс Мандач гӧгӧр, чери кыйлывлім, тӧвнас лызьӧн котравлывлім. Том дырйи велӧдчышті Выльгортын кӧкъямысӧд классӧдз, сэсся ветлӧдлі карӧ нёльӧд номера шӧр школаӧ. Армияӧдз уджалышті пусьысьӧн, том дырйи эг на тӧдлы, мый кӧсъя олӧмысь. Сэсся армия бӧрын велӧдчышті рытъя курсъяс вылын да пыри велӧдчыны СГУ-ӧ экономика факультетӧ. А кӧні овлӧма-быдмылӧма миян Снежана? Ме сылӧн ичӧтдыр йылысь немтор на эг кывлы.
— Ме тӧдышта сы йылысь, — висьталіс Микола. — Сійӧ пӧ чужлӧма Ухта дорын, Шудаяг посёлокын, сэні и быдмылӧма, велӧдчылӧма шӧр школаын. Шуӧны, ичӧт дырйиыс пӧ сійӧ ёна нин лыддьысьлӧма, гижлывлӧма кывбуръяс. Сэсся сійӧ олыштӧма недыр Ухтаын, уджалыштӧма вузасьысьӧн. Та бӧрын пырӧма велӧдчыны Коми пединститутӧ, сэні петлӧма верӧс сайӧ. Верӧсыскӧд олыштӧмаӧсь недыр, торйӧдчылӧмаӧсь налӧн кага чужлӧм бӧрас нин. Кӧні сійӧ уджавлӧма институт бӧрын, ме тайӧс ог тӧд. Гашкӧ, ті тӧданныд, кывлінныд-ӧ мыйкӧ?
Владимир Тимин
КУИМ РӦМА ДӦРАПАС
Степан нима изэрд весьтын
Куим рӧма дӧрапас.
Татчӧ, кодыр кӧть ог веськав
Паськыд эрдыс меным ас.
Лӧз рӧм — сійӧ миян енэж,
Турунвижыс — парма-вӧр,
Еджыд рӧмыс казьтӧ меным
Лымъя войвыв — сьӧлӧмшӧр.
Кодкӧ, гашкӧ, миян паслы
Ыджыд тӧдчанлун оз сет.
Дивитасны, пиняласны,
Сераласны весиг — мед!
Сыысь огӧ усьӧй улӧ,
Мунны некытчӧ жӧ тась,
Тайӧ пассӧ Коми мулысь
Тӧдӧй, дорйыны ме дась.
изэрд площадь
эрд открытое место
казьтыны напоминать
тӧдчанлун значение
дивитны устыдить
пинявны обругать
серавны высмеять
тась = татысь отсюда
пас знак, символ
дорйыны защищать
УДЖЪЯС
1 удж. Прочитайте предложения и впишите в пропуски необходимые существительные на -ысь, обозначающие названия лиц по профессии или роду деятельности.
1) Тайӧ йӧзыс велӧдӧны школаясын, институтъясын, университетъясын. Ми тӧдам, найӧ .......
2) Ваньӧ дядь арнас и тӧвнас вӧрын кыйӧ уръяс, кӧчьяс, лыйлӧ пӧтка. Сідзкӧ сійӧ ............
3) Иван Куратов, Геннадий Юшков, Иван Торопов, Альберт Ванеев — коми ..............
4) Найӧ уджалӧны му пытшкын, перйӧны из шом. Код йылысь сёрниыс мунӧ? Сійӧ мунӧ .............
5) Татшӧм йӧзыс уджалӧны кабинетъясын, веськӧдлӧны йӧзӧн, звӧнитӧны телефонъясӧн. Дерт, найӧ ......
6) Лидия Логинова, Надежда Красильникова, Ольга Сосновская, Альфия Коротаева — Коми Республикаса нималана .............
7) Фермаясын, муяс да видзьяс вылын уджалӧны..............
8) Быд во босьтны урожайсӧ кодлы колӧ? Колӧ тайӧс вӧчны ...............
9) Тундраын уна кӧр эм, на дорын эмӧсь и .............................
10) Бурдӧдчанінъясын куйлӧны............., найӧс кок вылас сувтӧдӧны................
2 удж. Выберите из правого столбика необходимые по смыслу окончания предложений с отглагольными именами существительными на -ӧм и -лун.
1) Быд мортлы медся донаыс.........................
2) Шулӧны, некод оз вермы сьӧм вылӧ ньӧбны .................
3) Воркутаын перйӧны из шом. Сэні сӧвмӧма ..................
4) Коми йӧз уна нэм чӧж олісны..............................
5) Война бӧрын олісны гӧля, быдлаын вӧлі ...................
6) Войвывса йӧзлы ёна колӧ...............................
7) Миянлы кажитчӧ Валерий Леонтьевлӧн...................
8) Иван Куратов оліс Шӧр Азияын...........................
9) Мусир да биару перйӧм республикаса овмӧсын кутӧ ыджыд .....................
10) Республикаса лунвылын бура сӧвмӧмаӧсь ............
скӧт видзӧм да му вӧдитӧм
сьылӧмыс
кулӧм водзас
олӧм
зільлун да повтӧмлун
гӧльлун
из шом перйӧм
вӧралӧмӧн да чери кыйӧмӧн
дзоньвидзалун
тӧдчанлун
3 удж. Употребите глаголы с необходимыми по смыслу суффиксами -ышт, -лывл(ывл), -л(ы).
1) — Ваня, гортын няньыс абу. Мун .............. (котӧртны) лавкаӧ!
2) Патов гозъя быд во .............. (шойччыны) Ыбын.
3) — Алло, Нина. Ме регыд локта, недыр .............. (виччысьны) менӧ.
4) Иван Куратов .............. (чужны) Кебра сиктын.
5) Ичӧт дырйи гожӧмъяснас .............. (кыйны) чери, .............. (вотны) тшак и вотӧс.
6) — Мамӧ, ме ог кӧсйы ёна сёйнысӧ. Но ладнӧ, неуна .............. (сёйны) и .............. (юны).
7) — Ме кык во олі Мандачын, сэні .............. (уджавны) вӧрпунктын вӧр лэдзысьӧн.
8) — Валя, мудзи ме. Вай минут вит .............. (пукавны).
9) Сыктывкарӧ пыр .............. (воны) нималана сьылысьяс.
10) Таво гожӧмнас ме ӧти тӧлысь кежлӧ .............. (пырны) удж вылӧ.
4 удж. Вставьте в текст необходимые отглагольные существительные на -ысь, -ӧм, -лун, употребите глаголы с подходящими по смыслу суффиксами -ышт, -лыв(ывл), -л(ы), -в в прошедших временах.
Ме чуж...... сюрс ӧкмыссё нелямынӧд воын Кебраын. Мамӧй сэки уджав...... скӧт видз...... . Батьӧс ог нин помнит, висьтав......, сійӧ пӧ вӧв...... бур вӧрал...... .Батьӧй усь...... война вылын. Ичӧт дырйи ол...... неуна ыджыд мам дорын, сы вӧсна мый нывбабаясӧс пӧ мӧдӧд...... уджавны вӧрӧ, мамӧй сэні уджав...... пусьысь...... . Ичӧт школаӧ ветлӧд...... ылӧ, вит километра сайӧ. Недыр велӧдч...... Кебраын, сэсся мам вылӧ пӧ вӧрын усь...... пу да сійӧ бурдӧдчанінын кув...... . Ме сэсся ол...... недыр Визинын дядь дорын, сійӧ сэки уджав...... бурдӧдч...... . Шӧр школаын велӧдч...... этша, пет...... удж вылӧ. Война бӧрын гӧгӧр вӧлі гӧль......, бур дзоньвидза...... менам эз жӧ вӧв...... . Сёй...... омӧля зэв ме, но сэсся уджав...... сельпоын вузасьысь да сэк жӧ велӧдч...... рытъя школаын. Кӧть озыр...... менам эз вӧв, муні велӧдчыны Сыктывкарӧ видз-му овмӧсса техникумӧ. Помав...... сійӧс сюрс ӧкмыссё ветымын ӧкмысӧд воӧ и кольчч...... уджавны карӧ. Ӧні пенсия вылын.
5 удж. Переведите текст на коми язык.
Коми Республика — северная земля, рядом с ней на юге располагаются Кировская и Пермская области, на западе и севере Архангельская, на востоке Тюменская область.
На севере нет лесов, там тундра и много болот. Они занимают двенадцать-пятнадцать процентов площади республики. На севере республики развито оленеводство, в городах — добыча угля, нефти и газа. Жизнь на Севере нелёгкая, людям нужно крепкое здоровье и усердие. Летом северяне обычно отдыхают на юге России, но многие предпочитают отдых недалеко от дома: ловят рыбу, трудятся в огороде.
Мой друг Андрей родился в Инте, ему сейчас 46 лет. Отец его работал шахтёром, мать была врачом. Они пожили немного в Инте, затем из-за болезни отца семья переехала жить в Ухту. Там отец работал уже на железной дороге начальником станции. Каждое лето они ездили к бабушке в Ставропольский край, или отдыхали обычно возле Чёрного моря. До армии Андрей немного поработал в небольшом клубе руководителем хора. Затем после армии учился в индустриальном институте. В молодости он периодически пел в ансамблях, бывал во многих городах России. После института Андрей поработал немного инженером, затем стал начальником треста. Теперь он заместитель министра, живёт в Сыктывкаре.
КЫВВОР
ай-мам родители
артасьысь бухгалтер
асшӧр самостоятельный, независимый
асшӧрлун независимость, суверенитет
биару перйӧм добыча газа
биару перйысь газовик
бӧрйӧма избранный, депутат
бурдӧдны лечить
бурдӧдӧм лечение
бурлун доброта
быдмыны расти
варыш ястреб
вежсьыны изменяться
велӧдны учить
велӧдӧм обучение
весиг даже
веськавны попасть
веськӧдланног способ управления
веськӧдлӧм управление
веськӧдлыны управлять, руководить
весьтын над
видз луг
видз-му овмӧс сельское хозяйство
водзын перед, до
Вой саридз Северный ледовитый океан
вотны собирать грибы, ягоды
вӧдитны видз-му обрабатывать землю
вӧравны охотничать
вӧралӧм охота
вӧралысь охотник
вӧр лэдзӧм лесозаготовка
вӧрпункт лесопункт
вужвойтыр коренной народ
вынсьӧдны утверждать, принимать
гӧль бедный
гӧльлун бедность
гӧля бедно
град йӧр огород
дзоньвидза здоровый
дзоньталысь ремонтник
дивитны устыдить
дорйыны защищать
дырйи в течение, в продолжение
дышлун лень
ёрд суд
зарни золото
зіль старательный, усердный
зільлун усердие, старание
из шом перйӧм добыча угля
ичӧт школа начальная школа
йитчыны связываться
кабала вӧчысь бумажник
казьтыны напоминать
каналан государственный
канму государство
кодыр когда
кольччыны оставаться
кӧр видзӧм оленеводство
кӧрт руда железная руда
кӧть хоть
кӧч заяц
кулӧм смерть
кызвынсӧ в основном
кып гимн
лыддьысьысь читатель
лызь лыжи
лыйлыны стрелять
лымъя снежный
медвылыс верховный
мудзны уставать
му вӧдитӧм земледелие
мувывса наземный
мупытшса подземный
мусир перйӧм добыча нефти
мусир перйысь нефтяник
недыр недолго
нималана знаменитый
нимтыны называть
овмӧс экономика, хозяйство
озырлун богатство
оланін населённый пункт
оланпас закон
оланподув конституция
олысь лыд число жителей
орччӧн рядом
пасьта площадь
пинявны обругать
повтӧм смелый
повтӧмлун смелость
поз гнездо
пӧртны олӧмӧ претворять в жизнь
пӧтка дичь
пывсьыны мыться в бане, париться
пыр всегда
регыд скоро
рытъя вечерний
скӧт видзӧм скотоводство
сӧвмыны развиваться
сувтӧдны поставить
сыръё перъян сырьедобывающий
сьӧлӧмшӧр дорогой, любимый
сьывны петь
сьылӧм пение
сьылысь певец, певица
сэтчӧс окрестный
тась отсюда
тӧдчана важный, значительный
тӧдчанлун значение, важность
тшак гриб
тэчас структура, строение, устройство
ур белка
усьны упасть; погибнуть (на войне)
чери кыйӧм рыболовство
чери кыйысь рыбак
шойччӧм отдых
шӧр школа средняя школа
шылад музыка
эрд открытое место
юравны руководить