Илля Вась (Василий Лыткин)
АЧЫМ БӦРЪЯ АСЛЫМ НЫВ
Москва карын коркӧ
Шуис меным ёртӧй:
– Гӧтрась, другӧ, Илля Вась,
Тэныд гӧтырпуыд дась!
Москва карса мича нылӧс
Меным сійӧ индӧ, кылӧ.
Мича нылыс мича збыль:
Парйыс гӧрд и платтьӧ выль...
Уси тӧд вылӧ мем парма, рас.
Выль платтьӧыс косясьлас!
Уси тӧд вылӧ мем озінёк...
Ӧтлаасис гаж и шог –
Кыськӧ другысь петіс кыв:
– Ачым бӧръя аслым ныв!
коркӧ ʻоднажды’
шуны ʻсказать’
гӧтрасьны ʻжениться’
гӧтырпу ʻневеста’
карса ʻгородская’
индыны ʻуказывать’
збыль ʻдействительно’
пар ʻгуба’
рас ʻчаща, заросли’
косясьлыны ʻпорваться’
озінёк ʻземляничка’
ӧтлаасьны ʻслиться’
кыськӧ ʻоткуда-то’
бӧрйыны ʻвыбрать’
тӧд вылӧ усьны ʻвспомниться’
