Альберт Ванеев
ЖОНЬ
Кумач морӧса жонь, ичӧт жонь,
Кӧдзыд дырйиыс кыдзи тэ овлан?
Ог нин юась ме, кынмывлан он?
Тэ ӧд миян моз пасьяс он новлы.
Тӧв кӧть гожӧм, кӧть тулыс, кӧть ар
Гумла доръясын бергалан-гартчан.
И кӧть кӧдзыд, кӧть шоныд, кӧть жар –
Аскӧд орччӧн ме пыр тэнӧ аддза.
Муса жонь, тэ эн быдӧнлы доль,
Сьӧкыд вуджны пӧ турӧба кадтӧ.
А мый Войвывтӧ ассьыд он коль,
Тэныд аттьӧ сэсь, зэв ыджыд аттьӧ.
жонь ʻснегирь’
кумач морӧса ʻс грудью красной как кумач’
ичӧт ʻмаленький’
дырйи ʻво время’
кынмыны ʻмёрзнуть’
пась ʻшуба’
новлыны ʻносить’
кӧть ар ʻхоть осень’
гумла ʻгумно, ток’
бергавны-гартчыны ʻкрутиться-вертеться’
орччӧн ʻрядом’
дольны ʻтвердить’
турӧба ʻбуранный’
кольны ʻоставлять’
сэсь = сыысь ʻза это’
