2005: Медводдза воськов: 14-й урок

14-й урок. Добро пожаловать! Видза корам!

Во время командировки Вы останавливаетесь в гостинице, где возникает необходимость обращаться к персоналу и просить о чём-то:

  Позьӧ юавны? Можно спросить?

  Пӧжалуйста! Пожалуйста!

  Ен могысь! Пожалуйста!

​

​

— Позьӧ юавны?

— Кывза Тіянӧс.

Мый кӧсъянныд тӧдмавны?

— Меным колӧ ӧти местаа номер.

— Тіянӧс шуӧны ... ?

— Но ...

— Некутшӧм «но».

Кӧні Ті оланныд?

Кор да кӧні Ті чужлінныд?

— Чужи, быдми сьӧд вӧр шӧрын,

Деревняысь петі.

Новлі чорыд сера дӧрӧм,

Визя гач да кӧті.

— Мый нӧ Ті татчӧ кывбуръяс лыддьыны воинныд?

​

​

— Кор Ті воинныд?

— Ме вои тӧрыт.

— Тӧрыт?

Но тӧрыт миян ни ӧти прӧст места эз вӧв.

Талун абу жӧ.

— А меным оз и ков некутшӧм номер.

— Мый нӧ эськӧ сэки колӧ?

— Кывзӧй менӧ.

— Кывза.

— Ме вои тӧрыт.

— Бур, водзӧ висьталӧй.

— Та бӧрын ме кайи номерӧ.

Мысси душ улын.

Дас час рытын воді узьны.

— А меным нӧ таӧдз кутшӧм делӧ?

— Вайӧ ме мӧвпӧс помала.

Кӧкъямыс час асылын ме чеччи.

Кӧкъямыс час да джынйын бритчи.

Да, дзик тадзи и вӧлі ставыс.

— Но и мый сэсся?

Ті мыйкӧ гӧгралад, а помавны он вермӧй.

— Сэсся ме лэччи ресторанӧ.

Сёйи сэні.

— Сэні мыйкӧ лоис?

— Сёйны ме босьті риса рок, вый да йӧв.

— Чӧскыда вердісны?

— Эз, меным эз кажитчы.

​

​

— Ме вӧлі кӧсъя петавны ывлаӧ ыркӧдчыштны.

— Но и мый?

Мыйла Ті энӧ петӧй?

— Меным вӧлі колӧ зонтик, и ме кайи номерӧ.

Мый ме сэтысь аддзи!

— И мый Ті сэтысь аддзинныд?

— Менам номерын вӧлі нывбаба.

— Том али пӧрысь?

— Нывбабалы сы мында арӧс, кутшӧм сійӧ чужӧм вылас.

Аймортлы сы мында арӧс, мыйта сыын вынйӧрыс.

— Мый вӧлі вӧчӧ нывбаба?

— Сійӧ вӧлі видзӧдӧ жыр пытшкӧсӧс.

Бергӧдлӧ ваннӧйын кранъяссӧ.

Видлалӧ крӧвать вылысь узьлан кӧлуйсӧ, юрлӧссӧ да шебрассӧ.

— А ӧні кӧні сійӧ?

— Со сійӧ.

— Ті инданныд тайӧ нывбаба вылас?

— Да. Сійӧ и вӧлі пырӧма менам номерӧ.

— Но ӧд сійӧ — миян туй морт керкаса директор.

​

​

— Ті звӧнитлінныд?

— Да.

— Мыйӧн отсавны верма?

— Телевизорӧй жугаліс.

— Мый нӧ сыкӧд лоис?

— Оз тай тыдав-а.

Телевизорыд орчча вежӧсас.

Пырӧй татчӧ, пӧжалуйста.

Бисӧ ӧзта?

— Позьӧ, ме видла?

Кыдзи?!

Да уджалӧ жӧ сійӧ!

Сӧмын колӧ таті вӧрзьӧдны.

А индӧдыс Тіян абу ӧмӧй?

— Эм. Со пызан вылас куйлӧ.

● Обращаясь к кому-то, отдавая приказы, требуя что-то или прося о чем-то, в своей речи Вы употребляете глаголы повелительного наклонения. На коми языке к одному собеседнику обращаются так:

лок иди

мун уйди

восьты открой

пӧдлав закрой

сёй ешь

ю пей

чеччы встань

пуксьы садись

лыддьы читай

гиж пиши

видзӧд смотри

● Если собеседников двое или больше, можно сказать эти же самые слова, только к ним нужно присоединить суффикс -ӧй:

локтӧй идите

мунӧй уходите

восьтӧй откройте

пӧдлалӧй закройте

сёйӧй ешьте

юӧй пейте

чеччӧй встаньте

пуксьӧй садитесь

лыддьӧй читайте

гижӧй пишите

видзӧдӧй смотрите

● В отличие от русского языка, как мы уже отмечали, в коми языке нет предлогов, но имеются послелоги. Предлог и послелог в предложении выполняют одинаковую роль. Они различаются по своему местоположению: предлог стоит перед существительным (или местоимением), а послелог — после существительного (или местоимения).

● Запомните послелоги:  вылӧ на, в;  вылын на,  вылысь с, из:

удж вылӧ на работу

удж вылын на работе

 удж вылысь с работы

​

​

1. Дайте утвердительный ответ на вопрос, используя образец.

— Ме муна удж вылӧ 8 часын. А тэ?

— Ме тшӧтш муна удж вылӧ 8 часын.

а) Ме локта удж вылысь 6 часын. А тэ?

б) Ме удж вылын 9-сянь 5-ӧдз. А тэ?

в) Ми олам Куратов улича вылын. А ті?

г) Найӧ велӧдчӧны коми кыв курс вылын. А ті?

д) Ми ветлам рынокӧ. А ті?

● Коми издавна селились возле рек. Изучив карту Республики Коми, нетрудно убедиться в том, что большинство коми сел и деревень расположились возле больших рек и их притоков. Реки для коми издавна служили основными путями сообщения.

● Запомните следующие слова:

кайны подниматься, подняться

кайны ю паныд, катны плыть против течения реки

лэччыны сходить, спуститься, съездить

лэччыны ю ньылыд, кывтны плыть по течению реки

Используйте, пожалуйста, в своей речи правильные выражения:

  Кайны вӧрӧ. Пойти в лес.

  Кайны гортӧ ю дорысь. Идти домой от реки.

  Кайны поскӧд. Подняться по лестнице.

  Лэччыны вадорӧ. Сходить к речке.

  Лэччыны вӧрысь гортӧ. Прийти из лесу домой.

  Лэччыны карӧ. Съездить в город.

2. Дайте утвердительный ответ на вопрос, используя образец.

— Ме лэччыла карӧ вежалунӧ. А тэ?

— Ме тшӧтш лэччыла карӧ вежалунӧ.

а) Суботаӧ ме лэччыла Кӧрткерӧсӧ. А тэ?

б) Выльлунӧ ме лэччыла Айкатылаӧ. А тэ?

в) Пекничаӧ ме лэччыла Шойнатыӧ. А тэ?

г) Воторникӧ ме лэччыла Сыктывкарӧ. А тэ?

д) Середаӧ ме лэччыла Визябӧжӧ. А тэ?

3. Дайте отрицательный ответ на вопрос, используя образец.

— Шойччанлунӧ тэ каян вӧрӧ?

— Ог. Ме ог кай вӧрӧ.

а) Аскомысь тэ каян сиктӧ?

б) Аски тэ каян Кулӧмдінӧ?

в) Асывнас тэ каян Одыбӧ?

г) Луннас тэ каян грездӧ?

д) Рытнас тэ каян посёлокӧ?

4. Прочитайте и выучите коми народную песню.

— Пиӧй, пиӧй, чеччы, чеччы!

— Кӧть ӧд чечча, ог жӧ мыссьы.

— Пиӧй, пиӧй, мыссьы, мыссьы!

— Кӧть ӧд мысся, ог жӧ пасьтась.

— Пиӧй, пиӧй, пасьтась, пасьтась!

— Кӧть ӧд пасьтася, ог жӧ кӧмась.

— Пиӧй, пиӧй, кӧмась, кӧмась!

— Кӧть ӧд кӧмася, ог жӧ мун.

— Пиӧй, пиӧй, мун, мун!

— Кӧть ӧд муна, ог жӧ уджав.

5. Напишите названия городов на карте Республики Коми.

​

​