МӦД ЮРПАС
Тӧдмасьӧм. Семья Знакомство. Семья
Личные местоимения, вопросительные местоимения. Родительный падеж существительных и местоимений, суффикс -лӧн. Множественное число существительных. Определённо-притяжательные суффиксы существительных. Предикативные слова эм, эмӧсь, абу, абуӧсь. Вопросительная частица -ӧ.
Сёрни - Диалог
— Чолӧм! Тӧдмасям вай. Мый тіян нимыд?
— Нимӧй Павел, овӧй Кротов. Ме — социолог. А ті коді? Кыдзи тіянӧс шуӧны?
— Нимӧй Анна, овӧй Кузькокова. Специальностьӧй секретар. Эм абу, Павел, тіян ас семья? Эм абу тэнад батьыд, мамыд, чойясыд, вокъясыд?
— Ас семья абу. Но менам эмӧсь бать да мам, ӧти вок да кык чой. Воклӧн нимыс Миша, чойяслӧн нимъясыс Валя да Катя.
— Привет! Давайте познакомимся. Как вас зовут?
— Меня зовут Павел, фамилия Кротов. Я — социолог. А Вы кто? Как Вас зовут?
— Имя моё Анна, фамилия Кузькокова. Моя специальность — секретарь. Есть ли у Вас, Павел, своя семья? Есть ли отец, мать, сёстры, братья?
— Своей семьи нет. Но есть отец и мать, один брат и две сестры. Имя брата Миша, имена сестёр Валя и Катя.
☼ ☼ ☼
Личные местоимения
ме я ми мы
тэ ты ті вы
сійӧ он, она, оно найӧ они
☼ ☼ ☼
-яс — показатель множественного числа.
семья → семьяяс,
ним → нимъяс,
вок → вокъяс,
чой → чойяс,
пӧль → пӧльяс,
пӧч → пӧчьяс
-ян — пи → пиян:
Ваня да Вася — миян пиян.
☼ ☼ ☼
Как и в русском языке, именные предложения образуются без связки, например:
Ме инженер.
Тэ поэт.
Коді? Кто?
Кодъяс? Кто?
Коді тэ? Кто ты?
Кодъяс ті? Кто вы?
☼ ☼ ☼
Сёрникузяяс - Предложения
— Ме — велӧдчысь, специальностьӧй финансист.
— Тэ веськӧдлысь, министрӧс вежысь.
— Коді сійӧ? Сійӧ Петыр Кауфман.
— Ми студентъяс, а ті кодъяс?
— Ми журналистъяс.
— Анна да Микола — администрацияса уджалысьяс.
— Кутшӧм администрацияса?
— Юралысьлӧн администрацияса уджалысьяс, Анна — секретар, а Микола — консультант.
☼ ☼ ☼
-лӧн — показатель родительного падежа, отвечающего на вопрос:
Кодлӧн? — Чей? У кого?
мам → мамлӧн пи;
бать → батьлӧн специальность;
вок → воклӧн ним;
чой → чойлӧн ов.
☼ ☼ ☼
Личные местоимения в родительном падеже
менам мои, у меня миян наш, у нас
тэнад твой, у тебя тіян ваш, у вас
сылӧн его, её, у него, у неё налӧн их, у них
☼ ☼ ☼
эм есть
эмӧсь есть
абу нет
абуӧсь нет
Менам эм вок, кык чой.
Тэнад эм вок, тэнад чойясыд абуӧсь.
Сылӧн абу вок ни чой.
Миян эм бать, мам, пӧль, пӧч, ыджыд мам.
Тіян чойясыд абуӧсь, тіян вокъяс эмӧсь.
Налӧн эмӧсь патераяс, дачаяс, машинаяс.
Тіян небӧгъяс эмӧсь абу?
☼ ☼ ☼
-ӧ — вопросительная частица, присоединяется к словам эм, эмӧсь, абу, абуӧсь.
Эм-ӧ тэнад ас семья? — Абу, абу на.
Эм-ӧ сылӧн гӧтыр? — Абу, сійӧ абу на гӧтыра.
Эмӧсь-ӧ тіян челядь? — Эмӧсь, миян эм пиян, кык пи.
Эм-ӧ тэнад Коми Республикалӧн мусерпас? — Эм.
Эмӧсь-ӧ сылӧн ёртъяс Юралысьлӧн Администрацияын?
☼ ☼ ☼
В языке очень часто употребляются указательные частицы:
то = тайӧ это, этот
со = сійӧ то, тот
мый? что?
— Мый тайӧ?
— Тайӧ Коми мулӧн мусерпас.
мыйяс? что? (во множественном числе)
— Мыйяс тайӧ?
— Тайӧ каръяс, сиктъяс, юяс.
— Мый сійӧ?
— Сійӧ керка.
— Кутшӧм сійӧ керка?
— Сійӧ керкаыс — Юралысьлӧн Администрация.
КЫВВОР ЛЕКСИКА
Семья
пӧль
пӧч
ыджыд бать
ыджыд мам
мам-бать
бать
ай
мам
гозъя
верӧс
гӧтыр
челядь
ныв
пи
чоя-вока
чой
вок
Менам вокӧй — Коля. -ӧй = мой
Тэнад чойыд — велӧдысь. -ыд = твой
Сылӧн батьыс абу тані. -ыс = его, её
☼ ☼ ☼
Определённо-притяжательные суффиксы, присоединяясь к существительным, указывают на принадлежность предмета какому-то лицу, например:
(тэнад) ним-ыд (твоё) имя
(сылӧн) ним-ыс (его, её) имя
нимӦЙ моё имя
нимЫД твоё имя
нимЫС его, её имя
батьНЫМ наш отец
батьНЫД ваш отец
батьНЫС их отец
В речи личные местоимения и существительные с этими суффиксами могут употребляться вместе.
Менам мамӧй мича ань.
Тэнад батьыдлӧн нимыс Петыр, вичыс Михайлович.
Сылӧн чойыс абу тані, сійӧ сэні.
Миян пиянным челядь на.
Тіян мам-батьныд пенсионеръяс нин.
Налӧн чойясныс том студенткаяс.
на ещё
нин уже
том молодой
Однако часто существительные с определённо-притяжательными суффиксами могут употребляться и без личных местоимений в родительном падеже, например:
Нимӧй Пётр, комиӧн Петыр. Овӧй Кауфман, вичӧй Генрихович. Ме ачым немеч, гӧтыра. Гӧтырӧй коми. Специальностьӧй экономист. Ме ола Сыктывкарын.
ЛЫДДЯНТОРЪЯС ТЕКСТЫ
Коми Республикалӧн мусерпас (карта)
Тайӧ карта, комиӧн сійӧ мусерпас. Тайӧ Коми мулӧн мусерпас. Тайӧ мусерпасыс абу менам, сійӧ миян велӧдысьнымлӧн. Мусерпас вылын уна сикт, уна кар, уна ю эм. Со тані Сыктывкар, Коми Республикалӧн юркар, рочӧн тайӧ столица. Коми мулӧн мусерпасыс мича. А тайӧ кутшӧм кар? Тайӧ Киров кар. Киров мӧд ногӧн Вятка, сійӧ абу Коми Республикалӧн кар, сійӧ Киров обласьтлӧн юркар. Ми олам Сыктывкарын, Коми мулӧн мича юркарын.
Запомните выражения
Ме ачым КировЫСЬ Я сам родом из Кирова
Ми олам СыктывкарЫН Мы живем в Сыктывкаре
ТӦДМАСЬӦМ
— Чолӧм! Вай тӧдмасям. Кутшӧм тэнад нимыд? Ме Коля.
— Тӧдмасям вай... Нимӧй Снежана, овӧй Оленёва. Ме поэтесса. А тэ коді ачыд?
— Ме — консультант. Овӧй менам Швец. Ачым ме Украинаысь, национальносьтӧй украинеч. Эм-ӧ тэнад ас семья, Снежана?
— Абу. Ме абу верӧс сайын. Ме торйӧдчӧм. А тэнад эм-ӧ семьяыд, челядьыд, гӧтырыд?
— Да, эм. Менам эм гӧтыр, ӧти пи да ӧти ныв. Пилӧн нимыс Гриша, нывлӧн нимыс Оксана. Тэнад челядьыд эм абу?
— Менам эм ӧти ныв, сылӧн нимыс Марина.
гӧтыра женат
верӧс сайын замужем
абу верӧс сайын не замужем
торйӧдчӧм разведён/разведена
Сёрни
— Видза оланныд! Ми абу тӧдсаӧсь. Вай тӧдмасям. Менам нимӧй Петыр. А тэ коді?
— Чолӧм. Менӧ шуӧны Аннаӧн. Овӧй Кузькокова. А коді тэ? Кутшӧм тэнад овыд?
— Овӧй менам Кауфман. Национальносьтӧй немеч. Эм-ӧ тэнад ас семья, верӧсыд, челядьыд?
— Ас семьяӧй абу на, верӧс ни челядь абуӧсь. А тэнад эм абу гӧтыр, челядь?
— Да, эм. Менам эм гӧтыр да ӧти ныв. Миян семья ичӧт. Гӧтырлӧн нимыс Лена, нывлӧн нимыс Маша, сійӧ велӧдчысь.
— Зэв нимкодь тіянкӧд тӧдмасьны. Аддзысьлытӧдз!
— Видза колян, Анна.
УДЖЪЯС УПРАЖНЕНИЯ
1 удж. Употребляя форму родительного падежа, составьте предложения по образцу: Сыктывкар — Коми Республикалӧн мича юркар.
1) Пекин — ............................................
2) Афины — ............................................
3) Таллин — ...........................................
4) Москва (Канкар) — .................................
5) Будапешт — ........................................
6) Стокгольм — .......................................
7) Париж — ...........................................
2 удж. Преобразуйте данные предложения из форм единственного числа в формы множественного числа, согласно правилам.
Образец: Тэ студент — Ті студентъяс.
1) Ме артист — .......................................
2) Сійӧ абу веськӧдлысь — .............................
3) Ме — Иван Ильичлӧн пи — ...........................
4) Тэ велӧдысь — .....................................
5) Менам эм ас семья — ...............................
6) Тэнад специальностьыд абу — .......................
7) Сылӧн эм машина — .................................
8) Велӧдысьлӧн эм компьютер — ........................
9) Тайӧ велӧдысьыс — менам ёрт — .....................
10) Эм-ӧ тэнад гӧтырыд, пиыд, нылыд? — ...............
11) Видза олан! Ме тэнад веськӧдлысь — ...............
12) Тайӧ мусерпасыс абу менам. Сійӧ велӧдысьлӧн — ....
3 удж. Расскажите про своего друга (подругу), ответив на вопросы.
Менам ёрт (нывъёрт)
1) Эм-ӧ тэнад ёрт (нывъёрт)?
2) Кыдзи сійӧс шуӧны? Мый сылӧн нимыс, овыс?
3) Кутшӧм сылӧн вичыс?
4) Коді сійӧ? Эм-ӧ сылӧн специальностьыс? Кутшӧм специальностьыс сылӧн?
5) Эм-ӧ сылӧн семья? Кодъяс сылӧн эмӧсь?
4 удж. Употребите правильно местоимения: в форме именительного или родительного падежа.
1) То тані эм ныв. — Чолӧм! Коді ......... ? Кутшӧм ......... нимыд?
2) — Кыдзи тэнад овыд? — ......... овӧй Рочев. ......... спортсмен.
3) — Кодъяс ті? — ......... — велӧдчысьяс. А тайӧ Мария Ивановна. Сійӧ. велӧдысь.
4) Со кык зон. — Кодъяс ......... ? Кутшӧм ......... нимъясыс, овъясыс?
5) — Чолӧм, вай тӧдмасям! ......... — Ме Вера, овӧй Черных. Кутшӧм ......... овыд? Эм-ӧ ас семья?
5 удж. Переведите на коми язык текст.
— Добрый день! Давай познакомимся. Меня зовут Олег, фамилия — Бобраков, отчество Иванович. Я не руководитель, я журналист. Национальность моей матери коми, отец — русский. У меня есть семья: жена, сын. Есть и родители, братья-сёстры. Я живу в Сыктывкаре. Моя жена секретарь, работает в Администрации Главы.
— А это мой друг. Его имя Алексей, фамилия Попов, он коммерсант. У него есть большая квартира, две машины, дача. У него нет своей семьи: он разведён. Он живёт в Ухте. Ухта — не столица Коми Республики. Но это красивый город.
6 удж. Расскажите о себе на коми языке.
КЫВВОР ЛЕКСИКА
абу нет, не имеется
аддзысьлытӧдз до свидания
ай отец
ань женщина
ас свой, собственный
ачыд ты сам
ачым я сам
бать отец, папа
вай давай
вежысь заместитель
велӧдысь учитель
велӧдчысь ученик, учащийся
верӧс муж, супруг
верӧс сайын замужем
веськӧдлысь руководитель
видза колян будьте здоровы
видза олан здравствуй
видза оланныд здравствуйте
вич отчество
вок брат
гӧтыр жена, супруга
гӧтыра женатый
дӧрапас флаг
ёрт друг, товарищ
зон парень, юноша
зэв нимкодь очень приятно
ичӧт маленький
кар город
керка дом, изба
коді кто
комиӧн по-коми
кутшӧм какой
кыввор лексика
кыдзи как
кык два
лыддянтор текст для чтения
мам-бать родители
ме я
менам мой; у меня
ми мы
мича красивый
миян наш; у нас
му земля, край
мусерпас карта
мый что, какой
на ещё
найӧ они
налӧн их, у них
ним имя
нин уже
ныв дочь; девушка
нывъёрт подруга
ов фамилия
овны жить
ӧ ли, вопросительная частица
ӧти один
патера квартира
пи сын
пӧль дедушка (по отцу)
пӧч бабушка (по отцу)
рочӧн по-русски
сёрникузя предложение
сикт село
сійӧ он, она, оно
со вот
сылӧн его, её; у него, у неё
тайӧ это
ті вы
тіян ваш; у вас
то вот
том молодой
торйӧдчӧм разведен(а)
тӧдмасьны знакомиться
тӧдса знакомый
тэ ты
тэнад твой; у тебя
уджалысь работник
уна много
челядь дети
чой сестра
чолӧм привет
чоя-вока брат с сестрой
шуны сказать; называть
ыджыд мам бабушка (по матери)
ыджыд бать дедушка (по матери)
эм есть, имеется
ю река
Юралысь Глава
(Коми Республикаса) юркар столица (Республики Коми)