2015: Видза олан, коми кыв! Урок 6

КВАЙТӦД ЮРПАС

ШЕСТОЙ УРОК

Отрицательные глаголы настоящего времени в коми языке. Количественные и порядковые числительные, их образование. Прилагательные, обозначающие цвета. Вопросительное местоимение кутшӧм и другие способы образования вопросительных предложений. Названия дней недели и месяцев, выражения с обозначением времени и дат. Тексты и упражнения.

Грамматика

Кадакывлӧн соссяна пертасъяс ӧнія кадын
Отрицательная парадигма спряжения глагола в настоящем времени

Отрицательные глаголы в коми языке значительно отличаются от отрицательных личных форм глагола русского языка. В коми языке есть отдельная отрицательная парадигма спряжения глагола, отличающаяся от соответствующих форм положительных глаголов. Отрицательный глагол образуется из сочетания собственно отрицательного глагола и основного лексического глагола, основы глагола. Лексический глагол в формах множественного числа также изменяется, выражает множественность исполнителей действия. Характерно для коми языка то, что отрицательный глагол своей основой выражает время, а лицо выражают присоединяющиеся к основе лично-числовые суффиксы.

Для удобства запомните отрицательную парадигму глагола в настоящем времени в комплексе всех элементов. Отрицательный глагол обозначает настоящее время своей основой на о-.

  тӧдны ʻзнать’

	единственное число	множественное число
1 лицо	ме ог тӧд ʻя не знаю’	ми огӧ тӧдӧ(й) ʻмы не знаем’
2 лицо	тэ он тӧд ʻты не знаешь’	ті онӧ тӧдӧ(й) ʻвы не знаете’
3 лицо	сійӧ оз тӧд ʻон, она не знает’	найӧ оз тӧдны ʻони не знают’

Лексический глагол всегда стоит после собственно отрицательного глагола. Между ними могут стоять и другие слова предложения.

Примеры:

Ме ог Сыктывкарын ов, Выльгортын ола.  ʻЯ не в Сыктывкаре живу, в Выльгорте живу’.

Тэ он гӧгӧрво комиӧн, тэ велӧдчан на.

Ӧльӧным оз куритчы.

Велӧдысь оз ло талун школаын, сійӧ висьӧ.

Ми аски огӧ шойччӧй, аски ми уджалам.

Ті онӧ тэрмасьӧй театрӧ? Мунӧй ӧдйӧджык.

Зонъясыс оз уджавны тані, найӧ Сыктывкарын гӧститӧны.

Челядь гожӧмнас оз велӧдчыны, налӧн сэки кáникул.

аски ʻзавтра’

талун ʻсегодня’

Нӧдкывъяс Загадки

Биын оз сотчы, ваын оз вӧй. (Йи)

Век вомын, а он ньылышт. (Кыв)

сотчыны ʻгореть’

вом ʻрот’

ньылыштны ʻпроглотить’

Шусьӧгъяс Пословицы

Омӧль удж некытчӧ он дзеб. ʻПлохую работу никуда не спрячешь’.

Коді оз уджав, сійӧ оз сёй.

Радейтана уджысь он мудз.

мудзны ʻуставать’

► Если в составе сложного предложения в первой части есть отрицательные глаголы, то вторая часть часто начинается с разделительного союза а.

ог, он, оз  --------------- ↔ , а ------------------------

огӧ, онӧ, оз

— Тэ таво шойччан Крымын?

— Ог, ме ог шойччы сэні, а шойчча гортын, чужан сиктын.

— Ті петанныд автобусысь тані?

— Тані ог пет, а пета кӧрт туй вокзал дорын.

— Зонъяс, ті мунанныд рытнас клубӧ?

— Огӧ мунӧ, огӧ эштӧ: уджным уна — аски миян экзамен лоӧ.

дорын ʻоколо’

Шмонь Шутка

— Ті комиӧн сёрнитанныд?

— Ог сёрнит, ог куж.

— А коми гижӧд вуджӧданныд роч кывйӧ?

— А уна-ӧ мынтанныд?

Лыдакывъяс
Числительные

Составные количественные числительные в коми языке образуются путем прибавления единиц к десяткам, и десяток и единиц к сотням и т.д. Числительные с единицами всегда пишутся раздельно.

Запомните их:

Названия десяток и сотен, состоящие из отдельных корней, всегда пишутся слитно. Остальные составные числительные пишутся раздельно.

(20) кызь, но кызь нёль кампет (24)

(30) комын, но комын куим багатыр (33)

(40) нелямын, но нелямын квайт арӧса ань (46)

(50) ветымын, но ветымын вит шайта чача (55)

(60) квайтымын, но квайтымын ӧти небӧг (61)

(70) сизимдас

(80) кӧкъямысдас

(90) ӧкмысдас

(100) сё

— кыксё (200)

— куимсё (300),

— нёльсё (400),

— витсё (500),

— квайтсё (600),

— сизимсё (700),

— кӧкъямыссё (800),

— ӧкмыссё (900),

— сюрс (1000)

(100 000) сё сюрс (1 000 000) миллион

Составные числительные образуют сочетания, на первом месте идут наименования тысяч, затем сотен, десяток и единиц.

Примеры:

Ми лыддям «Сюрс да ӧти вой» нима небӧг.

Тані эм Яков Рочевлӧн «Кык друг» нима роман.

Миян эм куим сюрс квайтсё кӧкъямысдас сизим шайт ӧкмысдас кык ур.

Лыддьӧдлана лыдакывъяс
Порядковые числительные

Порядковые числительные в коми языке образуются регулярно с помощью суффикса -ӧд, который присоединяется к основе числительного или к основе последнего компонента составного числительного. Порядковые числительные от числительных ӧти (1), кык (2), куим (3) отличаются разными корнями, поэтому их следует запомнить.

1 ӧти — медводдза ʻпервый’ или первой

2 кык — мӧд ʻвторой’

3 куим — коймӧд ʻтретий’

4 нёль — нёльӧд ʻчетвёртый’

5 вит — витӧд и т. д.

Талун урасьӧм тӧлысь (февраль) кызь кыкӧд лун.

Ӧні мунӧ кык сюрс дас квайтӧд во.

► К сведению: в порядковых составных числительных всегда употребляются порядковые числительные ӧтиӧд ʻпервый’, кыкӧд ʻвторой’: Тӧрыт вӧлі йирым тӧлысь (октябр) кызь ӧтиӧд лун, талун октябр кызь кыкӧд лун.

Кымын час (ӧні)? (букв. ʻсколько часов сейчас? Сколько времени сейчас?’)

Уна-ӧ кадыс (ӧні)?

Кывбердъяс. Рӧм нимъяс
Прилагательные. Цветообозначения

еджыд ʻбелый’

Лымлӧн рӧмыс еджыд.

сьӧд ʻчёрный’

Ванялӧн гачыс сьӧд.

гӧрд ʻкрасный’

Шондіыс асылын гӧрд.

лӧз ʻсиний, голубой’

Анялӧн синъясыс лӧзӧсь.

виж ʻжёлтый’

Тані эмӧсь виж дӧрӧмъяс.

 турунвиж ʻзелёный’

Туруныс турунвиж.

пемыдгӧрд ʻкоричневый’

Джоджыс тані пемыдгӧрд.

алӧй ʻалый’

Василий Юхнинлӧн «Алӧй лента» роман абу тан.

югыд ʻсветлый’

Асылыс талун югыд.

рӧм ʻцвет’,

лым ʻснег’

гач ʻбрюки’

шонді ʻсолнце’

син ʻглаз’

дӧрӧм ʻрубашка’

турун ʻтрава’

руд ʻсерый’ Буско — руд пон.

пон ʻсобака’

асыв ʻутро’

Юасяна нимвежтас
Вопросительное местоимение

Кутшӧм? Какой?

Кутшӧм рӧма Ванялӧн юрсиыс? ʻКакого цвета Ванины волосы?’

Кутшӧм сійӧ керкаыс? — Сійӧ ыджыд, вит судтаа руд керка.

Кутшӧм сійӧ патераыс? — Патераыс нёль вежӧса, югыд.

Кутшӧмӧсь найӧ? — Найӧ томӧсь, зільӧсь да абу дышӧсь.

Кывбурыс кутшӧм? — Сійӧ Илля Васьлӧн важ да мича кывбур.

Кутшӧм театръяс эмӧсь Сыктывкарын? — Театрыс куим: Опера да балет театр, Виктор Савин нима драма театр да Коми вужвойтырлӧн шылада-драмаа театр.

Кутшӧм тайӧ морт? — Тайӧ интереснӧй, тӧлка морт.

Нимыд, овыд тэнад кутшӧм? — Нимӧй Ваня, овӧй Кузьпелев.

вит судтаа ʻпятиэтажный’

кывбур ʻстихотворение’

Юасяна сёрникузяяс
Вопросительные предложения

Вопросы, требующие подтверждения, уточнения о действительности, наличии чего-либо, предметов, их свойств, характеристик, образуются путём присоединения частицы -ӧ к тому слову, к которому обращён вопрос, например:

Эм-ӧ Сыктывкарын опера театр? — Абу. ʻЕсть ли в Сыктывкаре...?’

Эмӧсь-ӧ Вӧркутаын театръяс? — Эмӧсь: драма театр да акань театр.

Ыджыдӧсь-ӧ сэні ӧшиньясыс? — Ыджыдӧсь, но мисьтӧмӧсь.

Вежӧра-ӧ тіян веськӧдлысьныд? — Дерт жӧ, вежӧра да зіль.

акань театр ʻкукольный театр’

мисьтӧм ʻнекрасивый’

Но чаще в коми языке вопросительные предложения образуются при помощи изменения интонации: повышается интонация (высота голоса) на І слоге слова, к которому относится вопрос, и затем она резко понижается.

Примеры:

Тэ вӧралысь? — Ме абу вӧралысь, а велӧдысь.

Сійӧ пӧрысь нин? — Абу, сійӧ том на.

Светаыс мича? — Сійӧ мича и статя ныв, абу дыш уджалысь.

Ваньӧыс тӧлка? — Сійӧ зэв тӧлка да ён морт.

Тэ пусьысь? — Ме бурдӧдчысь, а абу пусьысь.

нин ʻуже’

на ʻещё’

бурдӧдчысь ʻврач’

Нӧдкывъяс Загадки

Кос рос да сьӧд сэтӧр. ʻСухая метёлка и чёрная смородина’. (Синъяс) (Глаза)

Виж — абу турун, гӧгрӧс — абу шар, бӧжа — абу шыр. ʻЖёлтое — не трава, круглое — не шар, с хвостом — не мышь’. (Сёркни) (Репа)

Тшаныс важ, вевтыс выль. ʻЧан старый, крышка новая’ ( Ва, йи) (Вода, лёд)

Вежон лун да тӧлысь нимъяс
Названия дней недели и месяцев

Временная ориентация относительно сегодняшнего дня:

аскомысь	послезавтра
аски	завтра
талун	сегодня
тӧрыт	вчера
войдӧрлун войдӧрыт	позавчера

Коми названия дней недели:

выльлун	понедельник
вóторник	вторник
середа шӧрлун	среда
четверг	четверг
пекнича	пятница
субӧт субӧта	суббота
вежалун вӧскресенньӧ	воскресенье

В современном литературном коми языке употребляются параллельно и интернациональные названия месяцев, заимствованные через русский язык, и древние традиционные названия месяцев. Международные названия месяцев пишутся как в русском языке, однако они произносятся немного по другому; в транскрипции ниже даны нормы их произношения.

январь [йáнвар]	тӧв шӧр (тӧлысь)
февраль [фéврал’]	урасьӧм (тӧлсь)
март	рака (тӧлысь)
апрель [áпрел’]	кос му (тӧлысь)
май	ода-кора (тӧлысь)
июнь [йун’]	лӧддза-номъя (тӧлысь)
июль [йул’]	сора (тӧлысь)
август	моз (тӧлысь)
сентябр [с’ен’т’аб(р)]	кӧч (тӧлысь)
октябр [окт’аб(р)]	йирым (тӧлысь)
ноябр [нойаб(р)]	вӧльгым (тӧлсь)
декабр [д’екаб(р)]	ӧшым (тӧлысь)

Названия разных отрезков времени:

– здук – миг

– минут – минута

– час – час

– лун – день

– вежон – неделя

– тӧлысь – месяц

– во – год

– нэм  – век

– сюрсво – тысячелетие

При обозначении дат с указанием на число, месяц и год слова-определения в коми языке всегда стоят перед определяемым словом лун ʻдень’.

Примеры:

Талун апрель (кос му тӧлысь) квайтӧд лун.  ʻСегодня шестое апреля’.

Март кӧкъямысӧд лунӧ Россияын аньяслӧн гаж.

Июнь (лӧддза-номъя тӧлысь) дас витӧд лунӧ менам чужан лунӧй.

Иван Куратовлӧн чужан луныс сюрс кӧкъямыссё комын ӧкмысӧд вося сора тӧлысь дас кӧкъямысӧд лунӧ.

Аски лоӧ кӧч тӧлысь медводдза лун, аски ми мунам велӧдчыны.

гаж ʻпраздник’

чужан лун ʻдень рождения’

Лыддянторъяс

Шусьӧгъяс Пословицы

Кӧинысь баля оз ло.

Ӧтар вадорысь йӧткысис, мӧд вадорӧ эз во.

Ӧти лунӧ кыкысь оз ужнайтны.

Аслад вуджӧрысь он пышйы.

Коді вӧрӧ, коді ваӧ.

баля ʻовечка’

вадор ʻберег’

ужнайтны ʻужинать’

вуджӧр ʻтень’

аслад ʻсвой/твой’

ДЫШ ЙЫЛЫСЬ

— Пиӧй, пиӧй, чеччы!

— Кӧть ӧд чечча, ог жӧ мыссьы.

— Пиӧй, пиӧй, мыссьы!

— Кӧть ӧд мысся, ог жӧ пасьтась.

— Пиӧй, пиӧй, пасьтась!

— Кӧть ӧд пасьтася, ог жӧ кӧмась.

— Пиӧй, пиӧй, кӧмась!

— Кӧть ӧд кӧмася, ог жӧ мун.

— Пиӧй, пиӧй, мун!

— Кӧть ӧд муна, ог жӧ уджав.

йылысь – послелог со значением ʻо, про’

чеччыны ʻвставать’

кӧть ʻхоть, хотя’

мыссьыны ʻумываться’

пасьтасьны ʻодеваться’

кӧмасьны ʻобуваться’

уджавны ʻработать’

КОР ЛОӦ ЧУЖАН ЛУНЫД, ӦЛЬГИ?

Университетын велӧдчысьяс сёрнитӧны чужан лунъясныс йылысь.

– Петыр, висьтав, кор тэнад чужан луныд? Тэныд кымын арӧс?

– Окотапырысь висьтала. Чужан лунӧй лоӧ ода-кора тӧлысь кызь кыкӧд лунӧ. Ме ён ӧш. Меным регыд лоӧ кызь ӧти арӧс. А тэнад кор чужан луныд, Ӧньӧ? Кымын арӧс тэныд?

– Гожӧмнас меным лоӧ кызь куим арӧс. Чужан лунӧй август (моз) кызь ӧтиӧд лунӧ. Гороскоп серти ме ныв. Кывзы, Ӧльги, ноко вай висьтав, а тэныд кымын арӧс?

– Ог висьтав, кыв ог шу. Ме ныв, а тіянлы, зонъяслы, абу лӧсьыд юасьны та йылысь. Та понда ог вочавидз.

– А кор тэнад чужан луныд? Висьтав кутшӧм тэнад чужан воыд?

– Та йылысь окотапырысь висьтала. Чужан лунӧй ӧшым тӧлысь витӧд лунӧ. Ме лыйсьысь. Чужан воӧй сюрс ӧкмыссё кӧкъямысдас квайтӧд во.

– Но ӧні ми бура тӧдам, кымын арӧс тэныд, – шуӧны зонъяс.

тэныд ʻтебе’

ӧш ʻбык, телец’

меным ʻмне’

сёрнитны ʻбеседовать’

арӧс ʻгод (в значении возраста)’

ныв ʻдева’

абу лӧсьыд ʻнеприлично’

чужан во ʻгод рождения’

лыйсьысь ʻстрелец’

шуны ʻговорить’

КОМИ МУ УНА ЛЫДПАСЫН

Коми республика – зэв ыджыд му, сылӧн пасьтаыс нёльсё дас вит сюрс квадрата километр. Став пасьтаысь квайтымын ӧкмыс прӧчентыс вӧр. Вӧрыс Комиын зэв уна – ставнас кызь кӧкъямыс миллион сизимсё сюрс гектар. Став вӧрысь лыска пуа вӧрыс кӧкъямысдас ӧти прӧчент, коръя пуаыс сӧмын дас ӧкмыс прӧчент. Республикаын эм тшӧтш уна нюр, унджыкыс тундраын. Став муысь дас кык-дас вит прӧчентыс нюр.

Поводдяыс Комиын тшӧтш аслыспӧлӧс: гожӧмыс дженьыд да шоныд, тӧлыс кузь да кӧдзыд. Тӧвшӧр тӧлысьын, январын шӧр температураыс лунвылын, Сыктывкарын, дас вит градус кӧдзыд, а войвылын, Вӧркутаын, кызь градус кӧдзыд. Гожӧмын, юльын Сыктывкарын шӧр температураыс дас квайт градус, а Вӧркутаын дас ӧти градус шоныд.

Чужан луныс Коми республикалӧн гожӧм помын, моз (август) кызь кыкӧд лунӧ. Коми автономия котыртӧма вӧлі сюрс ӧкмыссё кызь ӧтиӧд воӧ.

лыдпас ʻцифра’

пасьта ʻплощадь территории’

став ʻвесь’

лыска ʻхвойный’

коръя ʻлиственный’

пу ʻдерево’

аслыспӧлӧс ʻсвоеобразный’

шӧр ʻсредний, середина’

тӧв ʻзима’

гожӧм ʻлето’

котыртӧма вӧлі ʻбыла организованаʻ (автономия)

Уджъяс Упражнения

1 удж. Впишите в пропущенные места необходимые глагольные и падежные суффиксы.

1) Ме рытнас пука(в) .... горт ....

2) Сизим час .... тэ мун .... театр ....

3) Парӧ тьӧт кык лун нин вись ...., куйлӧ бурдӧдчанін ......

4) Ми велӧдч .… тӧвнас техникум ....

5) Ті пет ....... керка .... дас ӧти час ....

6) Найӧ шойчч ...... Крым....

7) Челядь пет .... автобус.... да пыр .... музей....

8) Велӧдчысьяс заводит .... гиж .... диктант.

2 удж. Предложения из 1 упражнения из утвердительных преобразуйте в отрицательные, по образцу:

Петя талун висьӧ → Петя талун оз вись.

3 удж. Проспрягайте по лицам и числам следующие глаголы:

Пукавны, гӧгӧрвоны, тӧдны, велӧдны, котравны, тэрмасьны, мунны, локны, лоны, петны.

4 удж. Глаголы, данные в 3 упражнении, проспрягайте по лицам и числам в отрицательной парадигме.

5 удж. Вставьте в пропуски глаголы в отрицательных формах.

1) Ме ................ Абъячойын, ӧні ме велӧдча Питерын (овны).

2) Тэ ................ мунны бассейнӧ, миян лоӧ экзамен (эштыны).

3) Сійӧ ................ коми кывйысь роч кывйӧ, кадыс абу (вуджӧдны).

4) Ми ................ керкаысь, талун зэв кӧдзыд (петны).

5) Ті ................ (куритчыны).

6) Печора ................ Войвывса Двинаӧ (визувтны).

7) Эжва ................ Йиа саридзӧ (усьны).

6 удж. Напишите прописью следующие составные числительные: 13, 18, 21, 28, 57, 89, 102, 185, 248, 1 940, 2 450, 8 000 000, 1 598 000, 5 457 820.

7 удж. Запишите числительные словами и употребите существительные при числительных в необходимом падеже.

1) (7.00) .............. час.... ми чеччам да мыссям.

2) (7.30) .............. час да джын.... ми вӧчам гимнастика.

3) (8.15) .............. час .............. минут.... ми сёям. (8.30).

4) (7) .............. час да джын.... ми петам гортысь да мунам школаӧ.

5) (12.40) ................ час .............. минут.... ми пажнайтам.

6) (15.30) .............. час.... .... минут.... ми петам школаысь да мунам гортъясӧ.

8 удж. Продолжите предложения, правильно подбирая необходимые по смыслу прилагательные.

1. Печора ю .... турунвиж

2. Опера да балет театр .... сьӧд

3. Лымйыс .... паськыд да мича

4. Муыс .... пыдын, вына да кузь

5. Коммунистическӧй улича .... ыджыд и мича

6. Туруныс .... еджыд

9 удж. Употребите существительные в формах необходимых падежей, в инессиве (местном падеже), иллативе (вступительном падеже) или элативе (исходном падеже).

1) Асывнас студентъяс мунӧны университет....., рытнас локтӧны университет...... бӧр горт..... .

2) Пӧрысь йӧз да челядь гуляйтӧны паркъяс..... .

3) Лэбачьяс арнас лэбзьӧны войвы(в)..... лунвы(в)..... .

4) Мамным шуӧ: «Челядь, ветлӧй вузасянін.....».

5) Ичӧт Ивӧ асывъяснас ачыс нин мунӧ челядь сад..... .

6) Володьлӧн пиыс велӧдчӧ Мӧскуаын архитектор..... .

7) Базарын каньпиянӧс вузалӧны сё шайт..... .

8) Поводдяыс талун зэв омӧль. Киӧй кынмӧ кӧдзыд..... .

9) Миян веськӧдлысьным гожӧмъясын шойччӧ Турция..... .

10) Миша Канев коммерсант, сійӧ Мӧскуаӧ ветлӧ зэв уна..... .

10 удж. Комиӧдӧй сёрникузяяс. Переведите на коми язык предложения.

1.

1) Ночью мы не едим, не гуляем.

2) Днём мальчик не спит.

3) Сегодня ты не работаешь.

4) Кто не работает, тот не ест.

4) Завтра они не отдыхают.

5) Ваня не живёт в Объячево.

5) Я не иду вечером в клуб.

2.

1) Снег не чёрный, он белый.

2) Дом Петра коричневый.

3) Реки голубые, леса зелёные, земля чёрная.

4) Какой он человек? – Он хороший и умный парень, но он также ленивый.

5) – Есть ли в Ухте университет. – Есть, конечно, там есть большой хороший университет.

6) – Ты учитель? – Нет, я не учитель, я руководитель.

7) У коми слова нэм есть два значения: ʻвек, столетие’ и ʻжизнь человека’.

3.

– Когда у Петра день рождения? Знаешь ли ты?

– Не знаю, не помню, не скажу.

– А когда у тебя, Оля, день рождения?

– Тоже не скажу, хотя знаю и помню. Не спрашивай.