2015: Видза олан, коми кыв! Урок 12

ДАС КЫКӦД ЮРПАС

ДВЕНАДЦАТЫЙ УРОК

Винительный падеж существительных и личных местоимений. Способы выражения винительного падежа в коми языке. Лично-притяжательные суффиксы винительного падежа. Личные и усилительно-личные местоимения при словах в винительном падеже. Тексты и упражнения.

Керан вежлӧг
Аккузатив Винительный падеж

Винительный падеж существительных и личных местоимений образуется неодинаково. Запомните формы личных местоимений в винительном падеже. Слова в этом падеже обозначают предмет, на который переходит действие, они отвечают на вопросы кодӧс?, мый? ʻкого? что?’

	единственное число	множественное число
1 лицо	менӧ ʻменя’	миянӧс ʻнас’
2 лицо	тэнӧ ʻтебя’	тіянӧс ʻвас’
3 лицо	сійӧс ʻего, её’	найӧс ʻих’

Местоимения в винительном падеже употребляются только при переходных глаголах, действие которых переходит на прямой объект (другой предмет), например: кывзыны ʻслушать’, радейтны ʻлюбить’, пыдди пуктыны ʻуважать’, корны ʻзвать’, вӧчны ʻделать’, сёйны ʻесть’, пуны ʻварить’ и т. д.

Примеры:

— Челядь, бура кывзӧй менӧ, миян ордӧ школаӧ талун воасны телевидениеын уджалысьяс. Найӧ кутасны юасьны тіянӧс велӧдчӧм йылысь, — юӧртіс велӧдысьным.

Чужан лунӧ Аня кылӧ ёртъяссяньыс: «Ми ставным ёна пыдди пуктам да радейтам тэнӧ, Ануш!»

— Ваньӧ, кӧні Лена чойыд? Сёян кад нин ӧд. Ӧдйӧ корсь да кор сійӧс сёйны! — шуӧ мамыс.

Вӧр институтын миянӧс велӧдӧны вежӧра велӧдысьяс, бур педагогъяс.

Юӧртӧм: талун сизим часын лоӧ «Коми рыт». Корам тіянӧс волыны рытйыны!

рытйыны ʻпроводить вечер’

кодӧс? ʻкого?’

Существительные в винительном падеже переводятся на русский язык существительными в винительном падеже без предлога: Зонка лыддьӧ «Коми мойдъяс да сьыланкывъяс» небӧг ʻМальчик читает книгу «Коми сказки и песни»’.

Винительный падеж существительных может выражаться двумя основными способами — или без суффиксов, или с помощью суффиксов -ӧс, -сӧ; в определённых случаях -тӧ.

а) Неоформленная форма винительного падежа.

1) Винительный падеж может выражать основа существительного без суффиксов: Ми велӧдам коми кыв ʻМы изучаем коми язык’. Существительные в винительном падеже без суффиксов обозначают неопределённый, обобщённый или единичный в данном случае объект, на который переходит действие.

Примеры:

Коми муын олысьяс, видзӧй вӧр-ва!

Гожӧмнас ми кывтам Висер ю кузя, кутам чери кыйны, чукӧртны фольклор, тӧдмавны чужан му.

Велӧдчысьясным радейтӧны коми сьыланкывъяс да мойдъяс.

Быд дзоридз радейтӧ шонді.

2) Существительные в винительном падеже без суффиксов могут обозначать также и определённый неодушевлённый предмет, на который переходит действие. Конкретность прямого объекта подразумевается из контекста или же единичность и определённость предмета известна из предыдущих предложений.

Примеры:

Ми асывнас ньӧбим талунъя «Коми му» газет.

Аски картупель му кутам гӧрны.

Нывка пуксьӧ пызан сайӧ, босьтӧ киӧ ручка да вӧчӧ гортса удж.

Сёянінын тӧнлун ме сёи шыд тасьті, пражитӧм порсь яй тор да юи йӧв стӧкан.

Иван Куратов гижис «Пасъяс синтӧмлӧн» медводдза коми поэма.

Ветлы, Миша, вузасянінӧ, ньӧб кык нянь чӧвпан, дас кольк да куим йӧв сулея.

гӧрны ʻпахать’

тор ʻкусокʻ

КАТША, КАТША

Катша, катша — китш, котш,

Тури помечӧ корӧ.

Вурд кер сывъялӧ.

Кӧин кер кыскалӧ.

Ош керка лэптӧ.

Сизь ӧшинь писькӧдӧ.

Гӧрд петук джодж вӧчӧ.

Меж пач вартӧ.

Сюзь кӧвдум пӧжалӧ.

Ур би видзӧ.

Руч дӧра кыӧ.

катша ʻсорока’

помеч ʻпомочь’

тури ʻжуравль’

вурд ʻвыдра’

кӧин ʻволк’

ош ʻмедведь’

сизь ʻдятел’

писькӧдны ʻпрорубить’

меж ʻбаран’

сюзь ʻсова’

ур ʻбелка’

руч ʻлиса’

б) Суффиксальные формы винительного падежа употребляются тогда, когда речь идёт чаще всего о конкретных, определённых предметах, на которые переходит действие, а также когда говорящий хочет выделить, подчеркнуть предмет или лицо, выражаемое существительным в винительном падеже.

1) -ӧс: Велӧдысь велӧдӧ зонкаӧс ʻУчитель учит мальчика’.

Чаще всего суффикс -ӧс присоединяется к одушевлённым существительным, обозначающим хорошо известное говорящему существо, имеющее к нему определённое отношение.

Примеры:

— Кутшӧм коми гижысьясӧс тэ тӧдан, Лена?

— Ме тӧда Геннадий Юшковӧс, Иван Тороповӧс, Шахов Петырӧс, кывбуралысьяс пиысь тӧда Игӧ Васьӧ Володьӧс (Владимир Тиминӧс), Петыр Саньӧӧс (Александра Мишаринаӧс) да Альберт Ванеевӧс.

— Вӧрысь ми аддзылім татшӧм пемӧсъясӧс — кӧинӧс, кӧчӧс, гӧрд урӧс, лэбачьяс пиысь — ыджыд сюзьӧс да катшаӧс.

— Валя, кодӧс нӧ виччысян? Мунам гортӧ!

— Ог на мун. Кичигин Васьӧс виччыся, ӧтлаын колӧ киноӧ мунны.

— Миянлы колӧ вежон кежлӧ кань. Шыръясӧс керкаысь колӧ кыйны.

Вера шойччан лунӧ лыддис Есенинӧс да Юшковӧс.

Иногда существительные с суффиксом -ӧс выражают обобщённый неединичный объект, например:

Мортӧс уджын тӧдмалӧны

                     ʻЧеловека познают в работе’.

Кӧинӧс кокъясыс вердӧны.

— Порсьӧс видзам, мӧскӧс да понмӧс видзам, — шуӧ меным чожӧй.

Вӧралысь Дӧрӧ Паш кыйӧ кӧчӧс, ручӧс, туланӧс да вӧрканьӧс.

Уна мортӧс шензьӧдӧ Иван Куратовлӧн енбиыс.

енби ʻталант’

Суффикс -ӧс всегда присоединяется также к прилагательным в винительном падеже, например:

Студентъяс университетын быд лун восьтӧны мыйкӧ выльӧс, коланаӧс.

— Петыр ньӧбӧма компьютер. — Кутшӧмӧс? — Донаӧс да бурӧс.

Регыд бара кутам бӧрйыны россияса президентӧс. Выльӧс.

восьтыны ʻоткрывать’

2) -сӧ: Шонді шонтӧ мусӧ ʻСолнце обогревает землю’. Суффикс -сӧ выражает определённость предмета или лица, обозначаемого существительным, на который переходит действие. Суффикс -сӧ может присоединяться и к выделяемым неодушевлённым существительным.

Примеры:

Васялӧн мамыс шуӧ: «Вася, пӧдлав ӧшиньсӧ да ӧдзӧссӧ, мыськы керкаысь джоджсӧ.

Вӧркута карлӧн югыд биясыс югзьӧдӧны став тундрасӧ да енэжсӧ.

Каникул вылӧ воис Вóлодьлӧн Ёгор ёртыс. «Вай корам Ёгорсӧ аски рытнас миянӧ», — шуӧ Вóлодь.

Существительные с этим суффиксом выражают прямой объект с его выделением от остальных, особенно если перед существительным стоят определения тайӧ ʻэто’, сійӧ ʻто’, татшӧм ʻтакой’.

Примеры:

– Тайӧ уджсӧ вӧч аскиӧдз быть, – шуис профессор дыш студентлы.

– То сійӧ мортсӧ ме синмӧн видзӧдны ог вермы, – висьталӧ Зоя нывъёртыслы.

Татшӧм небӧгсӧ меным морт на эз козьнавлы, – шуӧ Таттян.

Уличвывса гижӧд: «Тайӧ йӧзсӧ корсьӧ полиция».

► Примечание: выражение тӧвсӧ чужъявны дословно переводиться как ʻветер пинать’, но обозначает ʻВаньку валять, дурака валять, лодырничать’.

3) -тӧ: Чужан мутӧ видз ассьыд мамтӧ моз. ʻРодину свою береги, как свою мать’.

Существительные в винительном падеже с суффиксом -тӧ обозначают предмет или явление, принадлежащее или имеющее заинтересованное отношение к слушающему, адресату речи, второму лицу. Обычно это выражается в пословицах.

Примеры:

Кынӧмтӧ тув вылӧ он ӧшӧд. соответствие: ʻГолод не тётка’.

Зіля уджалӧмтӧ лӧсьыд и видзӧдны. ʻУсердную работу (также и твою) приятно и наблюдать’.

Ӧтка путӧ тӧв кыдзи колӧ куснялӧ. ʻОдинокое дерево (также и твоё) ветер гнёт, как хочет’.

Вомтӧ он вур.

вурны ʻсшить’

Керан вежлӧглӧн индан-асалан суффиксъяс
Лично-притяжательные суффиксы аккузатива

Винительный падеж имеет также серию падежно-притяжательных суффиксов, в которых выражается объединённое значение винительного падежа существительного и принадлежности предмета, обозначаемого существительным, к определённому лицу или лицам, например: Ме аддза батьӧс ʻЯ вижу моего отца’; Ме аддза батьтӧ ʻЯ вижу твоего отца’; Ме аддза батьсӧ ʻЯ вижу его(её) отца’ и т.д. Рассмотренные выше суффиксы аккузатива -ӧс, -сӧ, -тӧ исторически являются притяжательными показателями аккузатива, в которых значение принадлежности исчезло. Однако в речи определённо-притяжательные суффиксы аккузатива встречаются также часто.

Парадигма винительного падежа определённо-притяжательного склонения следующая:

Примеры:

– Тэ пыдди пуктан он веськӧдлысьтӧ, Миш? ʻ– Ты уважаешь или нет своего (твоего) начальника, Миша?’

Висьысь корӧ: «Бурдӧдӧй пиньӧс, зэв ёна висьӧ!»

– Кодӧс тэ радейтан, Ӧльги? Ме радейта мамӧс, айӧс, Валя чойӧс, пӧрысь мамӧс, Буско поннымӧс да Чошӧ порсьнымӧс. Да нӧшта Барби аканьӧс.

Кузькоков гозъя бура быдтӧны челядьнысӧ, Машук нывнысӧ да Ивӧ пинысӧ.

Зонъяс, кытчӧ нӧ колинныд Веньӧ да Васьӧ ёртъяснытӧ?

– Челядь, корӧй аски ай-мамнытӧ школаӧ выль во пасъян рыт вылӧ.

– Зонъяс, вай аски вӧчам неыджыд гаж. Ме кора Валя нывъёртӧс, тэ коран Зоятӧ, Ваня корас Катясӧ, Петыр да Митрей корасны нывъёртъяснысӧ. Рытнас кутам гажӧдчыны, сьывны, йӧктыны, сур юны. А сэсся мунам видзӧдны войся Сыктывкарнымӧс.

Ваня мыськис чужӧмсӧ да кисӧ. ʻВаня вымыл своё лицо и руки’.

Иван Куратов ас кывбуръясын сьыліс чужан мусӧ, Кебра сиктсӧ.

Пекла тьӧт керкасӧ некор оз и игнавлы.

игнавны ʻзапирать’

Личные и усилительно-личные местоимения при словах в виинительном падеже

Для коми языка характерно то, что притяжательные определения (в значениях мой, твой, его(её), свой и т.п.) перед словом, стоящим в винительном падеже, обязательно принимают форму притяжательного падежа,

например:

Ваня – тэнад ёртыд (ёрт в именительном падеже) ʻВаня – твой друг’ → Талун аддзылі тэнсьыд Ваня ёрттӧ (ёрт в винительном падеже) ʻСегодня видел твоего (букв. от твоего) друга Ваню’.

Формы личных местоимений в притяжательном падеже следующие:

Примеры:

Паныдасьӧны кык нывка.

– Машук, тэ аддзылін эн менсьым Лаппель понмӧс?

– Да, аддзылі тэнсьыд понтӧ дзик орччӧн, этайӧ ӧтуввез-шӧрин дорысь.

Уна йӧз лэбалӧ сэтчӧ-татчӧ. Аэропортса уджалысьяс видлалӧны налысь кӧлуйсӧ.

Ресторанын: – Зонъяс, вай видзӧдлам миянлысь сьӧмнымӧс, тырмас оз сійӧ мынтысьны.

Лидия Логинова бура сьылӧ. Ми вылӧ донъялам сылысь енбисӧ.

– Ывлаын ёна зэрӧ. Босьт менсьым зонтикӧс, аски сетан бӧр.

– Тэнсьыд кабалаястӧ ме босьта гортӧ, – шуис велӧдысь зонлы.

вылӧ донъявны ʻвысоко оценивать’

В коми языке параллельно с личными местоимениями в функции притяжательного определения чаще употребляются усилительно-личные местоимения, например: Зонкалӧн эм пон → Зонка радейтӧ ассьыс понсӧ ʻМальчик любит свою собаку’.

Формы усилительно-личных местоимений в именительном, родительном и притяжательном падежах следует запомнить:

Примеры:

Быдӧн пыдди пуктӧ ассьыс ай-мамсӧ да ордвужсӧ.

Педьӧ ёна радейтӧ ассьыс гӧтырсӧ да ныв-писӧ.

– Тӧрыт ми час джын виччысим ассьыным велӧдысьнымӧс.

– Радейтӧй ассьыныд матыссаяснытӧ, ай-мамнытӧ да чой-вокнытӧ.

– Ме вошті ассьым портманетӧс кытчӧкӧ. Коді аддзыліс менсьым кӧлуйӧс?

ордвуж ʻродня’

ныв-пи ʻдети’

воштыны ʻпотерять’

Лыддянторъяс

Нӧдкывъяс

Еджыд пызандӧра став мусӧ вевттис. ( Лым)

Сьӧд мӧскӧс гӧрд мӧс нюлӧ. ( Би, тшын)

Кузь-кузь мужик да тӧлысь ни шонді оз аддзыв. ( Пу сьӧмӧс)

Мича-мича ичмонь да быдӧнӧс бӧрдӧдӧ. ( Лук)

Менӧ тшӧкыда корӧны, виччысьӧны, а петкӧдча кӧ, ставыс дзебсьӧны. ( Зэр)

Мамыс писӧ нёнялӧ. ( Вабергач)

Шмоньяс

РЕСТОРАНЫН

— Официант, а ӧні вай миянлы мыйкӧ пальӧдчыны.

— Пӧжалуйста, то тіянлы тшӧт. Мынтысь да дзик пыр и палялан.

☺ ☺ ☺

Лэбӧны самолётын армянин, негр да коми.

Лэбӧны Армения весьтті.

– Миян аньяс радейтӧны дзоридз, – шуӧ армянин да шыблалӧ самолётсяньыс дзоридзьяс.

Лэбӧны Африка весьтті.

– Миян аньяс радейтӧны сьӧм, – шуӧ негр да шыблалӧ уліас посни кӧрт сьӧм.

Лэбӧны Коми республика весьтті.

– А миян аньяс радейтӧны тіянӧс, армянаӧс да негръясӧс, – тайӧ кывъяс бӧрас комиыд шыбитас самолётысь кыкнансӧ.

пальӧдчыны ʻосвежиться’

шыблавны ʻбросать’

тшӧт ʻсчёт’

кӧрт сьӧм ʻмелочь, монеты’

весьтті ʻнад’

кыкнансӧ ʻобоих, того и другого’

МЫЙ КӦСЪЯННЫД СЁЙНЫ?

Кӧкъямыс час рытын «Ыджыд ош» ресторанӧ воӧны Таскаев гозъя. Пельӧссянь кылӧ лӧсьыд шылад. Верӧс да гӧтыр пырӧны залӧ, Миш пуксьӧдӧ Аня гӧтырсӧ, сэсся ачыс пуксьӧ пызан сайӧ. Пукалысьяс дорӧ матыстчӧ официант, чолӧмалӧ найӧс, сетӧ сёянлыддьӧг (меню) да шуӧ:

— Бур рыт. Миян талун бур шылада уджтас, йӧктысьяс петкӧдласны выль йӧктӧмъяс. Талун тані дасьтісны коми йӧзкостса сёянъяс. Мый кӧсъянныд сёйны? Висьталӧй.

— Висьтав, Аня, мый кӧсъян босьтны сёйны? — юалӧ верӧсыс.

— Меным абу на эськӧ окота ёнасӧ сёйны. Но колӧ видзӧдлыны... Сідз-сідз, чими да кӧр яй эм... Но сійӧ меным дышӧдіс нин. Ош яй эм... Но сійӧ вывті чорыд, вой кежлӧ тайӧс сёйны оз позь. Вайӧй сідзкӧ шома капустаа салат, пӧсь сёян вылӧ чимиысь юква да порсь яйысь пельмень нӧкйӧн. Юны кута сьӧд копей коннякӧн. Ставыс! — шуӧ Аня.

— А ме кора пӧсь сёян вылӧ сьӧла яйысь шыд, мӧд сёян вылӧ пражитӧм йӧра яй пӧсь картупельӧн, а юны вайӧй турипувъя тусьва, морс. Висьталӧй, кутшӧм винаяс миянлы верманныд вӧзйыны? — юасьӧ Мишӧ.

— Талун вӧзъям сыктывкарса ассьыным курыдторъяс «Зарни ёль» биава, «Олӧм вын» бальзам, «Тагъя сур», болгарияса да испанияса кос винаяс. Онӧ кӧ юӧй винасӧ, вӧзъям «Миян ва» изва. Мый босьтанныд юны? — юалӧ официант.

— Сьӧлӧм вылӧ воӧ «Зарни ёль» биава, вайӧй кыксё грамм да тшӧтш турипувъя тусьва. Копей ни тшай ог ю.

Рыт помланьыс нин официант вайис гозъялы тшӧт: сюрс сизимсё ветымын сизим шайт кӧкъямысдас нёль ур.

Юалӧмъяс Вопросы

1) Мый кӧсйӧ сёйны да юны Миш? 2) Мый корӧ сёйны да юны Аня? 3) Мый вӧзйӧ юны официантыс? 4) Уна-ӧ сьӧм мынтасны гозъя?

гозъя ʻсупружеская пара’

чими ʻсёмга’

пельӧс ʻугол’

сьӧла ʻрябчик’

шылад ʻмузыка’

пражитӧм ʻжареный’

пуксьӧдны ʻусадить’

тусьва ʻморс’

чолӧмавны ʻприветствовать’

курыдтор ʻкрепкий алкогольный напиток’

уджтас ʻпрограмма’

биава ʻводка’

кӧр яй ʻоленина’

изва ʻминеральная вода’

дышӧдны ʻнадоедать’

копей ʻкофе’

МЕДВОДДЗА КОМИ КЫВБУРАЛЫСЬ

Тайӧ висьтыс медводдза коми поэт, коми литературалы подув пуктысь йылысь, Иван Куратов йылысь.

Иван Алексеевич Куратов чужис сюрс кӧкъямыссё комын ӧкмысӧд вося сора тӧлысь дас кӧкъямысӧд лунӧ Сыктыв вожса Кебра сиктын дяк котырын. Ай-мамыс сылӧн тшӧтш му вӧдитісны, гортса пемӧс видзисны. Айыс куліс водз, сэки зонкалы вӧлі сӧмын квайт арӧс. Мамыс зэв ёна радейтіс челядьсӧ да ставсӧ найӧс бура велӧдіс. Ичӧтсяньыс Иван Куратов ёна лыддьысис, велӧдчис гижны. Сюрс кӧкъямыссё ветымынӧд воын зонка да сылӧн мамыс подӧн, вӧлӧн да пыжӧн Сыктыв да Эжва юяс пӧлӧн мунісны Яренскӧдз. Сэні том зонка заводитіс велӧдчыны бурсаын, а сэсся бурсасӧ помалӧм бӧрын вуджис Вӧлӧгдаӧ, семинарияӧ. Сэні сійӧ лыддьӧ уна небӧг, велӧдӧ латынь, грек да немеч кывъяс да, дерт жӧ, чужан коми кывсӧ. Вӧлӧгдаын нин том морт гижӧ ассьыс медводдза кывбуръяссӧ комиӧн, Перымса Степанлӧн анбурӧн, аслыссикас шыпасъясӧн. Семинария помалӧм бӧрын Иван Куратовысь поп эз пет, а петіс велӧдысь. Сюрс кӧкъямыссё квайтымын ӧтиӧд вося тулысын сійӧ воӧ Сыктывкарӧ (важ роч нимнас кӧ Усть-Сысольскӧ) да нёль во чӧж велӧдӧ челядьӧс. Тайӧ кадӧн кывбуралысь гижӧ ассьыс медся тӧдчана кывбуръяссӧ, кӧсйӧ велӧдны зонкаясӧс да нывкаясӧс комиӧн. Но карса веськӧдлысьяс эз лэдзны тайӧс вӧчны, найӧ эз радейтны вежӧра том коми интеллигентӧс. Сюрс кӧкъямыссё квайтымын витӧд воын том морт мунӧ чужан муысь Казаньӧ, а сэсся сэтысь Шӧр Азияӧ. Сэні сійӧ уджаліс аудиторӧн (юристӧн), век дорйис сэтчӧс войтыръясӧс (киргизъясӧс да казахъясӧс) сарса власьтӧн увтыртӧмысь. Медбӧръя олан вояс чӧжыс сійӧ ёна висис да кувсис Вернӧй карын (ӧні Алма-Ата) сюрс кӧкъямыссё сизимдас витӧд воын.

Иван Алексеевич Куратов пӧся радейтіс ассьыс Коми мусӧ да чужан кывсӧ, пармасӧ, коми войтырӧс. Чужан муӧн, чужан кывйӧн сійӧ и оліс. Кывбуралысь ӧти кывбурын гижӧ: «Корсям сьыланкыв ас шӧрысь, ас му-ва вылысь, ас вӧрысь, асланым гӧль сиктъясысь юасигӧн ныв-зонлысь...». Дас ӧкмысӧд нэмын Иван Куратов лоис коми литературалы подув пуктысьӧн, медводдза коми гижысьӧн — ыджыд енбиа кывбуралысьӧн, Коми муӧс сьылысьӧн.

Юалӧмъяс Вопросы

1) Кор да кӧні чужис Иван Куратов?

2) Кӧні сійӧ велӧдчис?

3) Кутшӧм кывъяс тӧдіс поэт?

4) Кодӧс дорйис И. А. Куратов Шӧр Азияын?

5) Мый медся ёна радейтіс поэт?

6) Кор да кӧні сійӧ куліс?

подув пуктысь ʻосновоположник’

тӧдчана ʻважный’

дяк котыр ʻсемья дьяка’

век ʻвсегда’

му вӧдитны ʻобрабатывать землю’

дорйыны ʻзащищать’

гортса пемӧс ʻдомашнее животное’

увтыртӧм ʻугнетение’

подӧн ʻпешком’

корсьны ʻискать’

пыж ʻлодка’

ас шӧрысь ʻу себя, в среде своего народа’

кывбур ʻстихотворение’

гӧль ʻбедный’

анбур ʻазбука’

енбиа ʻталантливый’

шыпас ʻбуква’

сьылысь ʻпевец’

Иван Куратов

КОМИ КЫВ

Коми кыв, ме тӧда,

Ыджыдтор оз шу на,

Тӧда ме и сійӧ —

Оз и сӧр на уна.

Тайӧ кыв мем дона,

Небыд, мича, гора —

Вунӧдас ен мыжӧс,

Кодыр сійӧн кора!

Тайӧ муса кылӧн

Чой-вок сёрнитӧны,

Тайӧ кылӧн меным

Ай-мам бур сиӧны!

Тайӧ кывлысь мичсӧ

Сьӧлӧмӧн ме кылі —

И ме медводз сыӧн

Ньӧжйӧника сьылі...

Тайӧ кылӧн мукӧд

Гораджыка сьылас —

Сё кызь сюрс пель сэки

Уна буртор кылас!

                                  1857-ӧд во

тӧдны ʻзнать’

ыджыдтор ʻнечто большое, важное’

на ʻещё’

сӧрны ʻболтать, говорить пустое’

мем = меным

небыд ʻмягкий’

гора ʻгромкий’

вунӧдны мыж ʻпростить грех’

кодыр = кор

корны ʻпросить, умолять’

муса ʻмилый’

чой-вок ʻсёстры и братья’

ай-мам ʻродители’

бур сины ʻжелать добра’

мич ʻкраса’

кывны ʻчувствовать’

медводз ʻпервый’

ньӧжйӧника в значении ʻтихонько’

мукӧд ʻдругой, другие’

гораджыка ʻгромче’

...пель ʻухо в значении ʻчеловек’

буртор ʻдоброе, хорошее’

Уджъяс Упражнения

1 удж. Напишите словарный диктант, приведите коми параллели следующим словам:

Житель Коми земли, преподаватель СГУ, ученик средней школы, охотник, ученик, шахтёр, певец, писатель, больной, жизнь, болезнь, любовь, знакомство, время отдыха, рабочий день, день рождения, сезон охоты, заходить в дом, выходить из избы, есть ложкой, писать карандашом.

2 удж. Выучите наизусть стихотворение И. А. Куратова «Коми кыв».

3 удж. Вставьте в пропуски местоимения и существительные в правильных формах винительного падежа.

1) Ми радейтам ............, мамӧ! (тэ)

2) Аски ............ корӧны шойччан рыт вылӧ клубӧ (ми). 3) Колегов ёрт, ............... виччысьӧны тіян тӧдсаяс касса дорын (ті).

4) Кутшӧм коми философъяс..... ті тӧданныд?

5) Ми тӧдам Калистрат Жаков....., Питирим Сорокин...... .

6) Кутшӧм гортса пемӧсъяс... ті видзанныд?

7) Ми видзам кык порсь....., кань..... да пон..... .

8) Вай пызан вылысь эсійӧ нянь..... .

9) Света тӧрыт кынтіс ассьыс голя..... .

4 удж. Впишите в пропущенные места необходимые по смыслу личные местоимения в винительном падеже.

1) – Миян эм кык порсьпи да ӧти каньпи. Ми ёна радейтам ...............

2) Аски рытнас Веня оз ло гортас. Ёртыс корис ........... нимлун сёйны.

3) Миян университетын уна велӧдысь. Найӧ велӧдӧны ............... .

4) Аня сувтӧ да шуӧ: «Дона гӧсьтъяс, кора ............... сёйны-юны да гажӧдчыны».

5) Оля – ай-мамтӧм нывка, олӧ тьӧтыс ордын. Тьӧтыс радейтӧ ............... ассьыс нылӧс моз.

6) – Ог тӧд мыйла, но Ваня ёртӧй оз радейт ..............., кӧть ме пӧся радейта ............... .

7) – Алё, видза оланныд! Вася да Коля гортаныдӧсь? Позьӧ кӧ, корӧй ............... кыкнаннысӧ телепон дорӧ.

5 удж. Завершите предложения, употребив глаголы в настоящем времени и личные местоимения в правильных формах винительного падежа.

1) Толялӧн эм «Лада» машина. Толя тшӧкыда (мыськавны) ............... .

2) Колялӧн эм вит арӧса Ивӧ ичӧт вок. Колялӧн ёртъясыс (радейтны) ............... .

3) Тайӧ миян велӧдысьным. Ми (пыдди пуктыны) ............... .

4) Зонкалӧн висьӧны пиньясыс. Ӧні жӧ (ковны бурдӧдны) ............... .

5) Анатолий Ракинлӧн петӧма выль небӧг. Ме (кӧсйыны видзӧдлыны) ................................................. .

6) Ми дасьтам выль спектак. Аски йӧзыс (локны видзӧдны) ........................................ .

6 удж. Правильно употребите данные ниже словосочетания в формах винительного падежа определённо-притяжательного склонения в предложениях по смыслу.

1) Велӧдысь шуӧ миянлы: «Восьтӧй ..............................!»

2) Кывзы, Ваня, тэ шуда морт, ме талун асыв аддзи улич вылысь ............... . На, босьт сійӧс.

3) Россияын уна мам шуӧ, огӧ пӧ сетӧй ............... служитны армияӧ.

4) Микол пӧ ньӧбӧма выль машина. Но некод на эз аддзыв ............... .

5) Касев гозъялӧн быдмӧ пи. Миян керкаын ставныс радейтӧны .............................. .

6) Иван Куратов да Илля Вась – ыджыд коми кывбуралысьяс. Унаысь лыддьывла ............... .

7) Кывзы, ме тэнӧ тӧда, унаысь аддзывлі. Сӧмын вот вунӧді ............. . (тэнад ним; асланыд небӧгъяс; налӧн кывбуръяс; сылӧн машина; налӧн пи; тэнад портманет; асланым пиян)

8 удж. Употребите существительные в правильных формах винительного падежа (или в нулевой, или в какой-либо суффиксальной).

Петыр да Маша мунісны видзӧдны сьпектак...... . Ворсӧм...... тай...… найӧ эз на видзӧдлыны. Театрын найӧ медводз юисны сьӧд копей......, сэсся ньӧбисны уджтасъяс...... . Контролёр видзӧд і с налысь билетъяс...... . Регыд ныла-зонма аддзисны налӧн группаса ёртъяс......, первой Валя...... да Рая......, сэсся Вась...... да Миш......, кодъяс гӧститӧдісны сэсся став ёрт...… кампетъясӧн. Залын нин том йӧз аддзисны артистъяс......, томъяс...... да пӧрысь....... . Видзӧдысьяс бура видзӧдісны артистъяслысь ворсӧм......, сьылӧм...... да йӧктӧм...... .

9 удж. Употребите существительные и местоимения с соответствующими формами винительного падежа (нулевой, -ӧс, -сӧ, -тӧ), согласно правилам.

1) – Кутшӧм сьылысь...... тэ радейтан кывзыны? – Дерт, жӧ Мадонна...... да Алсу...... .

2) Таво гожӧм, позьӧ шуны, вуджим став Россия...... велосипедъясӧн.

3) Рытнас кӧрт туй вокзал дорысь Оля аддзис Ваня...... Ассьыс Ваня ёрт...... Оля эз аддзыв нёль во.

4) Ми тӧдам Иван Куратов....... кыдзи коми литературалы подув пуктысь......

5) – Ёртъяс, вай бӧръям Иван Петрович...... асланым веськӧдлысьӧ.

6) Оліс-выліс ӧти генерал. Сійӧ тӧдліс аслас армиясьыс став салдат...... .

7) Медічӧт нывным сиктса велӧдысь, велӧдӧ нывкаяс...... да зонкаяс...... физикаӧ да уджӧ.

8) Талун ньӧби лавкаысь нянь чӧвпан......, кык сулея сур......, нӧк банка...... .

9) Став сикт......, важ керкаяс...... тупкис пемыд вой.

10) – Кывзы, Зина, ме ог тӧд тайӧ выль зон...... Став зон...... тӧда, а тайӧ...... ог тӧд.

11) Унаысь йӧзыс шулӧны: став сьӧм...... он нажӧвит.

12) – Кутшӧм политик...... тэ видзӧдны он вермы? – Ме синмӧн видзӧдны ог вермы, ог радейт Владимир Жириновский...... .

10 удж. Переведите на коми язык следующие предложения.

1.

1) Наши родители любят нас, а мы любим и уважаем их.

2) Позовите к телефону его.

3) Слушай, Андрей, тебя хочет видеть одна красивая девушка.

4) Мы просим принести на стол две тарелки супа, жареное мясо оленя, морс из клюквы и сто пятьдесят граммов красного сухого вина.

5) Мы знаем коми писателей 20-х годов: Виктора Савина, Василия Лыткина и Вениамина Чисталёва.

6) Наш дядя возле дома моет свою машину.

7) Наша задача — изучать коми язык.

2.

1) В детстве родители нас учили так: люби своих родителей, родственников и друзей, не обманывай никого, не делай зла, не воруй чужого имущества.

2) – Студенты, не забывайте свои книги и записи, слушайте хорошо преподавателя.

3) – Петя, сходи в магазин и купи две буханки чёрного хлеба, три килограмма картофеля, десять яиц, литр молока и триста граммов конфет «Чӧскыд коль».

4) – Пригласите завтра в школу на концерт детей ваших родителей и знакомых.

5) Я ещё не читал новую повесть Алексея Попова.

6) Вечерами Валя слушает музыку Моцарта, Чайковского и Баха.

7) Все хорошие родители любят своих детей, а дети – своих родителей.

8) Многие читатели читают и не понимают повестей коми писателя Петра Шахова.

9) При прощании коми говорят друг-другу «Став бурсӧ!». Слово бурсӧ стоит в винительном падеже.