2015: Видза олан, коми кыв! Урок 17

ДАС СИЗИМӦД ЮРПАС

СЕМНАДЦАТЫЙ УРОК

Взаимно-личные местоимения в коми языке. Склонение усилительно-личных местоимений. Выражение способов глагольного действия, глагольные суффиксы -ышт, -лывл(-ывл), -л, -ыв(ыл), -лы, -ав(ал) и их значения. Залоговые суффиксы -ӧд, -сь, -ч, -ась и их значения. Тексты и упражнения.

Ӧта-мӧда нимвежтасъяс Взаимно-личные местоимения

В коми языке есть особый разряд местоимений — взаимно-личные местоимения, обозначающие взаимность двух лиц: ӧта-мӧд ʻдруг с другом’; мӧда-мӧд ʻтж’. Характерно, что при склонении по падежам изменяется лишь второй их компонент -мӧд: ӧта-мӧдкӧд ʻдруг с другом’.

Примеры:

Матьвей серти евангелльӧысь, вежа небӧгысь, лыддям: «Радейтӧй ӧта-мӧднытӧ, тӧждысьӧй мӧда-мӧд вӧснаыд, энӧ виӧй ӧта-мӧднытӧ, энӧ гусялӧй нинӧм ӧта-мӧдныдлысь!»

Миян тӧдсаяс — Рочев гозъя. Найӧ ёна радейтӧны ӧта-мӧднысӧ, век отсалӧны мӧда-мӧднысыслы быдторйын.

– Локтӧй татчӧ, Люди да Петыр, сёрнитӧй, тӧдмасьӧй ӧта-мӧдныдкӧд.

быдторйын ʻво всём’

Нӧдкывъяс

Кык вок ӧта-мӧднысӧ некор оз аддзывны. ( Синъяс)

Кык вок пышйӧны, ӧта-мӧднысӧ оз кольны. ( Кокъяс)

Ныла-зонма видзӧдӧны ӧта-мӧд вылас, а матыстчыны оз вермыны. ( Джодж да йирк).

Тӧдчӧдан морта нимвежтасъяслӧн вежлӧгасьӧм Склонение усилительно-личных местоимений

Уже известные по предыдущим урокам усилительно-личные местоимения (ачым ʻя сам’, ачыд ʻты сам’, ачыс ʻон сам, она сама’, асьным ʻмы сами’, асьныд ʻвы сами’, асьныс ʻони сами’) изменяются по падежам, принимая своеобразные формы словоизменения. В родительном, дательном, притяжательном падежах притяжательный и падежный суффиксы слились. Поэтому рекомендуется запомнить формы падежей усилительно-личных местоимений в единой системе.

Примеры:

Ивӧлы аслыс уджыс ёна кажитчӧ.

– То миян юралысьным. Ассьыс ставсӧ юасьӧй!

Пӧрысь йӧз ӧткалунланыс корсюрӧ асьныс асьныскӧд сёрнитӧны.

Особенно часто усилительно-личные местоимения в формах различных падежей употребляются в пословицах.

Шусьӧгъяс

Аслад вуджӧрысь он пышйы.

ʻОт своей тени не убежишь’.

Ачыс аслыс лёксӧ некод оз вӧч.

Йӧзӧс видан, а аслыд сійӧс жӧ вӧчны оз позь.

Ме вылӧ видзӧд, да ассьыд уджтӧ эн личӧд.

Ачыд кӧ бур, и тэ дінӧ бурӧсь.

Асьтӧ ачыд эн ошкы, ошкыны кӧ — йӧз ошкас.

Китӧ йӧз вылас эн лэпты, аслыд сюрас.

лёк ʻзло’

видны ʻругать’

личӧдны ʻослаблять’

тэ дінӧ ʻк тебе’

ошкыны ʻхвалить’

лэптыны ʻподнимать’

Кадакыв керӧмлысь мунанног петкӧдлӧм Выражение способов глагольного действия

В коми языке глаголы не разделяются на пары совершенного и несовершенного видов. Однако в коми языке особыми глагольными суффиксами можно указывать на характер действия, способ протекания процесса. Основной способ выделения разновидностей действия — по количественному фактору. Наиболее часто употребляются следующие суффиксы способов глагольного действия: -ышт, -лывл/-ывл, -л/-ыл, -ав/-ал.

1) -ышт Суффикс присоединяется к корню глагола и образует глаголы со значением уменьшительности действия, действия малой меры или недолгой продолжительности:

овны ʻжить, быть’ → олыштны ʻнемного, недолго побыть’.

І переходная глагольная основа + -ышт = значение действия малой меры ʻделать что-то немного’.

Примеры:

сёйны ʻесть’ → сёйыштны ʻнемного поесть’

юны ʻпить’ → юыштны ʻнемного выпить’

ньӧбны ʻкупить’ → ньӧбыштны ʻнемного купить’

вӧчны ʻделать’ → вӧчыштны ʻнемного сделать, делать’

чукӧртны ʻсобрать’ → чукӧртыштны ʻсобрать немного’

ІІ непереходная основа + -ышт = значение действия недолгой продолжительности.

Примеры:

пукавны ʻсидеть’ → пукалыштны ʻнедолго посидеть’

ворсны ʻиграть’ → ворсыштны ʻнемного, недолго поиграть’

уджавны ʻработать’ → уджалыштны ʻнемного, недолго поработать’

гӧсьтитны ʻгостить’ → гӧсьтитыштны ʻнемного погостить’

сулавны ʻстоять’ → сулыштны, сулалыштны ʻнемного постоять’

Примеры:

— Лена, вайышт кампеттӧ! «Дай немного конфет!»

Асывнас нывкаяс сёйыштісны рок да кольк.

— Челядькӧд ворсыштӧй, зонъяс!

Киноӧдз Толя виччысьыштіс на ёртсӧ вит минут кымын.

Гортӧ колӧ ньӧбыштны няньтор да выйтор.

выйтор ʻмаслице’

Шмонь

(Зонпоснилӧн сёрниысь)

Куим арӧса Даньӧ шыӧдчӧ мам дорас:

— Ветлам вузасянінӧ, ньӧбам кампет!

— Огӧ, сьӧмыс абу, — вочавидзӧ зонкалы мамыс.

Даньӧ ышловзьӧ:

— Ковмас, сідзкӧ, кодкӧ ордӧ гӧститыштны ветлыны.

Шусьӧгъяс

Бур йӧз пӧвстын олыштан — тӧлкаджык лоан.

Коктӧ кӧ кӧтӧдан, и чуньтӧ нюлыштан. Соответствие: Без труда не выловишь рыбку из пруда.

нюлыштны ʻоблизнуть’

2) -лывл -ывл Присоединяясь к основе глагола, суффикс выражает значение регулярного многократного действия, повторяющегося неоднократно.

Примеры:

сьывны ʻпеть’ → сьывлывлыны ʻпеть много раз’

гижны ʻписать’ → гижлывлыны ʻписать многократно’

Гожӧмъяснас ай-мамным кывтлывлӧны пыжӧн да пурйӧн Коми муса юясӧд да тыясӧд.

Сыктывкарын ми став группаӧн тшӧкыда ветлывлам музейясӧ, филармонияӧ, театръясӧ.

Важӧн кресьтяна муяс вылас быдтывлісны ид, рудзӧг да неуна шобді.

Ичӧт дырйи чужан сиктын унаысь ворслывлім лясӧн, дзепӧн, исласьлывлім лызьӧн да даддьӧн.

дзеп ʻпрятки’

Шусьӧг

Сетӧмтор бӧр оз мырддьывлыны.

сетӧмтор ʻдареное, подарок’

3. -л -ыл/-ыв -лы В коми языке этот суффикс, присоединяясь к основе глагола, может выражать два основных значения: а) однократное действие и б) многократное, регулярно имеющее место действие.

а) Значение однократного действия в прошлом и будущем выражается глаголами в формах будущих и прошедших времён.

Примеры:

Тӧнлун школа бӧрын Кирӧ пыраліс ёртыс ордӧ.

ʻЗаходил один раз...’

Коми кывбуралысь Михаил Лебедев (Юсь) чужлӧма Межадор сиктын роч семъяын.

Аски рытнас тіян дорӧ воласны Германияысь студентъяс.

Нёбдінса Виттор том дырйиыс некымын во овлӧма Украинаын.

Колян во пӧльнымӧс корлісны миян школаӧ сёрнитны челядь водзын Сӧвет армияын служитӧм йылысь.

б) Многократное, регулярное действие в настоящем чаще всего выражается в глаголах настоящего времени.

Примеры:

Эжва дорса видзьяс быд во ойдлӧны.

Кебра (Куратово) сиктын гожӧмнас овлӧ Иван Куратовлы сиӧм поэзия гаж.

Арнас ай-мамным картупель босьтлӧны, тшак да вотӧс вотлӧны, тӧв кежлӧ дасьтысьлӧны.

ойдны ʻзатапливаться’

сиӧм ʻпосвящённый’

Часто значение многократности действия глаголу придают наречия унаысь ʻмного раз’, тшӧкыда ʻчасто’, пыр, век ʻвсегда, постоянно’.

Виктор Савин йӧзыслы унаысь ачыс сигудӧкӧн ворслӧма.

Школаын тшӧкыда челядь ӧта-мӧдныслы лыддьылӧны кывбуръяс.

Гым да зэр век асьныс волӧны, некод найӧс оз корлы.

Шусьӧгъяс

Найӧ коркӧ паньӧн вежсьылӧмаӧсь. (Повод ходить друг к другу).

Мыйӧн локтін, сійӧн и мунан; мый вайлін, сійӧс и нуан.

4) -ав (-ал) Суффикс имеет широкое значение, он выражает немгновенное действие, которое осуществляют или много субъектов, или которое переходит на многие предметы, или идёт по многим направлениям.

Примеры:

лэбны ʻлететь’ → лэбавны ʻлетать’

гижны ʻписать’ → гижавны ʻписать многим или долго’

мунны ʻидти’ → мунавны ʻидти (по многим направлениям)’

котӧртны ʻбежать’ → котравны ʻбегать, заниматься бегом’

Аски миянлы кутасны сетавны выль велӧдчан небӧгъяс.

Школаын некод нин абу, ставныс муналісны гортаныс.

— Вася, чышкав буссӧ ӧшиньясысь да серпаскуд (телевизор) вылысь! — корӧ мамыс.

Шусьӧг

Мыжалӧн кыв помыс петалӧ. Соответствие: На воре шапка горит.

мыжа ʻвиноватый’

Кадакывлӧн сёрнивизьяс Залоги глагола

В коми языке нет страдательного залога, такого как в русском языке. Наиболее явно различаются у коми глагола действительный, понудительный и возвратный залоги. Действительный залог не имеет специальных показателей. Однако часто встречаются в коми языке понудительные глаголы с суффиксом -ӧд, которые обозначают понуждение что-то делать через кого-то, какое-то лицо.

-ӧд

вурны ʻшить’ → вурӧдны ʻсшить что-то посредством кого-то’

гижны ʻписать’ → гижӧдны ʻзаставить кого-то писать’

вӧчны ʻделать’ → вӧчӧдны ʻсделать что-то через кого-то’

Примеры:

Ваня паськӧм вуранінын вурӧдӧма аслыс выль пальто.

ʻВаня в ателье сшил, дал заказ шить себе новое пальто’.

Талун гижӧдӧны школаын донъялан удж.

Айӧйлы колӧ быть выль пинь вомас пуктӧдны.

Пывсянын би кусіс, аски колӧ кужысь йӧзӧн ставсӧ вӧчӧдны.

Том салдатъясӧс армияас пӧ ёна уджӧдӧны, а сьӧмсӧ пӧ налы оз мынтыны.

би ʻэлектричество’

Шусьӧг

Йӧзӧс кӧ бӧрддзӧдан, аслыд ковмас бӧрдны.

бӧрддзӧдны ʻзаставить плакать’

Однако у многих глаголов понудительное значение исчезло, и суффикс -ӧд стал выражать просто переходность действия на прямой объект, например: тшыкӧдны ʻиспортить’, пӧрӧдны ʻвалить, повалить’, мӧдӧдны ʻотправить’, лӧсьӧдны ʻустроить, составить’, орӧдны ʻоторвать’, вунӧдны ʻзабывать’.

Бергӧдчан рефлексив Возвратный залог (-сь -ч -ась -ысь):

Глаголы возвратного залога обозначают действие, которое не переходит на прямой объект, замыкается на субъекте действия или переходит на самого производителя действия.

Примеры:

мыськыны ʻмыть’ → мыссьыны ʻумываться, умывать себя’

велӧдны ʻучить’ → велӧдчыны ʻучиться’

шырны ʻстричь’ → шырсьыны ʻстричься’

гижны ʻписать’ → гижсьыны ʻподписываться’

В коми языке суффикс -ась часто образует возвратные глаголы от существительных, например:

шапка → шапкаасьны ʻнадевать шапку на себя’

сапӧг → сапӧгасьны ʻнадевать сапоги на себя’

джинсы → джинсыасьны ʻнадевать джинсы на себя’

кроссовки → кроссовкиасьны ʻнадевать кроссовки на свои ноги’

паськӧм ʻодежда’ → пасьтасьны ʻодеваться’

кӧм ʻобувь’ → кӧмасьны ʻобуваться’

гӧтыр ʻжена’ → гӧтрасьны ʻжениться’

Часто суффиксы -сь, -ась обозначают постоянное действие, занятие человека.

Примеры:

пусьыны ʻзаниматься варкой’

пусьысь пусьӧ,

кыйсьыны ʻзаниматься охотой’

вӧралысь кыйсьӧ,

увтчыны ʻлаять’

понъяс увтчӧны.

куритчыны ʻкурить’

Некодлы оз ков куритчыны!

Лыддянторъяс

Шусьӧгъяс 

Збыльторсьыд он дзебсьы.

Кос пес сорнад и уль пес ломтысьӧ.

Лов вылад кӧ кокни, узьсьӧ чӧскыда.

Ӧти керйыд пыр оз сотчы.

Ов да выв да век велӧдчы.

дзебсьыны ʻспрятаться’

ломтысьны ʻтопиться’

лов ʻдуша’

кер ʻбревно’

век ʻпостоянно’

Коми фольклорысь

ВЕЖСЬӦМ

Олісны-вылісны эня-пиа. Налӧн вӧлі зэв бур вӧв. Пиыс муніс гуляйтны. Локтас да шуӧ:

— Мамӧй, мамӧй,

Вӧвтӧ ӧд мӧскӧн вежи.

— Бур, бур, пиӧй,

Йӧвтортӧ сёйыштам.

— Мамӧй, мамӧй,

Мӧстӧ ӧд порсьӧн вежи.

— Бур, бур, пиӧй,

Яйтортӧ сёйыштам.

— Мамӧй, мамӧй,

Порсьтӧ ӧд ыжӧн вежи.

— Бур, бур пиӧй,

Вурунтӧ шырыштам.

— Мамӧй, мамӧй,

Ыжтӧ ӧд понйӧн вежи.

— Бур, бур, пиӧй,

Поннад уртӧ кыйыштам,

Уртӧ базарын вузалам.

— Мамӧй, мамӧй,

Понтӧ ӧд каньӧн вежи.

— Бур, бур, пиӧй,

Каньыд шыртӧ кыйыштас,

Керка пельӧстӧ оз розьӧд.

— Мамӧй, мамӧй,

Каньтӧ ӧд чипанӧн вежи.

— Бур, бур, пиӧй,

Кольктортӧ сёйыштам.

— Мамӧй, мамӧй,

Чипантӧ ӧд зудйӧн вежи.

— Бур, бур, пиӧй,

Сійӧн косатӧ кеслам,

Турунсӧ ытшкыштам.

— Мамӧй, мамӧй,

Ме ты дорӧ лэччи,

Пӧткаяс пукалӧны,

Ме зуднас лыйи:

Пӧткаяс лэбзисны —

А зудйыс вӧйи.

эня-пиа ʻмать с сыном’

вежны ʻобменять’

вӧв ʻлошадь’

йӧвтор ʻмолочко’

мӧс ʻкорова’

порсь ʻсвинья’

яйтор ʻмясцо’

сёйыштны ʻпокушать’

ыж ʻовца’

вурун ʻшерсть’

пиӧй ʻсын мой’

шырны ʻстричь’

пон ʻсобака’

мамӧй ʻмама моя’

ур ʻбелка’

кыйны ʻпоймать’

вузавны ʻпродать’

кань ʻкошка’

шыр ʻмышь’

керка пельӧс ʻугол дома’

розьӧдны ʻпродырявить’

чипан ʻкурица’

кольктор ʻяичко’

зуд ʻточильный брусок, оселок’

кеслыны ʻточить’

турун ʻтрава’

ытшкыны ʻкосить’

ты ʻозеро’

пӧтка ʻдичь’

лыйны ʻбросить’

лэбзьыны ʻулетать’

вӧйны ʻтонуть’

НЁБДІНСА ВИТТОР. КОДІ СІЙӦ?

Виктор Савин овліс кыпыд кадӧ, кырымасьліс ачыс аслас гижӧдъяс улас Нёбдінса Виттор сайнимӧн. Коми гижысьыс чужлӧма Эжва вожса Нёбдін сиктын гӧль кресьтянин котырын сюрс кӧкъямыссё кӧкъямысдас кӧкъямысӧд вося вӧльгым тӧлысь кызь ӧтиӧд лунӧ. Ачыс гижӧ аслас олӧм йывсьыс «Чужи-быдми сьӧд вӧр шӧрын» нима кывбурын тадзи: «Муртса сувті ас кок йылӧ, удж пыр меным вичмис: зыбка дорын ӧввӧ сьывны, ичӧт кага видзны...». Сэсся том морт велӧдчылӧма Нёбдін да Дереваннӧй сиктса школаясын. Писарӧн уджалыштӧм бӧрын Витторыс пес керавлӧма издорса (уралса) заводъясын, а сэсся кӧкъямыс во чӧж овлӧма Украинаын. Сэні жӧ гӧтрасьлӧма. Украинаас сійӧ унаысь кывлывлӧма да ачыс сьывлывлӧма украинаса сьыланъяс, сэні жӧ сылӧн чужлӧма кӧсйӧмыс аслыс гижны кывбуръяс да сьыланкывъяслы шылад.

1917-ӧд вося Октябрса революция вермӧм бӧрын Виттор век овлӧма Сыктывкарын, уджавлӧма зэв уналаын, медся дырсӧ «Югыд туй» газетын редакторавлӧма. Кызьӧд-комынӧд вояс чӧж Нёбдінса Виттор ним улын петавлӧмаӧсь кывбуръяс, ворсӧмъяс, поэмаяс. Кыбуралысьлысь уна сьыланкыв ёна радейтӧны сьывлывлыны тшӧтш ӧні: «Ӧтчыд овлӧ», «Югыд кодзув», «Тутуруту Семӧ», «Гыа ва вылын кыйсьӧм». Унаысь кывбуралысь ачыс ворслывлӧма театрын, сигудӧкӧн гажӧдлывлӧма йӧзӧс, котыртлывлӧма «Коми рытъяс». Витторыс вӧвлӧма зэв ыджыд енбиа морт: гижлӧма зэв унатор, шылад тэчлӧма, котыртӧма медводдза коми театр. Театр нимыс тшӧтш вӧлӧма коми — Сыкомтевчук, гӧгӧрвоӧдлӧмаӧсь нимсӧ кыдзи Сыктывкарса коми театрын ворсан чукӧр.

Нёбдінса Виттор лои медводдза коми гижысьясысь ӧти, медводдза драматург да шылад тэчысь. Но кулӧма 1943-ӧд воын енбиа кывбуралысьыс абу гортас, а ылі Сибирын, Томск обласьтын: 30-ӧд воясын, Сталин кадӧ, сійӧс мыжтӧг пуксьӧдлӧмаӧсь дзескыдінӧ, кыдзи и уна мукӧдӧс сэки. Ӧні сылысь нимсӧ сетӧма Кырулысь ӧти уличлы да Коми республикаса драма театрлы. Сійӧс казьтылана мыгӧрыс ӧні сулалӧ буретш драма театр водзын.

кыпыд ʻрадостный, вдохновенный’

сигудӧк ʻмузыкальный инструмент’

кырымасьны ʻподписываться’

котыртны ʻорганизовывать’

вичмыны ʻдоставаться’

гӧгӧрвоӧдны ʻобъяснять, толковать’

писар ʻписарь’

ӧввӧ ʻколыбельная’

сьылан = сьыланкыв ʻпесня’

кӧсйӧм ʻжелание’

уналаын ʻво многих местах’

шылад тэчысь ʻкомпозитор’

мыжтӧг ʻневинно’

дзескыдін ʻтюрьма’

казьтылана мыгӧр ʻпамятник’

Кырув ʻрайон г. Сыктывкара’

Нёбдінса Виттор (Виктор Савин)

СЬӦЛӦМ СЬЫЛӦМ

Унаысь ме сьывлывлі,

Йӧзсянь «аттьӧ!» кывлывлі;

Пӧлянӧн моз чипсася,

Йӧз сьӧлӧмӧ чуксася

Коми сьыланкывйӧн.

Менам сэтшӧм оланног:

Овлӧ гажа, овлӧ шог.

Гажа дырйи — ворсышта

Гаж кӧ бырӧ — шогсьышта.

Коми сьыланкывйӧн.

Кывзӧ, бур йӧз, сьылӧмсӧ,

Став олӧмсӧ-вылӧмсӧ;

Олӧ пыр бур сьӧлӧмӧн –

Нэм коллялӧ сьылӧмӧн

Коми сьыланкывйӧн!

унаысь ʻмного раз’

кывны ʻслышать’

пӧлян ʻдудочка’

чуксасьны ʻокликать’

оланног ʻобраз жизни’

шог ʻгрустно’

дырйи ʻво время’

шогсьыны ʻпечалиться’

сьылӧм ʻпение’

олӧм-вылӧм ʻжизнь’

пыр ʻвсегда’

нэм коллявны ʻпрожить жизнь’

сьылӧмӧн ʻраспевая песни’

Юалӧмъяс.

1) Кӧні да кор чужлӧма Виктор Савин?

2) Кутшӧм мӧд нимӧн сійӧ гижсьылӧма аслас гижӧдъяс улас?

3) Кӧні сійӧ велӧдчывлӧма, уджавлӧма, овлӧма?

4) Кӧні Нёбдінса Витторлӧн чужӧма кӧсйӧмыс гижны аслыс?

5) Мый гижлӧма кывбуралысь?

6) Кӧні кувсьӧма тайӧ енбиа гижысьыс?

7) Мый нимтӧма поэт нимӧн Сыктывкарын?

8) Кор да кӧні кувсьӧма кывбуралысь?

Уджъяс Упражнения

1 удж. Употребите в пропусках взаимно-личные местоимения в необходимом падеже.

1) Валя да Васьӧ ёна радейтӧны ӧта-мӧд.......... .

2) – Тӧдмасьӧй, ёртъяс, мӧда-мӧдныд........... .

3) – Энӧ полӧй, тіянлы оз ло гажтӧм ӧта-мӧд.......... .

4) Школа помалӧм бӧрын нывёртъяс дыр на гижасисны ӧта-мӧдныс....... .

2 удж. Проспрягайте по падежам усилительно-личные местоимения ачым, асьным, ачыд, асьныд, асьныс, ачыс.

3 удж. Перепишите предложения, присоединяя к корню глагола суффиксы способов глагольного действия -ышт, -лывл, -л, -лы и личные окончания, по смыслу предложений (в прошедших временах).

1) Ичӧт дырйи ми тшӧкыда чери ............... юысь.

2) Челядь тшыгӧсь, ӧд найӧ асывнас сӧмын неуна ............... .

3) Талун асыв ёна зэрис, ме ачым сэки ӧтчыд ывлаӧ ............... .

4) Колян во ми тшӧкыда урокъяс бӧрын гажаа ............... да ............... .

5) Иван Куратов XІX нэмын медводдзаысь ............... комиӧн кывбуръяс.

6) Асывнас велӧдчысьяс неуна, вит минут виччысь ............... велӧдысьӧс.

(виччысьны; кыйны; сьывны да йӧктыны; петны; гижны; сёйны)

4 удж. Употребите глаголы с необходимыми суффиксами способов глагольного действия -ышт, -лывл, -л, -лы, -ал или в настоящем, или в прошедших временах, по смыслу (основы глаголов даны в скобках).

1) Гожӧмъясын Попов Миш век ............... Крымын либӧ Турцияын (шойччы-ны).

2) Тӧрыт ми Олегкӧд зэв недыр ............... «Дзоридз» кафеын (пукав-ны).

3) Ме эг и тӧдлы, а тӧрыт луннас вӧлӧмкӧ сьӧм ............... йӧзыслы (сет-ны).

4) – Кӧні бурджык сёйны. – Ми тай век ............... университетса сёянінын (сёй-ны).

5) Сыктывкарсаысь унаӧнт тшӧкыда ............... «ЦУМ» универмагысь (ньӧбась-ны).

6) – Кӧні тэ вӧлін? — Мишакӧд недыр ..............., сэсся важ тӧдсакӧд кык минут сӧмын ............... (куритчы-ны; сёрнит-ны).

7) – Тэ тӧдан он Евгений Козлов кывбуралысьӧс? – Да, неуна ..............., сійӧ ӧтчыдысь ............... миян школаӧ (тӧд-ны; во-ны).

8) – Дыр-ӧ на ті тӧрыт пукалід? – Эг дыр. Гажтӧм лои да ми ставӧн ............... гортъясӧ (мун-ны).

9) Аддзывла, ӧні и аньяс тшӧтш вина ............... да табак ............... (ю-ны; курит-ны).

5 удж. Употребите глаголы с правильными залоговыми суффиксами -сь/-ч/-ась или -ӧд, исходя из содержания предложений.

1) – Мый важӧн тӧвъяснас вӧчлывлісны коми аньяс? – Найӧ кузь рытъясӧ ............... (кыны), ............... (вурны), ............... (дӧмны).

2) – Аня, тэ шаньга-пирӧгсӧ пӧжавны кужан он? – Ог, менам пӧрысь мамӧй зэв бура век ............... (пӧжавны) да ............... (пуны).

3) Некутшӧм гач ни косьтюм ме вылӧ оз лӧсяв. Ковмас найӧс быть ............... (вурны) ӧти паськӧм вуранінын.

4) Велӧдысь велӧдӧ челядьӧс, а ныв-зон ............... (велӧдны).

5) – Ваня, кадыс абу нин, а ичӧт Анукным век на пасьтӧм. Ӧдйӧ вай сійӧс ............... (пасьтавны) да ............... (кӧмавны). Сійӧ ачыс оз на куж ............... (пасьтавны) ни ............... (кӧмавны), ............... (сапӧгавны) ни ............... (шапкаавны).

6) Асывъяснас том йӧзлы чӧскыда ............... (узьны), налы абу окота водз чеччыны.

7) – Менам воддза пиньяс абуӧсь нин. Сьӧмӧс таво чӧжа да найӧс ............... (пуктыны).

6 удж. Переведите на коми язык предложения, употребляя глаголы с суффиксами способов глагольного действия -ышт, -лывл, -л, -лы, -ав(ал).

На прошлой неделе многократно шёл дождь. На этой неделе погода немного улучшилась, чуть потеплело. Вчера я с моим отцом были (один раз) в лесу. Мы обули сапоги, оделись, надели шапки и вышли из дома. Отец заходил (один раз) за своим товарищем, его мы ещё недолго подождали около дома. У мужчин были ружья, они начали в лесу охотиться. В лесу мы регулярно кричали друг-другу «Ау-у!». Затем мы устали немного, посидели недолго у костра, потом немного поели и пошли домой. Так мы часто отдыхаем друг с другом вместе, охотничаем или часто ловим рыбу на реке.

Коми люди часто говорят «Олас» или «Олас-олас». Что оно выражает? Это слово – глагол 3 лица единственного числа в первом будущем времени от овны «жить». Прямое значение его «будет жить», но в речи означает другое: «годится», «подходит» или «достаточно, хватит».