Тима Вень (Вениамин Чисталёв)
МЕНАМ КЫВЪЯСӦЙ
Менам кывъясӧй тайӧ – виртусьяс;
Менам гижӧдъяс – менам синваяс;
Кыпыд сьӧлӧма оландыръясӧй.
Менам ставыс сэн – гижӧд-висьтъясас.
Тайӧ кывъясас – войвыв дзоридзьяс,
Кыла ачымӧс сійӧ шыяссьыс:
Сьӧлӧм дойясӧс, мича муслунӧс,
Небыд, нормана сьӧлӧм вӧрзьӧдӧс...
Сідз морӧсад ставыс чукӧрмас,
Мыйӧн пасйыштан, вӧлисьт личмунлас.
Кывзышт, лыддьысьӧй, чӧскыд кӧръяссӧ:
Абу прӧста сідз найӧс лӧдӧма,
Сэтчӧ пуктӧма мый меддонаыс.
виртусь ʻкровинка’
синва ʻслезинка’
оландыр ʻпериод жизни’
сэн = сэні
войвыв ʻсеверный’
шы ʻзвук’
дой ʻрана’
нормана ʻпечальный’
чукӧрмыны ʻкопиться’
вӧлисьт ʻлишь затем’
кӧр ʻзапах’
лӧдӧма ʻнагружено’
пуктӧма ʻвложено’
