Юсь (Михаил Лебедев)
САМӦВАР
Выль самӧвар
Трубасьысь лэдзӧ пар,
Зэв яра варгӧ-пуӧ
Да пызан вылӧ кыпӧдчӧмӧн шуӧ:
«Ак, кутшӧм мича менам чужӧмбан!
Ме тан
Став мукӧд пӧлӧс дозмукъясысь дона!
Ӧд быдӧн вермас гӧгӧрвоны,
Мый кӧн ме югъяла да пуа-варга тадз,
Сэк позяс шыбитны став гырнич, пӧрт да рач!»
Тшап самӧварлы вочавидзис
Сьӧд чугун пӧрт:
«Ме шензя, мыйла ошйысян тэ сідзи.
Тэ мича, дерт,
Но пузьӧдны куш васӧ сӧмын верман,
А ковмылас кӧ пуны шыд да рок,
Тэ дзик пыр йӧрман
Да шогмытӧмӧн лоан гӧгӧрбок.
Быд дозмуклӧн эм аслас удж да мог!»
юсь ʻлебедь’
яра ʻяростно’
выль ʻновый’
лэдзны ʻпускать’
варгыны-пуны ʻкипеть с шумом’
кыпӧдчыны ʻподняться’
чужӧмбан ʻлицо’
тан = тані
дозмук ʻпосуда’
быдӧн ʻкаждый’
югъявны ʻсиять’
рач ʻсковородка’
гырнич ʻгоршок’
пӧрт ʻкотёл’
ошйысьны ʻхвалиться’
дерт ʻконечно’
куш ʻтолько’
ковмыны ʻбыть необходимым’
йӧрмыны ʻпропадать’
шогмытӧм ʻнегодный’
мог ʻпредназначеньи’
