2015: Видза олан, коми кыв! Ак, радейтӧ, радейтӧ шондісӧ дзоридз

 

Александр Мальцев

* * *

 

Ак, радейтӧ, радейтӧ шондісӧ дзоридз:

Сӧдз синваӧн асывсӧ виччысьӧ пыр,

Лӧз енэжас видзӧдӧ рытъяснас сёрӧдз,

Скӧнь медбӧръя югӧрыс кытчӧдз оз быр.

 

О, радейтӧм, радейтӧм, –

Морт нимӧс шонтысь,

Тэ кусан кӧ, кусас и кӧдзалас лов.

Сідз:

Битӧгыс пачыс, кӧть пес эм, оз ломтысь;

Сідз: сынӧдтӧг весиг и кельчи оз ов.

 

шонді шонді ʻсолнце’

сӧдз сӧдз ʻпрозрачный’

сёрӧдз сёрӧдз ʻдопоздна’

 скӧнь скӧнь ʻсовсем’

радейтӧм радейтӧм ʻлюбовь’

шонтыны шонтыны ʻгреть’

кӧдзавны кӧдзавны ʻохладеть’

сідз сідз ʻитак’

ломтысьны ломтысьны ʻтопиться’

кельчи кельчи ʻплотва’