2015: Видза олан, коми кыв! Йӧра

Геннадий Юшков

ЙӦРА

Кузь кока, сизим вожа сюра, –

Пу костӧд аддза сійӧс бура.

И сійӧ бура менӧ аддзис,

Но пелысь гӧгӧр ветліс надзӧн.

Том небыд йывсӧ сёйис чӧла.

А менам ӧтка пуля вӧлі.

Но ме эг лый, кӧть верми эськӧ.

А сійӧ менам бурӧ эскис.

йӧра ʻлось’

кузь кок ʻдлинноногий’

вожа ʻс ответвлениями’

сюра ʻрогатый’

пу костӧд ʻсквозь деревья’

аддзыны ʻвидеть’

пелысь ʻрябина’

надзӧн ʻмедленно’

йыв ʻверхушка (дерева)’

чӧла ʻмолча’

ӧтка ʻединственный’

лыйны ʻстрелять’

бурӧ эскыны ʻверить в доброту’