2015: Видза олан, коми кыв! Тэнӧ зарниӧн кӧ шуа

Петыр Саньӧ (Александра Мишарина)

ТЭНӦ ЗАРНИӦН КӦ ШУА

Тэнӧ зарниӧн кӧ шуа,

Мыйла зарниыс нӧ меным?

Тэнӧ мичаӧн кӧ шуа,

Он ло мичаӧн тэ нэмыд.

Тэнӧ донаӧн кӧ шуа,

Ог куж висьтавны и донтӧ,

Тэнӧ мусаӧн кӧ шуа,

Тайӧ кывйыс менӧ шонтӧ.

Муса кӧ нин, сідзкӧ, мича,

Радейта кӧ, сідзкӧ, дона.

Коді уна зарни видзӧ,

Сы дорысь ме озыр ёна.

зарни ʻзолото’

мыйла ʻзачем’

шуны ʻназвать’

нэмыд ʻникогда’

дона ʻдорогой’

дон ʻцена’

муса ʻлюбимый’

шонтыны ʻгреть’

сідзкӧ ʻзначит’

радейтны ʻлюбить’

видзӧ ʻимеет’

сы дорысь ʻпо сравнению с ним’