2015: Видза олан, коми кыв! Увт вай, Лыско, яра

Юрий Васютов

* * *

Увт вай, Лыско, яра,

Вӧр-ва тырӧн увт.

Мича бӧжтӧ гаровт,

Туй шӧрӧ эн сувт.

Поткӧд дышмӧм лӧньсӧ,

Яглысь гӧлӧс веж.

Эновт ордым-вӧньсӧ,

Зверлӧн исӧ кеж.

Удж кӧть сьӧкыд тайӧ,

Вылӧ лэпты ныр.

Тэнад увтчӧм вайӧ

Гажсӧ парма тыр.

увтны ʻлаять’

тырӧн ʻцеликом, полностью’

гаровтны ʻскрутить’

бӧж ʻхвост’

звер [з’вер] ʻзверь’

поткӧдны ʻрасколоть’

яг ʻбор’

эновтны ʻпокинуть’

ис ʻзапах зверя’

ордым-вӧнь ʻтропа в виде пояса; круга’

сьӧкыд ʻтяжёлый’

ныр ʻнос’

увтчӧм ʻлай’

гаж ʻвеселье’