Владимир Тимин
КОМИ НИМЪЯС ЙЫЛЫСЬ
Ак, кыдзи коми нимъяс дзугам!
Ми быттьӧ йӧз муын нин нач:
Туймортлы керка –
Лыддям «Югэр»
Сьӧдкыркӧтш пыдди – Седкыркач.
Озъёль –
Озёлӧн лои важӧн,
Помоздиноӧн – Помӧсдін...
И татшӧм вежсьӧмыс оз гажӧд,
Оз нимкодьтӧд ни пель, ни син.
Кось пӧри каньӧ –
Лои Кошки,
Чедьюӧн шуӧны Чӧдъю...
Ми огӧ нимъяс сӧмын воштӧй –
Ми ньӧжйӧ воштам чужан му.
дзугны ʻискажать’
йӧз му ʻчужбина’
туйморт ʻпутник’
лыддьыны ʻчитать’
пыдди ʻвместо’
лоны ʻстать’
важӧн ʻдавно уже’
вежсьӧм ʻизменение’
гажӧдны ʻвеселить’
нимкодьтыны ʻрадовать’
пӧрны ʻпревратиться’
ним ʻназвание’
шуны ʻназывать’
воштыны ʻтерять’
ньӧжйӧ ʻпостепенно’
