2015: Видза олан, коми кыв! Морт да орт

Александр Некрасов

МОРТ ДА ОРТ

 

Эм кодлӧн аслас ки да кок,

Да пельпом вылас юрыс,

Оз сійӧ кӧсйы мӧдлы лёк,

А сиӧ сӧмын бурӧс.

 

А кодлӧн кынӧсь ки да кок

Да пилипызя юрыс,

Век сійӧ кӧсйӧ мӧдлы лёк,

Зэв мустӧм сылы бурыс.

 

Кор сылӧн кыпӧдчыштӧ ёрт,

Пыр сылысь туйсӧ вуджӧ.

Вот сійӧ быттьӧкӧ и морт,

А збыль вылассӧ — вуджӧр.

 

Тадз олӧ му вылас век морт,

А сыкӧд орччӧн ветлӧ орт.

 

 

 

орт ʻтень человека, двойник’

пельпом ʻплечо’

кӧсйыны ʻхотеть’

сины ʻжелать’

кын ʻмёрзлый, холодный’

пилипызя ʻс опилками’

лёк ʻплохой’

мустӧм ʻненавистный’

кыпӧдчыны ʻподыматься’

вуджны ʻпереходить’

быттьӧкӧ ʻвроде бы’

збыль вылас ʻв действительности’

вуджӧр ʻтень’

век ʻпостоянно’

орччӧн ʻрядом’