Серафим Попов
КАТШАСИНЪЯС
Коркӧ узьланныд он, катшасинъяс,
Мыйла восьсаӧсь пыр тіян синъяс?
Менӧ пыр сӧмын ті дінӧ нуӧ,
Лыдтӧм дзоридзӧн тыр Коми муӧ.
Сьылтас:
Катшасинъяс, катшасинъяс,
Мыйла восьсаӧсь пыр тіян синъяс?
Эмӧсь лунвылын мичаджык муяс,
Сэні кывтӧны визувджык юяс.
Сӧмын мыйлакӧ пыр медся матыс
Эзысь лысваӧн дзирдалысь асыв.
Сьылтас:
Катшасинъяс, катшасинъяс,
Мыйла восьсаӧсь пыр тіян синъяс?
Уна сьыланкыв татысь ми кывлім,
Кодӧс сиӧны радейтан нывлы.
Ловъя дзоридзысь мый бурыс сюрӧ
Сылы пуктыны кудриа юрӧ?
Сьылтас:
Катшасинъяс, катшасинъяс,
Мыйла восьсаӧсь пыр тіян синъяс?
катшасин ʻромашка’
коркӧ ʻкогда-то’
восьса ʻоткрытый’
ті дінӧ ʻк вам’
лыдтӧм ʻнесчетный’
сьылтас ʻприпев’
син ʻглаз’
лунвыв ʻюг’
визув ʻбыстрый’
матыс ʻблизкий’
эзысь ʻсеребряный’
лысва ʻроса’
дзирдавны ʻблестеть’
кывны ʻслышать’
радейтан = радейтана
сюрны ʻнайтись’
кудриа ʻкудрявый’
