Петыр Саньӧ (Александра Мишарина)
АВГУСТ ТӦЛЫСЬ
Август тӧлысь, август тӧлысь
Дзик жӧ вӧт кодь коркӧ вӧлі.
Сэтшӧм кыпыд, сэтшӧм гажа,
Сӧмын вӧлі тайӧ важӧн.
Дзоньвидзаӧсь вӧлім томӧсь,
Сикт кузяла помсянь помӧдз
Коллявлім ми гажа войсӧ,
Кутлім мусаяслысь сойсӧ.
Ставыс кольӧма тай бӧрӧ,
Муса томлун, сьӧлӧмшӧрӧй.
Он нин сэсся сійӧс бергӧд,
Сӧмын видзан сьӧлӧм бердад.
Август тӧлысь, август тӧлысь,
Озыр пувйӧн, тшакӧн вӧлін.
Сэтшӧм кыпыд, сэтшӧм гажа
Сӧмын вӧлі сійӧ важӧн.
тӧлысь ʻмесяц’
вӧт ʻсон’
кыпыд ʻрадостно’
важӧн ʻдавно’
дзоньвидза ʻздоровый’
том ʻмолодой’
кузяла ʻвдоль’
кутны ʻдержать’
сой = ки ʻрука’
кольны ʻостаться’
сьӧлӧмшӧр ʻмилый’
бергӧдны ʻвозвратить’
бердад ʻвозле’
озыр ʻбогатый’
пув ʻбрусника’
тшак ʻв знач. грибы’
