2015: Видза олан, коми кыв! Вӧрын ветлӧ ош

Кузнеч Вась (Василий Чувьюров)

 

ВӦРЫН ВЕТЛӦ ОШ

 

Пемыд вӧрын, сьӧд вӧр шӧрын

Ветлӧ-шӧйтӧ ош.

Муна вӧрӧд, ачым дзӧра,

Мед эськӧ ог вош.

 

Сьылтас:

Ок и ёна пола,

Весиг ог и лолав.

Вӧрад коді полӧ,

Ошкыд паныд волӧ,

Ошкыд паныд локтӧ, тум-бара, тум-бара, тум-бара тум.

 

Кыла: гора кыдз пу дзуртӧ,

Кывзыся ме дыр.

Ош кӧ тайӧ – сёяс юртӧ.

Видзӧда – сьӧд мыр.

 

Сьылтас.

 

Вужля сайын, меным чайтсьӧ,

Кыйӧдчӧ сьӧд ош.

Думӧн кӧсъя пуӧ кайны,

Кывза, пельӧй чош.

 

Сьылтас.

 

Гортӧ воа, серам петӧ,

Тешкодь, дивӧ мен.

Аддзылі тай, другӧ, оштӧ,

Эскӧй ті, кӧть эн.

 

Сьылтас:

 

Челядь, ветлӧй вӧрӧд,

Ме моз энӧ дзӧрӧй.

Он кӧ оштӧ вӧрӧд,

Онӧ локтӧй бӧрӧн,

Онӧ локтӧй бӧрӧн, тум-бара, тум-бара, тум-бара тум.

 

 

 

сьӧд вӧр шӧрын ʻв знач. в самом глухом лесу’

ветлыны-шӧйтны ʻходить-бродить’

вошны ʻпотеряться’

повны ʻбояться’

лолавны ʻдышать’

вӧр ʻлес’

паныд ʻнавстречу’

дзуртны ʻскрипеть’

кывзысьны ʻвслушиваться’

дыр ʻдолго’

пыр ʻпень’

сьылтас ʻприпев’

вужля ʻкоряга’

чайтсьыны ʻказаться’

думӧн ʻмысленно’

чош ʻнастороженный’

серам ʻсмех’

мен = меным

дивӧ мен ʻя удивлён’

эскыны ʻверить’

челядь ʻдети’

ме моз ʻкак я’

вӧрӧдны ʻтрогать, в знач. беспокоить’

бӧрӧн ʻобратно, назад’