Михаил Лебедев (Юсь) КОМИ МУ Коми му кузя ме муна, Гӧгӧр сулалӧ сьӧд вӧр. Вӧрыс вывті-вывті уна, Сыысь унаыс оз тӧр. Аддза: сэні шыльыд пожӧм Вылӧ лэптӧ ассьыс юр. Сылы ӧткодь тӧв кӧть гожӧм. Сэтшӧм пуыс тайӧ бур. Сэні, быттьӧ пӧрысь пӧчӧ, Дзормӧм кыпӧдчӧма коз. Сійӧ увъяс костын вӧчӧ Вӧрса пӧтка шоныд поз. Сэні вашкӧдчӧны гора Пипу чойкӧд еджыд кыдз, Мыйкӧ сёрнитӧны нора, Корнас шенасьӧны сідз.
