Теш
ШЫР ДА ГАДЬ
Шыр да Гадь мунасны пес керавны. Мунасны, мунасны да ёль воас. Ёльсӧ вуджны колӧ. Вӧчасны идзасысь пос и пондасны вензьыны, кодлы первойӧн вуджны. Шыр шуӧ: "Ме сьӧкыд да поссӧ чега, тэ вудж". Гадь шуӧ: "Ме кокни да тӧлыс пӧльыштас, и ме вӧя, тэ вудж". Вензясны, вензясны да медбӧрын Шыр кутас вуджны. Шӧрӧдзыс воас, идзас пос чегӧ, и Шыр вӧйӧ. А Гадь сералас, сералас — и потӧ.
Колӧ вӧлі ӧтлаын вуджны.