МИЧА НЫВЪЯС
(Кывъясыс да музыкаыс В. Савинлӧн)
Мича нывъяс Эжва дорӧ
Лэччисны.
Бурлак зонъяс нывъяс бӧрся
Вӧтчисны.
Пыжӧ пуксисны, мӧдӧдчисны сынны,
Горӧдісны сьывны.
Зэв гажаа сьылӧны.
«Мича нывъяс, Эжва шӧрас
Петамӧй!»
«Бурлак зонъяс, мӧдлапӧлас
Вуджамӧй!»
Тӧвру пӧльыштӧ, мӧвкйӧдлӧ ва вылын...
Мӧдлапӧв зэв ылын;
Визув ва кылӧдӧ.
«Мича нывъяс, зільджыка нӧ
Сыныштӧй!»
«Бурлак зонъяс, пелыснаныд
Кутыштӧй!»
Эжва вуджисны, веж видз вылын долыд,
Радлӧ весиг лолыд, —
Майбырӧй, олӧмӧй!
«Мича нывъяс, гажа жӧ нин
Олӧмыд!»
«Бурлак зонъяс, ӧтчыд овлӧ
Татшӧмыд!»
Майбыр, гажа кад, мед эськӧ эз помась!
Гажӧдчӧй, кор томӧсь,
Мӧдысь ӧд оз нин во!
Слова к песне:
бурлак — парень, холостой, молодой человек
вӧтчыны — погнаться
пыж — лодка
сынны — грести
мӧдлапӧв [мӧдлапӧл-] — другой берег, заречье
тӧвру — лёгкий ветер
пӧльтны — дуть
пӧльыштны — дуть слегка
мӧвкйӧдлыны — качать
кылӧдны — нести (течением)
пелыс — весло
кутыштны — поддержать
долыд — радостный
радлыны — радоваться, ликовать
