2015: Видза олан, коми кыв! Урок 13

ДАС КОЙМӦД ЮРПАС

ТРИНАДЦАТЫЙ УРОК

Дательный, родительный, притяжательный и достигательный падежи существительного. Личные местоимения в дательном, родительном и притяжательном падежах. Образование количественных наречий. Тексты и упражнения.

Сетан, асалан, босьтан, могман вежлӧгъяс
Дательный, родительный, притяжательный, достигательные падежи

Все эти четыре падежа имеют в своих суффиксах один элемент -л-, но значения падежей разные. Три падежа — дательный, родительный и притяжательный — обозначают отношения владения, получения, передачи чеголибо лицам или от лиц. Из предыдущих уроков уже известен родительный (асалан) падеж с суффиксом -лӧн: батьлӧн паськӧм ʻодежда отца’. Значения трёх притяжательных падежей лучше видны в рисунках:

В русском языке коми дательному падежу соответствует дательный падеж без предлога. Существительные в дативе употребляются с глаголами сетны ʻдавать’, шуны, висьтавны ʻсказать’, козьнавны ʻдарить’.

Слова в дательном падеже обозначают:

1) адресат речи, косвенный объект, которому что-то даётся, говорится, например:

Маша мӧдӧдӧ чойыслы Печораӧ письмӧ.

Челядь сетісны понпилы Туган ним.

Ванялы чужан лун кежлӧ козьналісны «Биа нюр» нима небӧг.

Мирон пӧль висьталіс Ӧньӧ гӧгапиыслы важ олӧм йылысь.

мӧдӧдны ʻотправлять’

гӧгапи ʻвнук’

кежлӧ ʻк’

2) лицо или событие, мероприятие, которому что-либо посвящается, например:

Илля Васьлӧн (Василий Ильич Лыткинлӧн) чужан лунсяньыс сё кызь во тырӧмлы сиам талунъя рытсӧ.

Сыктывкарлы кывбуралысьяс сиисны уна кывбур да поэма.

Миян муса мамлы сьылам «Коми ань» сьыланкыв.

тырны ʻисполняться’

3) человека, живое существо, носителя определённого состояния, а также возраста.

Примеры:

Медводдза олысьяслы важӧн вӧлі зэв сьӧкыд войвывса сук вӧрын овны.

Надюклы талун зэв долыд: сійӧ помаліс ыджыд удж.

Сыктывкарлы ӧні кыксё комын вит во сайӧ, а медводдза коми анбурлы квайтсё нелямын во сайӧ нин.

Ичӧт вокнымлы неважӧн тырис ӧкмыс арӧс.

Шусьӧгъяс

Лёклы лӧгавны, бурлы вежавны. ʻНа зло злиться, доброму завидовать’.

Сюсьлы и ош йӧктӧ.

сюсь ʻумный’

Кывбуртор

Потшӧс вылын катша.

Потшӧс улын Катшӧ.

Йирӧ Катшӧ лы,

Оз сет катшалы.

(Г. Юшков)

йирны ʻгрызть’

Существительные и местоимения с суффиксом -лӧн выражают:

1) обладателя чего-либо или кого-либо, например:

Сыктывкарлӧн вӧлі Усть-Сысольск важ роч ним.

Велӧдчысьяслӧн аски лоӧ сьӧкыд лун: найӧ сетӧны математикаысь гижан экзамен.

2) субъект, производителя действия при отглагольных существительных на -ӧм и глаголах.

Примеры:

Миян ай-мамлы ёна кажитчӧ вӧлі Валентина Есевалӧн сьылӧмыс.

Комияслӧн бура вӧралӧм йылысь тӧдісны ёна важысянь нин.

Шусьӧгъяс

Омӧль кӧклӧн омӧль и кӧкӧмыс.

Туйтӧм мортлӧн сёрниыс некытчӧ оз туй. ʻУ негодного человека разговор никуда не годится’.

кӧк ʻкукушка’

Существительные в притяжательном падеже образуются присоединением к основе существительных суффикса -лысь; слова в падеже аблатив отвечают на вопросы кодлысь? ʻу кого?’, мыйлысь? ʻу чего?’,

например:

Мамлысь босьті сьӧм. ʻУ матери взял деньги’. На русский язык существительные в притяжательном падеже переводятся сочетаниями существительных в родительном падеже с предлогами «у», «от»: чойлысь ʻу сестры’. У притяжательного падежа есть два основных значения.

Он обозначает:

1) лицо, группу лиц или реже предмет, у которого что-то отчуждается, берётся или спрашивается, например:

Вузасьысьлысь ньӧбим «Коми нӧдкывъяс» нима неыджыд небӧг.

— Юав велӧдысьыдлысь, Петыр, кымын вежлӧг эм коми кывйын?

Веськӧдлысьлысь юаси водзджык мунны удж вылысь.

вежлӧг ʻпадеж’

Шусьӧгъяс

Скуп мортлысь уна он босьт.

Горш мортыд и корысьлысь коран мешӧксӧ гусялас.

Кос пулысь сійӧ ли куляс ʻС сухого дерева он камбий сдерёт’ = Он с живого шкуру сдерёт.

корысь ʻнищий’

В таком значении в притяжательном падеже почти всегда употребляются одушевлённые существительные. Сравните два предложения: Вузасьысьлысь ньӧба нянь ʻУ продавца куплю хлеб’ ↔ Лавкаысь ньӧба нянь ʻИз магазина куплю хлеб’.

2) принадлежностное определение у существительного в винительном падеже, выражающем прямое дополнение. Если существительное употреблено в винительном падеже, существительное-определение при нём всегда должно быть в притяжательном падеже, для сравнения:

Тані эм Иван Куратовлӧн «Коми гор» небӧг. (слово небӧг в именительном падеже) → Ми лыддям Иван Куратовлысь «Коми гор» небӧг. (слово небӧг в винительном падеже).

Примеры:

Коді оз радейт кывзыны лэбачьяслысь сьылӧм!

Миянлы колӧ видзны россияса войтыръяслысь ёртасьӧм.

Леналысь кывъяссӧ Игор эз гӧгӧрво.

Велӧдчысьяс радейтӧны Иван Тороповлысь «Регыд дас квайт» нима повесьт.

Войдӧрлун группаным видзӧдіс Александр Ларевлысь «Гажтӧм вальс» ворсӧм.

«Войвыв кодзулын» йӧзӧдӧны том кывбуралысь ань Алёна Ельцовалысь выль кывбуръяс.

Вайӧй лыддьыны меным гортӧ Михаил Булгаковлысь висьтъяс да романъяс.

сьылӧм ʻпение птиц!’

ворсӧм ʻпостановка, спектакль’

йӧзӧдны ʻпубликовать’

Морта нимвежтасъяс босьтан вежлӧгын
Личные местоимения в притяжательном падеже

Запомните личные местоимения в формах притяжательного падежа, употребительные в устной речи с глаголами — юавны (кодлысь?) ʻспросить’ (у кого?), корны ʻпросить’, босьтны ʻвзять’. Вместе с тем закрепите в памяти уже известные падежные формы личных местоимений в родительном, винительном и дательном падежах.

Примеры:

Менсьым школаын юалісны, кор, кутшӧм кадӧ пӧ овлісны Нёбдінса Виттор да Илля Вась.

— Валя, тэнсьыд корисны гортса уджтӧ петкӧдлыны велӧдысьнымлы.

— Со миян велӧдысьным. Юалӧй сылысь коми вежлӧгъяс йылысь.

— Позьӧ-ӧ тіянлысь юавны, дона-ӧ тайӧ дӧрӧмыс?

Тӧнлун миянлысь чукӧртісны неуна сьӧм ай-мамтӧм челядьлы козинъяс вылӧ.

дӧрӧм ʻрубашка’

ай-мамтӧм ʻбез родителей’

Падеж образуется путём присоединения суффикса -ла к основе существительных: мунны няньла ʻидти за хлебом’. Существительные в достигательном падеже на русский язык переводятся сочетаниями существительных в творительном падеже с предлогом ʻза’ и в родительном падеже с предлогом ʻиз-за’ (висьны жарла ʻболеть из-за жары’).

Слова в достигательном падеже обозначают:

1) цель, предмет или человека, из-за овладения которыми и совершается действие,

например:

Нывкаяс мунӧны озла. ʻДевочки идут за земляникой’.

Ме да айӧй ветлім вузасянінӧ няньла, йӧвла да яйла.

— Кывзы, Ваньӧ, ноко ветлы Света чойыдла челядь садйӧ.

Сиктса йӧз тшӧкыда тӧвнас ветлӧны вӧлӧн песла да турунла.

Карын оз ков ветлыны вала, сійӧ ачыс воӧ.

2) причину состояния человека или совершения им действия.

Примеры:

Мыйла Иван Александровичным тӧрыт эз вӧв удж вылын?

Жарысла Эжва таво дзикӧдз косьмис.

Няйтысла сиктса туйяс арнас вывті лёкӧсь.

Таво тӧв кӧдзыдысла челядь некымын лун эз велӧдчыны.

Йӧзыс бӧрдӧны и шогысла, и шудысла.

дзикӧдз ʻсовсем’

вывті ʻслишком’

шог ʻгоре’

шуд ʻсчастье’

► Вопросительное местоимение мыйла? ʻпочему?’ образуется при помощи падежного суффикса -ла, например:

— Мыйла тэ татшӧм гажтӧм?

гажтӧм ʻгрустный’

Лыд петкӧдлысь урчитанъяс
Количественные наречия

Для выражения количества совершённых действий широко употребляются количественные наречия: куимысь ʻтри раза’. В коми языке они образуются при помощи суффикса -ысь, который присоединяется к основам количественных слов уна ʻмного’, этша ʻмало’ и к основам числительных.

уна ʻмного’ → унаысь ʻмного раз’

этша ʻмало’ → этшаысь ʻмало раз’

ӧти → ӧтиысь ʻодин раз’ Морт чужӧ ӧтиысь.

кык → кыкысь ʻдва раза’ Кыкысь некод оз кув.

вит → витысь ʻпять раз’ – Тэныд звӧнитлім витысь. Кӧн нӧ вӧлін тэ?

комын куим → комын куимысь ʻтридцать три раза’

сё → сёысь ʻсто раз’ Сёысь пызан сайӧ оз корны.

сайӧ ʻза’

Присоединяясь к порядковым числительным, -ысь образует наречия, обозначающие порядок совершения действий, например:

медводдза ʻпервый’ → медводдзаысь, первойысь ʻв первый раз’

мӧд ʻвторой’ → мӧдысь ʻво второй раз’

коймӧд → коймӧдысь ʻв третий раз’

дас коймӧд → дас коймӧдысь ʻв тринадцатый раз’ и т.д.

ни ӧтчыд, ньӧтчыдысь ʻни разу, никогда’

Лыддянторъяс

Шмоньяс

Мамыс юалӧ ичӧтик Толялысь:

— Кодӧс тэныд бурджык ньӧбны — чойӧс али вокӧс?

— Ме думайта, медся бур ньӧбны меным велосипед.

* * *

— Ті бура ветланныд машинаӧн? — юасьӧ ныв шоперлысь.

— Ог лёка, — вочавидзӧ зон нывлы. — Талун ньӧтчыдысь на эг зурасьлы.

Серафим Попов

МЕДМУСА КОМИ КЫВЪЯС

Асыв пырас миян расӧ,

Сійӧс вежас рыт.

Воддзаыслы: — Шуда асыв!

Мӧдыслы: — Бур рыт!

Сылы, коді вӧчӧ бура,

Кодлӧн зэв пӧсь сыв,

Тэныд пыр мед шуны сюрас

«Аттьӧ» кыв.

Пызан бердад сёйны-юны

Тэрмасьны оз ков,

Эн, эн вунӧд йӧзлы шуны

— Нянь да сов!

рас ʻроща’

вежны ʻменять’

шуда ʻсчастливый’

мӧд ʻвторой’

бура ʻхорошо’

сыв ʻобъятье’

сюрны ʻотыскатся’

пызан бердад ʻу стола’

тэрмасьны ʻспешить’

вунӧдны ʻзабывать’

Нянь да сов! ʻХлеб да соль!’

КУТШӦМ НЕБӦГ БӦРЙЫНЫ?

Катьӧ да Пашӧ мунӧны школа бӧрын библиотекаӧ выль небӧгъясла. Налы колӧ босьтны кольӧм нэмса кызьӧд воясся коми гижысьяслысь нигаяс, ӧд регыд налӧн лоас класса рыт. Сійӧс сиӧны кызьӧд воясся коми литературалы. Найӧ пырӧны библиотекаӧ да юасьӧны сэні уджалысьлысь, том нывлысь:

— Видза оланныд! Позьӧ-ӧ тіянлысь юавны, кутшӧм коми гижысьяс гижисны кызьӧд воясӧ? Миянлы колӧ лыддьыны налысь небӧгъяссӧ.

— О-о! Сэки унаӧн гижисны. Но медся тӧдчана гижысьяс пиысь тіянлы позьӧ лыддьыны Михаил Лебедевӧс (сайнимӧн кӧ Юсь), Илля Васьӧс (Василий Лыткинӧс), Нёбдінса Витторӧс (Виктор Савинӧс), Тима Веньӧс (Вениамин Чисталёвӧс).

— Ми эг на велӧдӧй налысь нинӧм, — шуӧ Катьӧ. — Вӧзйӧй миянлы мыйкӧ налысь лыддьыны, петкӧдлӧй тайӧ гижысьясыслысь небӧгъяссӧ.

— А меным вайӧй тешкодь нигаяс. Ме зэв ёна радейта серамбана гижӧдъяс лыддьыны, — корӧ Пашӧ.

— Окотапырысь петкӧдла да висьтала неуна тайӧ небӧгъяс йылысь. Со видзӧдлӧй Юсьлысь (Михаил Лебедевлысь) «Настук» оперетка, босьтӧй лыддьыны Нёбдінса Витторлысь кывбуръяс да поэмаяс, Витторыс ачыс чужлӧма Нёбдін сиктын. Вӧзъя тшӧтш Илля Васьлысь «Мунӧны» поэма. А тэныд колӧны тешкодь небӧгъяс, Пашӧ? То, босьт Виктор Савинлысь «Райын», «Инасьтӧм лов» тешъяс, лыддьы сылысь жӧ «Губернятӧм губернатор» да «Аркирей» кывбуръяс, лыддьы Ичӧт Иванлысь (Иван Сажинлысь) «Шева чуман» тешкодь висьт. Тэныд найӧ воасны сьӧлӧм вылад.

— А кытысь позьӧ лыддьыны тайӧ гижысьяс йылысь? — юалӧ библиотекаса уджалысьлысь Катьӧ.

— Босьтӧй «Коми литературалӧн история» небӧглысь мӧд томсӧ, сэтысь и лыддьӧй. Кӧть сійӧ петаліс важӧн нин, бурджык да ыджыдджык туялан небӧгыс абу на. Да, вунӧді, лыддьӧй нӧшта зэв бур коми висьт — Тима Веньлысь «Трипан Вась» нима неыджыд висьт.

— Ыджыд аттьӧ небӧгъясысь! Аддзысьлытӧдз!

— Волӧй бара небӧгъясла, челядь!

Юалӧмъяс Вопросы

1) Мыйла мунӧны Катьӧ и Пашӧ библиотекаӧ?

2) Мыйлы найӧ сиӧны классыслысь рытсӧ?

3) Кутшӧм гижысьясӧс колӧ налы лыддьыны?

4) Кодъяслысь кутшӧм гижӧдъяс вӧзйис челядьлы библиотекаса уджалысь?

небӧг = нига ʻкнига’

теш ʻкомедия’

кольӧм нэм ʻпрошлый век’

шева ʻпорча, насекомое-носитель порчи’

сайним ʻпсевдоним’

чуман ʻберестяной короб’

петкӧдлыны ʻпоказывать’

туялан ʻнаучный’

тешкодь ʻсмешной’

волыны ʻприходить ещё’

серамбана гижӧд ʻюмористическое произведение’

Трипан Вась ʻсельское имя человека по отцу, досл. Трифона сын Вась’

КОМИ ЙӦЗ СИБИРЫН

Коми войтыр олӧ оз сӧмын Коми республикаын, мукӧдлаын тшӧтш. Кольӧм нэмын изьватас кӧр видзысьяс вуджисны Еджыд саридз да овмӧдчисны Кола кӧджӧ. Налы быть лои мунны сэтчӧ, тшыгла пышйисны, кӧръяслӧн висьӧм понда. Сӧмын ёна унджык коми олӧ Сибирын. Дас кыкӧд нэмсянь нин коми вӧралысьяс да кресьтяна унаысь вуджалісны Из сайӧ вӧравны, дона пемӧс (низь, тулан, руч, сан, ур) куясла, а сэсся и сибирса няньла. Комияс сэні эз сӧмын вӧравны, найӧ вузасисны, вежласисны тӧварӧн. Рытыввыв Сибирын комияслӧн вӧліны вель ыджыд оланінъяс — Кыдзкар, Уркар, Войкар, Обдор каръяс, ӧні на Сибирысь казялам Зыряновка, Зырянка, Зырянск нима уна сикт. Комияс мунісны Сибирӧ вузасьысьясӧн, вӧралысьясӧн, туй индалысьясӧн, тышкасьысьясӧн. Быдӧн тӧдӧ Ермаклысь нимсӧ. Сы дорын вӧлӧма тшӧтш уна коми шыа-пурта морт. Комияс пиысь нималана туй писькӧдысьясӧн лоины Фёдор Чукичев да Дмитрий Зырян. Найӧ восьтісны Сибирысь выль юяс — Яна, Индигирка, Колыма, Пенжина, йитісны Россия дорӧ выль инъяс. Дмитрий Зырян медводдзаысь кывтіс Азия да Америка костті, восьтіс Беринглысь виям. Найӧ пуктісны ыджыд пай Сибир тӧдмалӧмӧ да восьтӧмӧ. Ӧні гырысь коми сиктъяс эмӧсь Об ю пӧлӧн, Омск да Тюмень обласьтъясын, Алтайын. Шуам, кык сюрс кыкӧд воын Тюмень обласьтын ол іс дас сюрс витсё ветымын вит зырян-коми да куим сюрс куимсё ӧкмысдас сизим перым-коми, Кардор обласьтын оліс вит сюрс сизимсё нелямын вит зырян-коми.

мукӧдлаын ʻв других местах’

ку ʻшкура’

изьватас ʻижемец, ижемский’

вузасьны ʻторговать’

быть ʻвынужденно’

туй индалысь ʻпроводник’

пышйыны ʻубегать’

тышкасьысь ʻвоин’

вуджавлыны ʻпереходить много раз’

шыа-пурта ʻс копьём и ножом’

низь ʻсоболь’

туй писькӧдысь ʻпервопроходец’

сан ʻросомаха’

ин = места ʻместо’

тулан ʻкуница’

виям ʻпролив’

Уджъяс Упражнения

1 удж. Ответьте письменно на следующие вопросы.

1) Кутшӧм тіян медся радейтана гижысьясныд?

2) Кутшӧм коми гижысьяслысь нимъяс ті тӧданныд?

3) Коді тіян медрадейтана шылад тэчысь (композитор)?

4) Кутшӧм сылысь уджъяс ті тӧданныд?

5) Кутшӧм артист тіянлы воӧ сьӧлӧм выланыд либӧ оз во?

6) Мыйла сійӧ кажитчӧ либӧ оз?

7) Кутшӧм роч да суйӧрсайса гижысьяслысь небӧгъяс ті лыддинныд?

2 удж. Перескажите текст «Комияс Сибирын», при пересказе ответьте на вопросы:

1) Кӧні олӧны комияс?

2) Мыйла изьватас кӧр видзысьяс вуджисны Кола кӧджӧ?

3) Мыйла комияс мунісны Из сайӧ, Сибирӧ?

4) Кодъяс вӧліны найӧ?

5) Кутшӧм нималана коми туй писькӧдысьяслысь нимъяс ті тӧданныд?

6) Кутшӧм муяс найӧ восьтісны?

7) Кымын коми олӧ Тюмень да Кардор обласьтъясын?

3 удж. Перепишите предложения, употребите где надо существительные и местоимения или в дательном, или в притяжательном падеже.

1) Машӧ гижӧ ыджыдджык чойыс.... письмӧ Емваӧ.

2) Аскиӧдз колӧ корны неуна сьӧм ай-мам....... .

3) Республикаса драма театрлы сетісны Нёбдінса Виттор...... ним.

4) Медводдза номера педколледж...... сетісны Иван Куратов...... ним.

5) Миян класс...... козьналісны неыджыд библиотека.

6) Музейын челядь ёна юасисны экскурсия нуӧдысь...... важ олӧм йылысь.

7) Миян пӧрысь мам...... тырис кӧкъямысдас арӧс.

8) Колӧ юавны вузасьысь...... тайӧ небӧгыс...... донсӧ.

9) Ваня нима менам ыджыдджык вок...... тырис ветымын вит арӧс.

10) Ме радейта Агата Кристи...… романъяссӧ.

11) Аскиа рытсӧ ми сиам ӧнія коми литература...... .

4 удж. Перепишите, правильно выбрав из представленных существительных необходимые, употребив их в нужном падеже (дательном, родительном, притяжательном или достигательном).

1) Коми йӧз Сибирӧ мунлісны ... пӧрысь мам...

2) «Коми рыт» тарыт сиам Тима Веньлӧн ... тшак... да вотӧс...

3) Комияслӧн важ история йылысь юалӧй ... нянь...

4) Талун ичӧт классъясса велӧдчысьяс оз велӧдчыны ... юбилей ...

5) Дона козинсӧ аски рытнас сетам миян ... кӧдзыд...

6) Гожӧмнас да арнас вӧрӧ котралам ... ай-мам...

7) Коми шыяс йылысь тайӧ ыджыд туялан небӧгыс ... велӧдысь...

8) Ме мыйлакӧ ог радейт сьӧм корны ... Илля Вась...

5 удж. Составьте сообщение «Библиотекаын».

6 удж. Употребите существительные в правильных формах падежей, или в притяжательном с суффиксом -лысь, или в отдалительном падеже с суффиксом -сянь, согласно правилам.

1) – Машук, ме ог тӧд тайӧ зон......... нимсӧ. Юав аслад Ӧньӧ вок............, кутшӧм сылӧн нимыс.

2) – Зонъяс, меным воис сераку гортысь. Тіянлы чолӧм Валя ..........

3) – Ма-ам, менам сьӧмӧй абу. Вай витсё шайт. — Менам тшӧтш абу, кор аслад батьыд...... .

4) «Выльторъясысь» тӧдмалім: Гидрометеошӧрин...... юӧртӧны, аски пӧ лоас зэра, тӧла поводдя.

5) – Менам ай-мам...... дыр нин эз вӧвны юӧръяс.

6) – Ме ог тӧд, мый лоӧ комиӧн сераку. – Он тӧд? Юав велӧдысьным...... .

7) – Вася, тэ кывлін велӧдысь........ вочакывсӧ? Сераку перым-коми ногӧн лоӧ письмӧ.

8) Челядьлы Югдінысь Кӧдзыд пӧль...... воис сераку да козинторъяс.

9) – Библиотекаса уджалысь...... босьт і Илля Вась...... «Мунӧны» поэма, Нёбдінса Виттор...... «Райын» да «Инасьтӧм лов» тешкодь ворсӧмъяс (пьесаяс).

7 удж. Прочитайте письмо и добавьте в пропущенные места суффиксы пяти падежей (дательного, родительного, притяжательного, достигательного или отдалительного), согласно правилам коми языка.

Видза оланныд, дона мамӧ, айӧ да Коляй вокӧ!

Чолӧм Сыктывкар......! Тэрмася гижны ті ...... вочакыв. Вои карӧ лючки, ӧні ола студенъяс...... ӧтуволанінын, кык тӧдса нывкӧд. Найӧ Комиысь жӧ, ӧтиыс...... нимыс Катьӧ, мӧдыс...... нимыс Ӧльги. Катьӧыс...... кызь арӧс нин, Ӧльгиыс томджык, (сійӧ) ......... дас кӧкъямыс арӧс. Письмӧныд ті......воӧма квайт лунӧн. Велӧдчам луннас кӧкъямыс чассянь нёль час лунӧдз. Ваня чож...... пошта пыр неважӧн воис кыксё шайт. Висьтав, мамӧй, (сійӧ) ........... ыджыд аттьӧ. Сӧмын ме (сійӧ) ........... нинӧм ӧд эг кор. Сёяніныс ӧтуволанін...... абу ылын, быд лун ветла лавкаӧ нянь......, калбас......, нӧк......да йӧв...... . Да, неважӧн аддзылі улич вылысь, мамӧ, (тэнад) .......... бур нывъёрттӧ, Маръя Степановнатӧ. Сьӧмӧй (ме) ........ эм на. Регыд пуксяс тӧв, сэк кежлӧ ыстӧй (ме) ........ шоныд паськӧмӧс. Висьталӧй (ме) ...........пӧсь чолӧм менам нывъёртъяс...... да Тупыль кань...... . Таӧн помала, пӧся (ті) ............ окала. Сыктывкар, 2007-ӧд вося йирым тӧлысь 12-ӧд лунӧ Тіян Лизукныд.

8 удж. Вуджӧдӧй коми кывйӧ сёрникузяяс:

1) Вы сами уже умеете переводить на коми язык?

2) Откуда они сами?

3) 8 марта женщинам дарят цветы.

4) Виктор Савин Сыктывкару посвятил свою поэму.

5) Я слышала новую песню В. Леонтьева.

6) Спросите об этом лучше у декана.

7) В журнале «Север» печатают новые стихи Зарни Люси.

8) Вот наш учитель, о Дмитрие Зыряне спросите у него.

9) Завтра мы идём в магазин за тетрадями и карандашами.

10) Дети очень устали от жары.

11) В прошлом году они шесть раз ходили за ягодами в лес.

12) Вчера вечером я ходил за моей сестрой Светой в детский сад.

13) Илля Вась — псевдоним коми писателя Василия Ильича Лыткина.

14) Псевдоним состоит из двух слов, первое слово обозначает имя отца писателя, второе имя.