1994: Учимся говорить по-коми. Основной курс. Урок 14

УРОК 14. Залог глагола. Наречие. Суффикс субъективной оценки существительного -тор. Текст по роману Г. Федорова «Зарница» (Дом. Хозяйство).

Упр. 1. Прочитайте диалог и переведите на русский язык.

— Ми колим сирӧтаясӧн. Менӧ, Лена чойӧс да Коля вокӧс босьтіс ас ордас мамлӧн чойыс, Катя тьӧтка. Карын сійӧс быдӧн тӧдӧны. Сійӧ пӧрысь ныв, аслас челядьыс абу. Сылӧн мича да лӧсьыд кык судта керка. Сэні и олам ми. Тьӧтка видзӧ мӧс. Эм видзтор, керка мышкас град йӧр. Капуста, сёркни, кушман, анькытш вӧдитӧ. Эм аслас пывсян.

Уліас асьным олам. Кухня сэні. Выліас гӧтыртӧм олысьясӧс видзӧ, вердӧ. Песлалам, пелькӧдам, пывсян вӧдитам налы. Оз элясьны. Налы бур и миянлы бур: нажӧткатор локтӧ. Миянын олӧ учитель Кикин, шань да тӧлка морт. Сэсся олӧ поляк Оскерко. Лун-лун ворсӧ скрипкаӧн.

— Кывлі сы йылысь, — шуис Куратов.

— Волы, тӧдмӧда! — кӧсйысис Сандра да сэсся юаліс: — А тэ кӧні олан, Иван Алексеевич?

— Век на Назар Иван ордын, — вочавидзис Куратов.

— Эсійӧ лёк станцияас? Да сэні жӧ вабергачын кодь, йӧзыс оз быравлы. Пыр зык да шум!

— Сэтшӧм эськӧ да, мый вӧчан!

— А! Гӧгӧрвоана: Назар Иван Лиза сэні! — мудера видзӧдліс Куратов вылӧ Сандра. — Невестапу!

— Сійӧ оз и видзӧдлы ме вылӧ.

— А мый эськӧ он пышйы сійӧ кодзувкоткарсьыс? Он и дӧзмы зык-шумсьыс?

— Дӧзми эськӧ да, кытысь бурджыкыс?

— Лок миянӧ. Ме ола чардака комнатаын. Лэчча улӧ, Лена чойкӧд кута овны, а тэ овмӧдчы чардакас. Лӧнь сэні, шоныд да лӧсьыд.

— Тьӧткаыд лэдзас?

— Ме сёрнита да, лэдзас, — кӧсйысис Сандра.

— Бур эськӧ, — шуыштіс Куратов.

— Лок! — тэрыба чеччис Сандра. — Ӧні жӧ мунам да сёрнитам тьӧткакӧд. Вай котӧртам ӧдйӧ!

— Дзик ӧні и мунам? — юаліс Куратов. Сійӧс чуймӧдыштіс, кутшӧм ӧдйӧ Сандра ӧзйӧ мыйкӧ вӧчны.

— Мый сэн мӧвпалан дыр! — збоя шуыштіс Сандра.

— А вай и ветлам! — вочавидзис Куратов.

(Г. Федоровлӧн «Востым» роман серти.)

Слова к диалогу:

видзтор [видзторй-] — небольшой луг

мыш [мышк-] — задворки

град йӧр — огород

анькытш — горох

вӧдитны — разводить

пывсян — баня

кухня — кухня

олысь — жилец

пеславны [песлал-] — стирать

пелькӧдны — убирать, прибирать

вӧдитны пывсян — истопить баню

нажӧтка — заработок

нажӧткатор [нажӧткаторй-] — небольшой заработок

шань — вежливый, скромный

тӧлка — толковый

поляк — поляк

сирӧта — сирота

судта — этаж

ворсны — играть

скрипка — скрипка

тӧдмӧдны — познакомить

кӧсйысьны — обещать

эсійӧ — тот

станция — станция

вабергач — круговорот

быравны [бырал-] — иссякать

зык — спор, ссора

шум — шум

мудера — лукаво

невестапу — кандидатка в невесты, возможная невеста

пышйыны — бежать, сбежать

дӧзмыны — надоесть

чардак — чердак

комната — комната

лэччыны — спуститься

лӧнь — тихо

лэдзны — пустить

котӧртны — побежать

дзик — сейчас, тотчас

чуймӧдны — удивить

ӧзйыны — загораться / загореться

мӧвпавны [мӧвпал-] — размышлять

збоя — бойко

Упр. 2. Ответьте на вопросы по диалогу.

1. Кодъяс вӧліны сирӧтаясӧн?

2. Кымын чоя-вока Сандралӧн?

3. Код ордын чоя-вока олісны?

4. Коді лоӧ Сандра чоя-вокалы Катя тьӧтка?

5. Кӧні олӧ Катя тьӧтка?

6. Ыджыд-ӧ сылӧн овмӧсыс?

7. Мый эм сылӧн овмӧсас?

8. Мый быдмӧ сылӧн град йӧрас?

9. Кымын судта Катя тьӧткалӧн керкаыс?

10. Коді олӧ Казаринова керкаас?

11. Кажитчӧ оз овны олысьяслы Катя тьӧтка ордын?

12. Кодӧс олысьяс пӧвстысь оз на тӧд Куратов?

13. Мый вӧчӧ быд лун поляк Оскерко?

14. Код ордын олӧ Куратов?

15. Кажитчӧ оз Куратовлы овны Назар Иван ордын?

Упр. 3. Определите, чем отличаются по значению приведенные ряды слов и словосочетания. Покажите различия, употребив их в небольших предложениях.

Упр. 4. Образуйте от данных глаголов формы средне-возвратного залога с помощью суффиксов -сь или -ч и покажите разницу в значениях глаголов с помощью коротких предложений.

Образец. Мамӧ пӧжаліс (мый?) черинянь.

"Моя мама испекла (что?) рыбник".

Пӧчӧ асывбыд пӧжасис.

"Моя бабушка все утро пекла (буквально: занималась хлебопечением)".

Гижны, кӧсйыны, кыйны, кыны, лӧсьӧдны, лыддьыны, овмӧдны, отсавны, пелькӧдны, пеславны, пуны, юавны.

Упр. 5. Познакомьтесь с названиями домашних и лесных животных и ответьте на вопросы.

Гортса пемӧсъяс

вӧв (ай ~, энь ~)

баля — ягненок кань (ай ~, энь ~)

каньпи — котенок

кӧза — коза

кӧзапи — козленок

кӧр — олень

кук, кукань — теленок

курӧг — курица

кычан — молодая собака, щенок

кычанпи — щенок

меж — баран

мӧс

петук — петух

пон (ай ~, энь ~)

понпи — щенок

порсь — свинья

порсьпи — поросёнок

ӧш — бык

ӧшпи — бычок

чань — жеребёнок

чипан — курица

чипанпи — цыплёнок

ыж

Вӧрса пемӧсъяс

кӧин (ай~, энь~) — волк

кӧинпи — волчонок

кӧч — заяц

кӧчпи — зайчонок

йӧра — лось

ош (ай ~, энь ~)

ошпи — медвежонок

руч — лиса

ручпи — лисёнок

ур — белка

урпи — бельчонок

Вопросы:

1. Мый сетӧны мортлы гортса пемӧсъяс?

2. Кутшӧм пемӧсъяс отсасьӧны мортлы? Кыдзи отсасьӧны?

3. Кутшӧм рӧма вӧрса пемӧсъяс овлӧны гожӧмын и тӧлын?

4. Мый вӧчӧны тӧлын ош да кӧин?

Упр. 6. Сгруппируйте названия животных из 5-го упражнения следующим образом: мужская особь, женская особь и потомство. Какая система в их обозначении наблюдается?

Упр. 7. Приведите антонимичные по наречию пары к данным словосочетаниям.

Бура велӧдчыны, зіля пелькӧдчыны, мичаа сёрнитӧ, пыр лыддьысьӧ, рама асьсӧ кутӧ, тэрыба ветлӧдлӧ, этша сетіс.

Упр. 8. Вставьте в предложения соответствующие наречия.

1. Сандра ... ӧзйӧ мыйкӧ вӧчны.

2. Сандра сёрнитӧ Куратовкӧд ....

3. Тӧлын колӧ пасьтасьны ....

4. Дарья тьӧт ставсӧ тӧдӧ, сы вӧсна мый ... ветлӧдлӧ.

5. Дарья тьӧт овмӧссӧ видзӧ ..., а Катя тьӧтка овмӧссӧ видзӧ ....

6. Асыв чӧж пӧжасьӧмаӧсь да, пӧжалӧмаӧсь ....

7. Куратов Оскеркоӧс ... абу аддзылӧма.

8. Праздник лунӧ нывбабаяс ... пасьтасьӧмаӧсь.

9. Ме ислася лыжи вылын ....

10. Пӧрысь пӧль мунӧ ....

11. Кӧин котралӧ вӧрын ....

12. Ме сійӧс виччыси ....

13. Сёйышті ....

14. Сылӧн дышыс ыджыд да, уджалӧ ....

Упр. 9. Расскажите: а) что вы узнали о семье Сандры; б) почему Сандра предложила Куратову перейти на другую квартиру.

Упр. 10. Составьте диалог: разговор со знакомым о составе семьи, где живет семья, давно ли, довольны ли квартирой; какую домашнюю работу выполняют члены семьи.