В. Торопов
ТӦДМАВ, КОДЫС?
Менам ёртлы вӧралысь сетӧма кӧинпиӧс. А сылӧн вӧлі нин кычан. Пыри видзӧдлыны. Кык кычан порог дорас сёйисны пу ворйысь.
— Тӧдмав, — шуӧ ёрт, — кодыс тэ ног кӧинпиыс?
Гӧгӧрбок видзӧдлі кычанъяссӧ, но некутшӧм торъялӧм эг аддзы.
— Да тэ сёйӧмсӧ видзӧд, тадзтӧ найӧс он торйӧд, — нюммуніс ёрт. Копыртчи ворланьыс да казялі: ӧтикыс лакӧ сёянсӧ, а мӧдыс чурскӧдӧ.
Ёртӧй и шуӧ:
— Коді чурскӧдӧ, сыысь и кӧин быдмас.
Слова к тексту:
тӧдмавны [тӧдмал-] — узнать
порог — порог
вор [ворй-] — корыто
гӧгӧрбок — со всех сторон
торъялӧм — отличие
копыртчыны — нагнуться
лакны — лакать
чурскӧдны — сосать чмокая, цедить через губы
